Gale Ki Kharash Kaise Kam Kare | Throat Infection

Gale Ki Kharash Kaise Kam Kare – Throat Infection

Gale Ki Kharash Kaise Kam Kare – Throat Infection

Jaisa ki hum sab jante hain ki hamari awaj hi hamari takat hoti hain chahe hum kisi bhi jagah jaye apni confident bhari awaj se kisiko bhi asani se prabhavit kar sakte hain. Lekin agar hamari awaj me confident na ho toh jiti hui bazi bhi harte der nahi lagti. Aap kisi job interview me agar jate hain toh pahle aapke confidence ka hi interview liya jata hain. And confidence toh awaj me hi jhalakti hain. Toh chaliye jante he Gale Ki Kharash Kaise Kam Kare | Throat Infection ka ilaj.

Gale Ki Kharash Kaise Kam Kare – Throat Infection

Jab kabhi hamare gale main kharash ho jata hain toh hum bahut hi birakt anubhav karte hain. Kyuki tab hum woh baat bhi nahi bol pate jo hum bolna chahte hain aur gale ki jo halat hoti hain woh toh puchhiye mat. Na kuch khakar shanti milti hain na sokar. Gala puri tarah chhill jata hain. Aise me doctor ke pass jane se pahle hi hamari halat bigad jati hain. Tab hume lagta hain kya koi aisa upay nahi hain jisse jald se jald hamara gala normal ho jaye ? Aaj hum aapko ayise hi kuch upay ke bare me batayenge jiske prayog se aaplog easily apne gale ki kharash ko thik kar sakte hain.

Namak aur pani ke garare kare

Agar aapke gale me kharash hain toh namak aur pani milakar use halka garam karle. Uske baad us pani ke garare kare. Aisa karne se aapke gale ki kharash thik ho jayegi. Aap din bhar main kam se kam 2 baar garare kare.

Adrak

Gale ki kharash dur karne ke liye adrak ek uttam upay hain. Aap adrak ka ek tukda apne mouth main rakhe. Isse aapke gale ko kaphi aram milega. Aap chahe toh adrak aur sahad ka paste banakar use thoda thoda karke chat sakte hain.

Sahad, nimbu aur adrak ki chay banakar piye

Sahad, nimbu aur adrak ki chay gale ki kharash par kaphi asardar hain. Isse aapke gale ki kharash ko turant aram milega.

Pani adhik piye

Kabhi kabhi pani kam pine ke karan gala sukh jata hain jisse humare gale me kharash ho jati hain. Isliye aap roj kam se kam 8 glass pani pine ki koshish kare.

Haldi wala dudh piye

Haldi wala dudh sardi, jukam aur gale ki kharash sabke liye faydemand hain. Aap roj raat ko sone se pahle haldi ke sath 1 glass dudh ubalkar use piye. Aisa karne se aap gale ki kharash se bache rahenge.  Aapko agar khansi ho raha hain toh aap raat ko sone se pahle ek glass garam dudh main adha chammach haldi milakar usse piye. Garam dudh main haldi milakar pine se aapki khansi bahut zaldi thik ho jayegi aur aapko bahut zaldi aram milega.

Honey

Gale ki kharash ke liye honey kaphi faydemand hain. Aapko agar kharash ho gaya hain toh 1 chammach kaccha honey ka sewan kare. Aap roj raat ko sone se pahle 1 chammach honey le sakte hain.

Throat spray

Aap apne gale ki kharash ko thik karne ke liye throat spray ka bhi prayog kar sakte hain.

Ghale ko thoda aram de

Kabhi kabhi hum jada bolne ke karan ya chillane ke karan hamara gala baith jata hain. Isliye koshish kare ki aap jada tej na bole ya aap chillaye na aur kabhi agar aapne chillaya toh uske baad thodi der kuch bole na aur pani ya chay jo bhi ho piye. Ayesa karne se aapka gala gila ho jayega aur aap kharash ke sambhavna se bache rahenge. Kyuki har cheez ki tarah gale ko bhi toh aram ki jarurat padti hi hain.

Kali mirch ki chay piye

Aapko agar kharash hain toh aap turant kali mirch ki chay banakar piye. Iske liye aapko jada kuch nahi karna hain bas 1 cup ubalte pani main simit matra main kali mirch ka churan daal de. Agar aap chahe toh apni chay main shakkar ya shahad daal sakte hain. Aisa karne se aapki kharash turant khatam ho jayegi.

Upar ki lines me humne gale ki kharash ko thik karne ke upay ke bare main bataya hain. Mujhe puri ummid hain ki aap log in tariko ko apnakar jarur labhvan honge. Meri aap logo se request hain ki aap log bad ek baar in tariko ko apnakar jarur dekhe kyuki gale ki kharash ek bahut hi irritating bimari hain aur hum nahi chahte ki aaplog jada der tak is bimari ko jhele. Isliye aap logo ko jab big kharash ho toh turant in nuskho ko apnaye aur apne gale ki kharash se mukti paye.

Dil Ki Bimari Se Dur Kaise Kare?

LIKE 🡻
Copyright © 2017.