Vakrasana Kaise Kare aur Uske Fayde – वक्रासन कैसे करे


Vakrasana Kaise Kare

Vakrasana Kaise Kare

Vakrasana Kaise Kare – वक्रासन के लाभ

Yoga karne se sharir nirogi rehta hai aur bimariyon se bachav hota hai. Yog ek aisi cheej hai jiske liye ab doctor ne bhi haan kar di hai use karne se aisi bimari ka bhi ilaaj ho jata hai jiske liye doctor ke haath khade hojate hai. Agar aap ise niyamit rup se apne jindagi ka hissa bana le to ye aapke liye bus fayde ka souda hi sabit hoga. Ise apko koi nuksaan nahi hoga. Iske liye bus thoda hi samay nikalana padta hai. Yoga ke aasan kai tarah ke hote hai usme se ek hai Vakrasana. Vakrasan baithkar karne vale aasnon se antargat aata hai. Vakr Sanskrit ka shabda hai jiska arth hota hai tedha, lekin is aasan ke karne se merudand sidha hota hai. Halanki sharir pura theda ho jata hai. Aaiye is lekh me hum apko batate hai Vakrasana Kaise Kare aur Uske Fayde – वक्रासन कैसे करे ke bare me.

Vakrasana Kaise Kare

Ise karne ke liye dono pairon ko samne failakar baith jayiye.

Fir dono haath bagal me rakhiye aapki kamar sidhi aur nigahen samne ki taraf honi chahiye.

Dahine pair ke ghutano se moadkar laiye aur theek bayen pair ke ghutane ki sidh me rakhiye.

Uske baad daayen haath ko piche le jiaye, jo ki merudand ke samantar hona chahiye.

Kuch der isi sthiti me rehne ke baad baayen pair ke ghutano se moadkar aasan kijiye.

Iske baad baayen haath ko dahine pair ki ghutano ke upar se cross karke jameen ke upar rakhiye.

Iske baad garden ko dheere dheere piche ki aur le jate hai aur jyada se jyada piche ki aur dekhne ki koshish kijiye.

Fayde

Vakrasan ke abhyas se liver, kidney, painkriyaj prabhavit hote hai. Jisse yeh ang nirogi rehte hai.

Ise niyamit rup se karne se spinal kai majbut hoti hai.

Harniya ke rogiyon ki bhi is aasn se laabh milta hai. to sharer ko svasth rakhne ke liye Vakrasan kijiye.

Savdhani

Vakrasan ko karte waqt thodi savdhani jaruri hai. Daayen pair ko jab ghutano se moadkar laaye, to baayen pair ghutane ki sidh me hone chahiye.

Piche rakha gaya haath kohni se sidha rakhte huye merudand se 6 se 9 inch ke beech me hi rakhiye.

Pet aur kamar ke rogi yog chiktasha ki salah le, nahi to unko samasya ho sakti hai.

Vakrasan sahrir ke liye bahoot faydemand hai.

Vakrasan ko karne ke liye subah ka samay behtar maana jata hai aur vaise bhi har aasan ko agar aap subh ke samay kare to vo aapke sharir ko fayda hi fayda dega.

Khana khane ke baad koi bhi aasan ya yoga nahi karna chahiye. Us waqt ya to aap 100 kadam paidal chaliye ya fir sidhe bed pe jaake sidha pair karke let jaiye.

Is aapki pachan shakti sahi rahegi. Aap kabhi bhi khana khane ke baad agar baith jaate hai to use apki pachan kriya kharab rahegi.

Ye Jarur Jane Yogasan Karne Ke Tarike and Vidhi.

Mr Hindi Indian Youtube Channel