Free Recharge App

Youtube Par Video Upload Kaise Kare | Step by Step Guide


  • Free Recharge on Mobile - Download Now
Free Mobile Recharge Kaise Kare
Youtube Par Video Upload Kaise Kare | Step by Step Guide
Youtube Par Video Upload Kaise Kare

Aapke mind me agar video ko online dekhne ka khayal bhi aata hai toh aap youtube se bahtar kuch or nahi soch sakte. Kyon ki youtube duniya ki sabse badi videos ki website hai. Yha aapko koi bhi video badi aasani se mil jati hai. Par youtube bas video dekhne ke liye hi nahi hai, youtube par video upload bhi kar sakte hai aap apni khud ki. Kyon ki isse apki income toh hogi hi agar aapki videos achi or creative hogi toh ishe log pasand karenge or future me bhi aapse or videos ko upload karne ki demand karenge.

Youtube Par Video Upload Kaise Kare

Aaj kal youtube par video upload karke bahut se log kafi popular ho rahe hai. Aap bhi apne videos badi aasani se youtube par upload kar sakte hai. Kitni hi baar dekha gaya hai, bahut se hidden talents youtube ki video se hi sabke samne aaye hai. Har kisi me koi na koi talent jarur hota hai, ap bhi ishe puri duniya ko dikha sakte hai. Iske liye bas aapko humare steps ko follow karna hoga or apne videos ko upload kar sakte hai.

Youtube Par Video Upload karne ke Tarike

Aap youtube par 2 tariko se apni videos ko upload kar sakte hai, jisme pahla tarika hai “Computer se video upload karna” or dusra “Mobile se video upload karna”. Vaise toh dono tarike bade hi aasan hai par inme videos ko upload karne me thoda difference hai, jo aapko dono ke upload karne ke tariko se pata lag jaega. Toh chaliye pahele jante hai “computer se kaise video upload kare”.

Computer Se youtube par video upload Kaise Kare

Youtube par computer ka use karke aap badi aasani se apne videos ko upload kar sakte hai, iske liye bas aap niche diye gaye steps ko follow kare.

  1. Sabse pahele aap apne system me kisi bhi browser ko open kriye, browser ke address search bar me aapko “www.youtube.com” type kariye or enter press kare. Isse aapke samne youtube ki website khul ke aajaegi.
  2. Ab aapko youtube me sign in karna hoga, agar apka youtube par account nahi hai toh aap apne gmail or goggle account se bhi youtube par sign up kar sakte hai or agar aap already hi youtube par account banaa chuke hai toh youtube me right side me top par aapko “sign in” ka option dikhega, us par click karke sign in kriye. Isme aapko apna youtube account ka “username” or “password” enter karna hoga. Username or Password verify hone par aapka “Login” ho jaega.
  3. Login karne ke baad “Upload button” pr click kare, jo aapko sign in button ke pass me najar aaega. Upload par click karte hi aapke samne ek new window open ho jaegi. Is par click karke aap sidha apni “storage drive” me chale jaoge.
  4. Yaha se bas aapko vo video file select karni hai, jise aapko upload karni hai. Us file par click karte hi aapki file upload honi shuru ho jaegi.

Note: “Is baat ka dhayan rakhe Jab tak aapki video puri upload na ho jae tab tak is page ko band nahi karna hai. Varna apki process vhi terminate ho jaegi. ”

  • Free Recharge on Mobile - Download Now
Free Mobile Recharge Kaise Kare
  1. Ab ishi window me upar aap apni video ki upload ki percentage dekh sakte hai kitni hui hai.
  2. Iske baad apko isme “video title” ka box najar aaega. Isme aapko video ka title dena hai. Ishi naam se apki video youtube par show hogi.
  3. Yeh column hai video ke description ka yaha aapko video ke bare me batana hai ki is video me kya hai or ye kis bare me hai. Isme aap video se judi important sabhi kuch bate bata sakte hai.
  4. Ye column “tag column” hota hai. Yaha aapko video ke tags ko add karna hota hai. Ye tags apki video ke un sabhi topics ko cover karta hai jin par aapki video banayi gayi hai.
  5. Is column me aapko apni video ke liye image ko select karna hai, jo aapke video me sabse pahle najar aaegi. Yaha aapko 3 images milegi, inme se aapko koi image choose karni hogi ya chay aap khud bhi apni koi image use kar sakte hai.
  6. Ab aapko apne video ki privacy set karni hogi, default toh ye public milegi. Agar aap apni video ko puri duniya me viral karna chahate hai, jisse koi bhi ise dekh sake toh aapko ishe public hi chod dena hai. Varna ishe change karke apni marzi ke hisaab se privacy laga sakte hai.
  7. Agar aap apni video ko share bhi karna chahate hai toh ishi page se aap ishe aasaani se share bhi kar skte hai. Bas share par click kariye or platform select kariye jha ishe aapko share karna hai.
  8. Sari information ko ache se bharne ke baad apko bs public button ko press karna hai, aapki video ab upload ho chuki hai. Agar aapko or bhi video upload karni hai to yhi upload kar sakte hai.

Mobile Se Youtube Par Video Upload Kaise Kare

Iske liye aapko niche diye gaye steps ko follow karna hai or aap badi aasaani se apni videos ko upload kar sakte hai. Computer or Mobile se video upload karne me jayada farak nahi hai.

  1. Sabse pahle Play Store par jake Youtube ki application ko download kare.
  2. Youtube ki app ko open kare, or aap isme apne phone ke account se sign in kar sakte hai, or ya aap or koi account add karna chahate hai toh add account par click kare. Left corner me upar diye gaye 3 dots par click kare isme aapko uploads ka option najar aaega us par click kare. Ab aapko upload ka ek icon dikhega us par click kare.
  3. Yaha se aap apni file jo upload karni hai, use select kare.
  4. Video select karne pr agar aapko wifi se upload karni hai to “wifi mode” varna “cellular data” mode ko select kare. Ye aapki choice hogi agar aapke pass data jayada available nahi hai to wifi mode hi select kare.
  5. Select karte hi aapki file ki upload hone ki process suru ho jaegi.
  6. Iske baad aapko video se related sari information ko bharna hoga, jaise upar “Computer se video kaise upload kare” me bataya gaya hai.
  7. Sari details ache se bharne ke baad Next button par click kare, aapki file successfully upload ho jaegi.

In dono tricks ko use karke aap android phone ke sath apne system se ab badi aasani se youtube par video upload kar sakte he. Agar apki videos users ko kafi pasand aayi to ye aapki achi kamai bhi kara sakti hai. Toh fir der kis baat ki upar diye sare steps ko ache se follow kare or apni khud ki videos ko puri duniya me viral kriye.

Internet Par Badi File Kaise Send Kare?

What's Your Reaction?

Love It Love It
0
Love It
Like It Like It
0
Like It

Youtube Par Video Upload Kaise Kare | Step by Step Guide

log in

reset password

Back to
log in