Virus Kaise Nikale | Computer PC Laptop Pen Drive


PC se Virus Kaise Nikale
PC se Virus Kaise Nikale

Dosto! Aaj ka humara topic hain Virus Kaise Nikale. Toh chaliye jante hain ki humare Computer, PC, Laptop, Pen Drive ko kaise hum virus free rakh sakte hain. Lekin usse pahle chaliye hum yeh jan lete hain ki humare computer main virus hain ya nahi hain iska pata hum kaise laga sakte hain.

Virus Kaise Nikale – Computer Tricks

Virus aapke pendrive mein ghus kar aapke files ko badal sakta hain tatha nuksaan pahuncha sakta hain. Agar aap kisi anya ka pen drive jisme ki pehle se virus ho istemaal karte hain to who aapke PC ya mobile ko bhi nuksaan pahuncha sakta hain. Aaiye jaane kaise aap iss virus ko pen drive se nikaal sakta hain.

PC virus detect karne ke liye tricks

PC performance check kare

Sabhi PC virus ki jo ek baat common hoti hain woh yeh ki PC ke health ko effect karna. Isliye PC hardware ki activity check karke hum humare PC main virus hain ya nahi hain iss baat ka pata laga sakte hain. Maan lijiye aapne koi software or program use nahi kiya hain phir bhi PC ka hardware up and down ho raha hain, Toh iska matlab yeh hain ki aapke PC main virus hain.

Computer ON hone ki ek timing hoti hain. Aur agar aapka laptop ON hone main normal time se jada time le raha hain toh iska matlab virus ne aapke laptop ke startup ko effect kiya hain.

Programs TAB late open hona bhi hain virus ki nishani

PC virus ki pahchan hum program se bhi kar sakte hain. Agar aapne koi software ya program open kiya hain lekin woh program bahut late open ho raha hain toh iska wajah virus ho sakta hain. Agar virus ne PC ke operating system ko effect kiya hoga toh uske wajah se koi program late open ho sakta hain.

System ke maintenance process ko bhi ek baar check kar lijiye. PC ke bottom main right corner par ek icon hota hain. Aur agar aapka PC virus se parabhavit hoga toh woh icon aapko alert kar dega.

Firewall wese toh ek filter program hain lekin agar Firewall aapko baar-baar alert kar raha hain toh possible hain ki aapke computer main kuchh virus hain.

Agar aapke PC main ek hi file same name se 2 available hote hain toh iski wajah bhi virus hi hain.

Web browser check kare

Agar aapne koi browser open kiya hain aur sabhi page par bar-bar pop up message show ho raha hain toh iska matlab yahi hain ki aapke PC main zarur virus hain.

Ab chaliye hum yeh jan lete hain ki computer ko virus se free rakhne ke liye hum kin kin tariko ko apna sakte hain.

  1. Computer ko humesha clean rakhe

Aapko apne PC ko humesha clean rakhna chahiye. Aap apne desktop par faltu aur bekar files save karke mat rakhiye. Aap chahe toh ek hi subject se judi files ke liye ek folder bana sakte hain. Purani aur gair jaruri files ko jitna zaldi ho sake delete kar dijiye.

  1. Download par humesha rakhe nazar

PC par kabhi bhi galat files ko download na hone de. Sath hi agar inbox me aprichit( anjan ) Email Address se mail aata hain, toh attechment ko turant na khole. Email main diye gaye link par bhi click na hi kare. Agar link kholna hi hain toh uss par right click karke copy shortcut kare aur usko notpad par paste kare. Isse aapko asli link ke bare main pata lag jayega. Internet se kisi bhi software ko download karne se pahle antivirus se virus scan kare.

  1. Antivirus software ka rakhe Khayal

Aaj kal bazar main bahut sare antivirus software uplabhad hote hain. Inn main se kuchh top 10 antivirus software ke name hum niche aap logo ko bata rahe hain.

  • K7 Computing Total Security.
  • Mcafee Internet Security.
  • AVG Internet Security.
  • Avira Antivirus.
  • Kaspersky Lab Internet Security.
  • Norton Norton Security.
  • Quick Heal Total Security.
  • Avast Free Antivirus.
  • Bullguard Internet Security.
  • Bitdefender Internet Security.

