Upwas Kaise Kare – Tips aur Labh Ki Jankari Hindi Me

Upwas Kaise Kare - Tips aur Labh Ki Jankari Hindi Me

Upwas Kaise Kare

Upwas Kaise Kare

Aaj ka humara title hain upwas kaise kare. Toh aap logo se humari bas yahi request hain ki aap log iss lekh ko acchi tarah se read kariye aur iss lekh main diye gaye tips ko follow kariye.

Upwas Kaise Kare – Tips aur Labh

Nirjala upwas kaise kare

Upwas kai type ke hote hain. Kuchh upwas ayese hote hain jinko karne se hum kuchh bhi nahi kha sakte hain. Ayese upwas ko nirjala upwas kaha jata hain. Toh kyun ki ayese upwas ko karne main hume thodi si pareshani hoti hain. Jin logo ko weakness jaisi problem hain, unn logo ko ayese upwas nahi rakhne chahiye. Kyun ki inn upwas main kya hota hain ki hum pura din kuchh bhi nahi kha sakte aur sirf itna hi nahi ayese upwas ko karne se hum pani bhi nahi pi sakte hain. Toh ayese main agar hume bich main pyas lag jaye toh hum pani bhi nahi pi sakte. Isiliye unn logo ko ayese upwas nahi rakhne chahiye jin logo ko weakness ki problem hain ya aur koi bimari hain.

Kabhi kabhi kya hota hain ki kuchh log josh main akar upwas toh rakh lete hain lekin upwas ko complete nahi kar pate. Kabhi kabhi toh kuchh logo ki tabiyat bhi kharab ho jati hain. Ayese main na hi woh upwas ko tod sakte hain aur na hi rakh sakte hain. Toh hum aap logo ko yahi salah denge ki aap log agar ayese upwas karne ka kabhi sonche toh apni sehat ko dhyan main rakhe, aur agar aapko zara bhi ayesa lage ki aapki tabiyat acchi nahi hain ya aapko upwas ke dauran pareshani ho sakti hain toh aap upwas na hi rakhe.

Fruits ka sewan karte rahe

Kuchh upwas main hum fruits bagera kha sakte hain. Toh agar aap log ayesa koi upwas kar rahe hain toh aap log bich bich main fruits ka sewan karte rahe. Agar aap log din bhar main koi na koi fall baar baar khate rahenge toh aap logo ko kamjori ka ehsaas nahi hoga aur aap log kisi bhi upwas ko easily complete kar payenge. Isiliye aap logo se humari yeh request hain ki aap log jab bhi koi upwas kare toh bich bich main fruits ka sewan zarur karte rahe. Aap upwas ke pahle din hi kuchh fruits kharid kar rakh le taki upwas wale din aap unka sewan kar sake.

Lekin ek baat aap log aur yaad rakhe ki aap logo ne upwas rakha hain toh aap log uss din jada aram hi kare yane ki aap log uss din jada kaam na kare. Kyun ki kaam karne se aapko thakan hogi aur aapko bhukh bhi lagegi. Toh upwas ki halat main aapko pareshani ho sakti hain.

Bahar jada na jaye aur dhup main na nikle

Agar aap log garmi ki mausam main upwas rakh rahe hain toh aap log bahar jada na nikle. Bahar se humara matlab yeh nahi hain ki aap darwaje par bhi na nikle, balki hum toh yeh kahna chahte hain ki aap log uss din market etc. Karne ke liye na jaye toh better hain. Agar aap log uss din bahar niklenge toh zahir si baat hain ki aap logo ko dhup lagegi aur kyun ki mausam garmi ka hain toh agar dhup lagega toh pyas bhi lag sakti hain. Sirf itna hi nahi, kabhi kabhi jada dhup lagne se hume chakkar bhi aate hain aur accha bhala insan bhi bimar feel karta hain. Ayese main aap logo ke liye yahi accha hoga ki aap log uss din bahar na jaye, khaskar dhup main na jaye.

Thande pani se snan kar le

 Thande pani se snan karna humari sehat ke liye kafi accha hota hain. Thande pani se snan kar lene se humara sharir toh fresh ho hi jata hain, sath sath humara mind bhi ekdam fresh aur active ho jata hain. Toh aap log subah subah thande pani se snan zarur kar le. Agar mausam garmi ka ho tab toh accha hi hain. Garmi ke mausam main toh din bhar main do teen baar bhi snan kar liya jaye toh koi problem nahi hoti hain.

Toh aap log bhi uss din kam se kam do baar snan zarur kar le. Snan kar lene se humare sharir ki sari garmi bahar nikal jati hain aur humara body thanda ho jata hain. Lekin hum yeh nahi kah rahe hain aap log apne sharir ko dhyan main na rakhte hue bas humari baat maan le. Agar aap logo ko sardi, jukam, khasi ya aur koi problem ho toh do baar nahane ki koi zarurat nahi hain.

Apne aapko busy rakhe

Agar aapne upwas rakha hain toh toh aap iss sonch ko dimag main na aane de ki aapka aaj upwas hain. Kyun ki iss baat ko baar baar yaad karne se hume aur jada bhukh ki feeling hoti hain. Aur tab humare liye bhukhe rahna mushkil ho jata hain. Isiliye ayese main aap logo ke liye sahi rashta yahi hain ki aap log apne aap ko humesha kisi na kisi kaam main vyast rakhe taki aap logo ko iss baat ki yaad na aaye ki aap logo ka upwas hain.

Lekin upwas main jada mehnat wale kaam karna bhi accha nahi hain toh aap logo ke liye yahi accha hoga ki aap log koi halka kaam karte rahe aur apne aapko busy rakhe. Agar aap logo ke paas koi karne layak kaam nahi hain toh aap log music sune, movies dekhe ya koi book etc. Padh le. Iss tarah ke kisi bhi kaam main apne aapko busy rakhe se aapka mind divert hokar rahega aur aapko baar baar khane pine ki yaad nahi ayegi.

Ab toh aap samajh hi gaye ki upwas kaise kare. Toh hume nahi lagta ki ab aap logo ko koi bhi pareshani hogi upwas rakhne main. Iss lekh ki read karne ke baad aap log chahe nirjala upwas rakho ya aur koi but asani se rakhne main safal ho sakenge aur aap logo ko zara bhi ayesa feel nahi hoga ki aap logo ne upwas rakha hain. Toh agar aap logo ne iss post ko acchi tarah se padha hain tab toh koi baat nahi lekin agar nahi padha hain toh please aap log iss post ko kam se kam ek baar acchi tarah se read zarur kar lijiye taki aap logo ko kisi bhi upwas ko rakhne main koi bhi pareshani na ho.

Thakan Kaise Mitaye?

A project by AnalogFolk © 2017