Videsh Mai Padhne Ki Tayari Kaise Kare – Jankari Hindi Me


Videsh Mai Padhne Ki Tayari Kaise Kare - Jankari Hindi Me

Videsh Mai Padhne Ki Tayari Kaise Kare – Jankari Hindi Me

Videsh Mai Padhne Ki Tayari Kaise Kare

Aaj ka yuva varg mehatvakanshi ke saath-saath jagrook bhi hota hain. Apne ujjwal bhavishya ke liye woh videsh jaakar padhne se bhi nahin katrata. Parantu iske liye bhi unhe kuch baaton ka dhyan rakh kar poori tayari ke saath videsh jana chahiye. Aaiye jaane woh kaun si baatein hain. Chaliye Jane Videsh Mai Padhne Ki Tayari Kaise Kare – Jankari Hindi Me.

Un vidyarthiyon se baatein kare jo videsh mein padh chuke hain

Apna faisla lene se pehle aap un vidyarthiyon ka anubhav sune jo pehle se waahan padh rahe ho. Unki sangharsh aur safaltaaon ki baatein aapko maansik roop se tayaar karengi. Agar aap jo padhaai karna chahate hain uske anya vidyarthiyon se bhent ho to aap unse vishishth sawaal kar sakte hain. Isse aapki man ki aashankayen kam ho sakengi.

Padhiye : 12th Ke Baad Career Kaise Kare – Jankari Hindi Me.

Kharchon ko vyavasthit rakhe

Videsh mein padhna mehenga saabit ho sakta hain. Kisi tarah ke pravesh patra ko bharne se pehle yeh nishchit karen ki aap videsh mein kitna wakt bitana chahate hain. Kuch vidyaarthiyon ko chhatravritti aur karz mil jate hain. Chhatravritti kai tarah ke uplabdh hote hain jiske liye vidyarthi videsh jaane se pehle aavedan kar sakte hain.

Yeh nishchit karen ki aapke paas yatra karne ke liye sabhi aavashyak dastevez hai

Aap jis desh jaana chahate hain uska chalu passport hona aavashyak hain. Yadyapi kai desh vidyarthi visa bhi dete hain. Agar aap jis desh mein padhne jaa rahen hain wahan aisa ho to aapko jaane se bahut pehle visa ke liye aavedan karna padega. Yeh bhi nishchit karen ki aapka visa utne samay ke liye ho jab tak aapko videsh mein reh kar padhna hain.

Chikitsiya jaanch karvayen

Videsh mein padhne jaane se pehle apne doctor se sampoorn jaanch karwakar aashwats ho jaayen ki aap poori tarah se swasth hain.  Apne doctor ko batayen ki aap kis desh mein jaa rahen hain aur unse ahtiyat ke tips lein. Yeh zaroori hain ki aapka poori tarah se tikakaran ho rakha ho. Doctor se yaad rakh kar pooche agar koi aur tika lagwane ki aapko avashyakta hain us jagah ke mutabik jahaan aap jaa rahen hain.

Bima karwa lein

Yatra bima aapke liye ek zaroori vikalp hain agar aap videsh jaa kar bimaar pad jaayen. Agar aapka swasthya bima pehle se hai to yeh nishcit kar lein ki isme videshi kharche sammilit hain. Agar aisa nahin hain to aap videshi yatra ke liye aisi koi policy lein sakte hain.

Sthaniya pehchan ki khoj kar lein

Jaane se pehle apne doston, rishtedaaron tatha anya pehchaan waalon ko bata kar jaayein ki aap videsh mein kahaan padhne jaane waale hain. Agar unki pehchaan ka wahan koi rehta ho to aapke liye suvidhaa rahegi.

Samajik parivesh se avgat rahe

Videsh mein aap jahaan jaayenge wahaan ke samajik mauhal ko samajh lein taki aap atpata na mehsoos karen. Koshish karein ki bhasha ki samasya na aayein. Apne saath videshi bhasha ki ek dictionary rakhen.

Videsh jaane se pehle tay karen ki aap kahaan auy kya dekhna chahte hai

Videsh jaa kar aapko padhaii ke alava wahaan ghoomne ka bhi mauka milega. Iske liye aap jaankari lekar jaayen ki wahaan kya kya dehne ko hain tatha wah paryatan sthal aapke nivaas sthan se kitni doori par hain. Iske liye aap alag se manoranjan budget banakar chalein. Videsh mein aapko vishesh guides bhi milenge jo khaas taur par vidyaarthiyon ke liye hote hain.

Bank dhoondh lein

Videshi bank mein kaam karne ka dhang alag ho sakta hain. Aap utni asaani se shayad apna credit ya debit card istemaal na kar paayen jitni aasani se apne desh main karte honge. Isliye accha hoga ki aap videsh pahunchte hi apna ek naya bank account khol lein. Apne videsh padhai salahkaar se is sandarbh mein niyam kanoon samjh lein.

Yeh jaan lein ki aapatkalin sthiti mein aap kya kare

Videsh jaane se pehle yeh pata kar lein ki aap police, agni vibhaag tatha koi aur videshi aapathkalin sevaon ko sampark kaise karen. Wahaan ke kanoonan suvidhaon ke baare main jaankari lekar hi jaayen.

Videsh mein dootavas dhoondh lein

Videsh jaane se pehle aapko yeh pata hona chahiye ki aapke desh ka dootavas kahaan sthit hain. Uska phone number hamesha apne paas rakhen. Unki website se bhi jaankari lete rahein.

Job Aur Padhai Kaise Manage Kare – Jankari Hindi Me.

Tags: ,
Easy Life Tricks
Sponsored Channel
Mr Hindi Indian Youtube Channel