Aap apne PC ke liye inn main se kisi bhi Antivirus ko download kar sakte hain. Yeh antivirus aapke computer aur internet ke bich ke connection par nazar rakhte hain. Sath sath yeh internet se virus aur spyware download hone se bhi rokte hain, aur aapki personal jankariyo ko internet par leak nahi hone dete hain. Kai antivirus software khud ko internet ki madad se samaye samaye par update bhi karte rahte hain. Iska karan yeh hain ki virus banane wale inn software ki kamiya khojte rahte hain. Antivirus software banane wali companiya bhi inn kamiyo ko dur karti rahti hain.

CMD ka prayog kare

Pen drive se virus hatane ke liye CMD ka istemaal karen. Command Prompt se virus nikalna evam apne files ko surakshit rakhna sabse shreshtha tarika hain evam 95% sambhaavnayen hoti hain ki isse virus nikal jaate hain. Iskeliye aap Start mein jaakar Run mein jaayen tatha cmd likhein. Apne pen drive ki directory mein jaayein. Type karen –h-r-s/s/d/e:*.* aur Enter button dabayen. Jab aapko aapki files mil jaayen to unhe kisi aur surakshit folder mein copy kar lein.

WINRAR ka prayog karen pehle jaise files paane ke liye

 Agar CMD ke istemaal ke bavjood virus reh jaaye to WinRar ka upyog karen pehle jaise files paane ke liye. WINRAR application kholein. Pen drive tak pahunche. Files copy karke paste karen jahaa aap chahte ho. Pen drive ko format karen.

ANTIVIRUS ka prayog karen

Avast ek behtarin antivirus hain virus ko nikalne ke liye. Agar baar baar aapke pen drive mein virus aa raha ho to iss antivirus ko install karke Boot Time Scan kare jisse ki koi bhi kharaabi door ho jaayegi.

Software ka prayog karen

Iss samasya ko suljhane ke liye internet par kaafi software milenge. Inme se ek hain USB fix. USB fix download kar install karen. Agar pehle se koi program band kar dein taki nuksaan na ho. Pen drive ko connect karen tatha clean par click karen. Iske baad apne computer ko re start karna na bhoolein.

BAT file banayen

Batch file programming (.BAT) ke istemaal se aap virus se chhutkara praapt kar sakte hain. Iske liye aapko keval Windows machine evam notepad ki aavashyakta hain. Apne computer mein notepad kholein. Usme apne pe3n drive ka naam likhen. Iss file ko save karte samay text documents se badal kar removeshortcutvirus.bat type karke desktop par save karen. Notepad ko band kar desktop par jaayen tatha BAT file par double click karen. Kuch seconds mein pen drive se sabhi virus hat jaayenge.

Pen drive virus removal antivirus ka prayog karen

USB Virus Scan ek vishesh anti virus hain pen drive ke liye. Isse aapke computer ko bhi poori suraksha milti hain. Pen drive ko nuksaan pahunchaye bina yeh pen drive mein virus dhoondh kar usse nikaal sakta hain.

Registry files ko tod kar virus hatana

Yeh sabse aasan tarikon mein se hain kyunki isme aapko kuch download nahin karna padta hain. Task bar par right click kar task manager ko kholein. Processes tab mein wscript.ece khojein, uss par click karen tatha End Processes par click karen.RUN mein regedit type karen. Isse Registry Editor khulegaa. Ab ismein odwcamszas dhoondh kar right click karen aur mita dein.

Apne pen drive ko format karen

Aapke paas Quick Format ka vikalp rehta hain pen drive se virus hatane ke liye. Isko karne se pehle yeh sunishchit karen ki aapki saari zaroori data surakshit hain. My computer mein Pen drive par click karen. Quick Format ko chunein. Isse aapke pen drive se virus hat jaayenge.

Virus se bachne ke liye savdhaniiyan

Apne pen drive ko virus se bachane ke liye kuch savdhaniiyan barte. Pen drive ko apne aap ya automatically na chalne dein. Virus ke liye scan karne ke baad hi pen drive ka istemaal karen. Aam jagahon par pen drive ka istemaal na karen. Nuksaandayak websites ka istemaal na karen. Anti virus ko aadhunik rakhen.

Toh ab bas aap log inn tricks ko follow kariye aur apne computer ko virus se free rakhiye.

Computer Format Kare – Steps.

What's Your Reaction?

Love It Love It
0
Love It
Like It Like It
0
Like It

Virus Kaise Nikale | Computer PC Laptop Pen Drive

log in

reset password

Back to
log in