Free Recharge App

Webcam Ki Jankari | Webcam Ke Types and Kaise Istemaal Kare


  • Free Recharge on Mobile - Download Now
Free Mobile Recharge Kaise Kare
Webcam Ki Jankari | Webcam Ke Types and Kaise Istemaal Kare
Webcam Ki Jankari

Webcam Ki Jankari

Hello Dosto! Aaj hum aap logo ke liye ek bilkul hi naya aur unique topic lekar hazir hue hain. Aajke humare iss lekh ka topic hain Webcam Ki Jankari, Webcam Ke Types and Kaise Istemaal Kare. Aaj ke iss lekh main hum aap logo ko webcam ka definition dene ke sath sath yeh bhi batane wale hain Jo webcam ko computer main kaise install kar sakte hain. Toh ab aap log bas iss lekh ko acchi tarah se read kariye aur webcam ke bare main detail main jankari hasil kar lijiye.

Webcam kya hain?

Dosto! Webcam ki jankari me Sabse pahle hum aap logo ko yeh batana chahte hain ki webcam kya hain. Toh webcam ek hardware input yantra hain jo apne samne aane wale kisi vyakti ya image ki video banata hain. Jadatar laptop main webcam laptop ke sath hi laga hota hain ya fir aap isko kisi cable ke sath computer ke USB port se jod sakte ho. Isko ek tarah ka chhota digital camera bhi kaha jata hain. Webcam aapko internet ke jadiye kisi vyakti ki photo ya fir video ke sath judne ki suvidha pradan karta hain. Iska istemaal jadatar internet ki madat se video par baat karne ke liye kiya jata hain, jisko aam bhasha main hum video chatting bhi kahte hain. Yaha par ek baat aap logo ko batana chahenge, abse pahla webcam 1991 main banaya gaya tha.

Webcam Ki Jankari

Webcam apne samne aane wali har vyakti ki image ki ek series banata hain aur fir usse webcam software ke paas bhej deta hain, jo isko internet ki sahayta se broadcast kar deta hain. Jiske baad inn image ko tez se dikhaya jata hain. Webcam main image ko dikhne ki gati ke adhar par hi video banti hain. Kisi bhi image ko internet par broadcast karne ke kuchh tarike hote hain jaise ki software image ko JPEG file main badalkar isse FPS (Frame per second) main napa jata hain. Yeh har second main takriban 30 se jada image ko dikhata hain aur yahi karan hain ki hume image ek video ki tarah dikhta hain. Jab bhi hum lambe samay tak webcam ke samne baithte hain toh humari image lagatar banti rahti hain aur unn images ko video main badalte rahta hain.

Toh upar aap logo ne yeh padha ki webcam kya hain, aur ummid karte hain aap logo ko upar ki bate acchi  tarah se samajh main aa gayi hogi. Toh ab humara yeh bhi jan lena zaruri hain ki webcam ko apne computer main ya laptop main hum kaise install kar sakte hain. Toh chaliye ab hum yeh jan lete hain ki webcam ko install karne ke liye hum kin kin tariko ko apna sakte hain.

Webcam ko computer ya laptop main kaise install kare

Agar aapke computer main ya laptop main webcam nahi hain toh aap log sabse pahle internet connection karwa lijiye. Uske alawa bhi aapke paas ek accha webcam hona chahiye jisko aap apne computer se ya laptopke sath jod sako, aur sirf itna hi nahi aapke paas uss webcam ko install karne ke liye ek software bhi hona chahiye. Wese toh bazar main alag alag akar ke aur alag alag gunvatta wale bahut sare webcam milte hain.

  • Free Recharge on Mobile - Download Now
Free Mobile Recharge Kaise Kare

Toh unn main se aap apni zarurat ke hisaab se kisi bhi webcam ko apne liye chun sakte hain aur usko kharid sakte hain. Aur baat rahi software ki toh software aapko internet par hi mil jayega. Toh Internet se aap apne liye hue webcam ke model number ke adhar par kisi uchit software ko download kar sakte hain. Jadatar kya hota hain ki jab aap naya webcam kharidte ho toh ussi ke sath uske software ki CD de di jati hain.

Agar aapke paas upar di gayi sari cheeze maujud hain, toh aap logo ko webcam ko apne computer main install karne main koi pareshani nahi hogi. Bas aap log niche diye gaye steps ko follow kariye.

Step1

Sabse pahle aap apne webcam ko USB ki madat se apne computer ke sath jod lijiye.

Step 2

Ab aapne jo webcam kharida hain uske sath ek CD bhi aapko mila hoga. Toh aap uss CD ko apne computer main daal de aur usko install kare. Install hone ke baad aapka webcam apne aap kaam karna suru kar dega. Lekin agar by chance aapka webcam kaam karna chalu na kare toh aap apne computer ko restart kar le. Computer ko restart karne ke baad aapka webcam 100% kaam karna chalu kar dega.

Step 3

Ab aap apne webcam ko apne computer ya laptop ke upar iss tarah se set kar de taki jab bhi aap apne computer ke samne baithe ho aapki uss main acchi image dikhe.

Congratulations! Aapne apne computer main successfully webcam ko install kar liya hain. Ab aap apne webcam ka istemaal apne dosto se baat karne ke sath sath aur bhi bahut sare kaam karne ke liye kar sakte hain.

Webcam ke types/prakar

Dedicated webcam

Sabse jada istemaal hone wale jo webcam hote hain, woh hain dedicated webcam. Inn webcam ki bahut si khas baat hoti hain. Unn main se ek yeh ki inki kimat bahut kam hoti hain yane ki yeh saste hote hain, sath sath inko install karna bhi bahut jada easy hota hain. Inko computer ke sath USB ke dwara joda jata hain. Lekin inn main image ki FPS bahut kam hoti hain. Jinki wajah se inki image aur video ki gunvatta utni acchi nahi mil pati.

Integrated camera

Inka istemaal portable yantra ke roop main kiya jata hain. Iske dwara aap kahi bhi video call ka maza le sakte ho. Inko ek sthan se dusre sthan par le jana bahut asan hota hain. Hala ki inki image ki gunvatta utni acchi nahi hoti lekin inke dwara video call karna bahut comfortable hota hain. Inka istemaal jadatar laptop ya notebook main kiya jata hain. Kuchh integrated webcam main 2 camera diye hote hain. Jin main se ek ko aap video call ke liye istemaal kar sakte hain aur dusra camera ussi waqt aapki image leta rahta hain.

Standalone

Inn webcam main ek lanc aur ek stand laga hota hain. Inko bhi aap USB ki madat se computer ke sath jod sakte ho.

Toh dosto! Aaya na pasand aap logo ko humara upar ka Webcam Ki Jankari lekh. Toh ab bas aap logo se yahi request karenge ki aap log inn tricks ko follow kariye aur bina kisiki help liye webcam ko apne computer main install kar lijiye.

Tablet PC Ki Jankari and types

What's Your Reaction?

Love It Love It
0
Love It
Like It Like It
0
Like It

Webcam Ki Jankari | Webcam Ke Types and Kaise Istemaal Kare

log in

reset password

Back to
log in