Subah Jaldi Jagne Ki Adat Kaise Lagaye | Tarike aur Tips

Subah Jaldi Jagne Ki Adat Kaise Lagaye | Tarike aur Tips

Subah Jaldi Jagne Ki Adat Kaise Lagaye

Subah Jaldi Jagne Ki Adat Kaise Lagaye

Aaj ka humara title hain Subah jaldi jagne ki adat kaise lagaye. Toh ab bas aap log iss lekh ko acchi tarah se read kariye.

Subah jaldi jagne ki adat kaise lagaye khas tips

  1. Raat ko jaldi so jaye

Agar aap subah jaldi jagne ki adat daalna chahte hain toh aapke liye raat ko jaldi so jana bahut hi jada zaruri hain. Kyun ki agar aap raat ko der se soyenge aur subah bhi jaldi jag jayenge toh aap logo ki nind puri nahi hogi. Agar humari nind puri nahi hui toh yeh bhi ek reason ho sakta hain bimario ke hone ka. Sirf itna hi nahi agar raat ko nind puri na hone se hume aur bhi bahut sari problems ho sakti hain.

Agar hum raat ko bharpur nind nahi lenge toh subah humari nind khud se nahi khulegi. Agar alarm lagakar ya aur kisi trick ko ajmakar hum apna nind kholne main safal bhi ho gaye fir bhi humare sharir main woh freshness. Tazgi nahi ayegi jo nind pura karke subah jagne par humko milti hain. Iss tarah se adhi adhuri nind sokar subah jaldi jag jane se hume pura din nind nind feel hota rahega. Kisi kaam ko karne main bhi humara mann bilkul bhi nahi lagega.

Agar nind puri nahi hoti aur subah jag jate hain toh hume bhukh bhi dhang se nahi lagti. Nazane kitni sari problems hume hoti hain jab hume bharpur nind nahi milta hain. Isiliye humare liye raat ko jaldi so jana bahut hi zaruri hain. Jaldi so jane par humari nind bhi puri ho jati hain subah jagne ke liye tab hume koi trick nahi ajmana padta. Iss tarah se hum easily subah jagne ki adat ko daal sakte hain. Aur sath sath subah jaldi jagne se hone wale fayedo ka bhi labh hum uttha sakte hain.

  1. Raat ko heavy khana na khaye

Raat ko kabhi bhi hume heavy bhojan karke nahi sona chahiye. Kyun ki raat ko heavy bhojan karke sone se woh khana acchi tarah se pach nahi pata. Subah tak humara pet heavy hua rahta hain. Iss tarah se bhojan karke sone se humare pet main acidity etc. Hone ki sambhavna bani rahti hain. Humara sharir kyun ki subah tak halka nahi ho pata toh humari nind bhi nahi khulti hain.

Isiliye hume jitna heavy khana khana hain woh din main hi khana chahiye lekin raat ko kabhi bhi halka bhojan karke hi sona chahiye. Kabhi kabhi ayesa hota hain ki heavy bhojan kar lene se humara per itna bhari ho jata hain ki hume bahut der tak nind nahi aati hain. Kyun ki hume bahut der tak nind nahi aati hain toh humara kafi samay ayese hi waste ho jata hain. Humare paas sone ke liye thoda sa samay bach jata hain. Kabhi kabhi toh pet bhari ho jane ke karan raat ko kai baar humari nind khul jati hain. Fir kuchh der ke baad nind dobara aati hain.

Kabhi kabhi toh raat ki nind khulne ke bahut der baad hume nind aati hain. Agar kabhi acidity ho jaye toh puri raat bhi hume suffer karna pad jata hain. Toh iss tarah se humari nind subah tak puri nahi nahi ho pati hain. Lekin agar hum halka khana khakar sone jate hain toh hume nind bhi bahut acchi aati hain. Humara bhojan bhi raat bhar main pach jata hain. Subah subah nind khulne ke sath sath hume acchi bhukh bhi lagti hain. Toh aap logo ko bhi hum yahi salah denge ki aap log raat ko halka bhojan karke hi sone ke liye jaye.

  1. Aram se soye

Hum pura din toh apne apne kaam main vyast rahte hain. Aur pura din kaam karke zahir si baat hain ki hum raat ko bahut jada thak jate hain. Toh raat ko so lene se humari sari thakan subah tak ekdam dur ho jati hain. Lekin agar thakan ko puri tarah se dur karna hain toh hume sote waqt koi bhi disturb nahi hona chahiye. Aur humara main uddeshya hain ki humari nind puri ho taki subah jaldi humari nind khule aur hum subah jaldi jag sake.

Toh nind puri hone ke liye yeh zaruri hain ki hume nind acchi tarah se aaye. Aur nind acchi tarah se aane ke liye humare sone ka mahol aur sone ki vyavasta acchi honi zaruri hain. Aap log apne sone ke vistar ko thoda aramdayak rakhe, takiya bhi mulayam rakhe. Raat ko light jalakar kabhi bhi na soye. Hala ki kuchh logo ko light jalakar sone ki adat hoti hain, ayese logo ko andhere main nind nahi aati hain. Kuchh log toh yeh tak kahte hain ki unko andhere main darr lagta hain.

Khair, jin logo ko andhere main sone se problem hain unn logo ko toh hum kuchh nahi bol sakte lekin jo log andhere main so sakte hain unn logo ke liye humari yeh special advise hain ki woh log light off karke hi soye. Ha lekin unko ekdam andhere main sone ki bhi koi zarurat nahi hain, woh log dim light jalakar so sakte hain. Raushni ke mukable hume andhere main kai guna acchi nind aati hain. Aur jaisa ki humne pahle bhi aap logo ko kaha hain ki agar nind acchi aayi aur jaldi so gaye toh unki nind subah jaldi automatically khul jayegi. Unhe subah jaldi jagne ke liye kuchh extra mehnat karne ki bhi koi zarurat nahi padegi.

  1. Iradda pakka kare

Agar aap log subah jaldi jagna chahte ho toh aapko sabse pahle apne irade ko pakka karna hoga. Kyun ki jab tak humare irrade pakke nahi honge tab tak hum kuchh bhi nahi kar sakte. Isiliye agar subah jaldi jagna hain toh hume sabse pahle apne aapko iss baat ke liye ready karna hoga ki ha! Hum kal se subah jaldi jagenge. Ho sakta hain ki aap logo ko pahle pahle thoda pareshani ho subah jaldi jagne main. Lekin kuchh din aap logo ko regular iss kaam ko karna hoga. Agar kuchh din aap log roj subah regular jagenge toh baad main aap logo ko subah jaldi jagne ki adat ho jayegi. Fir aap logo ko koi pareshani nahi hogi subah jaldi jagne main.

Toh ab bas aap log inn tricks ko follow kariye aur subah jaldi jagne ki adat ko daal lijiye.

Bhagwan Ko Prasann Kaise Kare?

LIKE 🡻
Copyright © 2017.