Titali Asana Kaise Kare aur Iske Fayde – तितली आसन कैसे करे


Titali Asana Kaise Kare

Titali Asana Kaise Kare

Titali Asana Kaise Kare – तितली आसन Ke Fayde

Titali Asan karte samay aapki mudra titli ke saman ho jati hai isliye is mudra ko Titali Asana kehte hai. Din bhar ki bhagdaud ke liye aapke pairon ki mash peshiyan majbut hona bahoot jaruri hai. Subah subah Titali Asan ko karne se pairon ki maashpeshyian ki ek achchi kasarat ho jati hai aur mashpeshiyan majbut hoti hai.

Vidhi

Kisi samtal sathan par dari ya kamabal bichakar us par baith jaaye. Dono pairon ko samne ki aur faila le. Dono pairon ko ghutano se mode aur dono talvon ko aapas me mila le.

Apne dono haathon se pairon ki ungaliyon ko pakde aur edi ko sharir ke pass lane ka paryash kare.

Aapke haath bilkul sidhe hone chahiye aur sharir ko bhi puri tarah sidha rakhe. Jisse rid ki haddi bhi sidhi ho jaye.

Samanya gati se sans le aur dono pairo ko ek saath upar ki aur le aaye fir niche ki aur laye. Aisa karte huye koshish kare ki pair jameen ko na chuye.

Is tarah apne pairon ko lagataar 20-25  baar upar niche ki aur  le jaye dhyan rakhe ki jhatka na lage.

Iske baad pairon ko dheere dheere sidha kar le aur kuch samay tak sharir ko dheela chod de.

Garbhavastha

Garbhavastha me titli aasan karne se delivery ke samay jyada dard nahi hota hai. Garbhvati mahilaon ko yeh titli aasan pehli timahi se shuru kar dena chahiye. Titali Asan se apke sharir ki pichle nichle hisse aur janghaon ki aantrik hisse ka tanav kam hokar khul jata hai. Tatha isse ghutano ka lacheelapan badhta hai.

Savdhani

Titali Asana ko karte samay pairon ko jyada jor se nahi hilaye. Batayi gayi vidhi anusar hi aasan kare. Dhayan rahe jin logon ko kamar ke nichle hisse me dard ho ve log titli aasan na kare.

Laabh

Titali Asana se hamara sharir lacheela banta hai aur hame anya yog karne me kisi tarah ki koi samasya nahi hoti.

Bahoot logon ko apne pairon ko moadkar baithane me samasya aati hai. Is aasan ko karne se pair ki maashpeshiyan lachili aur majbut hoti hai aur aap aasani se pair moadkar baith sakte hai.

Titali Asan se janghen ki maashpeshiyan me aaya tanav ya khinchav kam hota hai. Adhik der tak khade rehne ya chalne ke baad titli aasan karne se thakan dur hojati hai. Isse pairon me khun ka bahav theek rehta hai. Gathiya aur jodon ke dard me is aasan ko karne se kafi aaram milta hai.

Vaise bhi aapko ye batani ki avashkta nahi hai ki agar aap in aasan ko niyamit rup se karoge to hi iske fayde apko najar aayenge. Varna iska koi laabh nahi milega apko. To kripya karke inko hamesha jis vidhi se bataya hai vaise kijiye aur niyamit rup se is karna chahiye ise apni jindagi ki ek jarurt bana lijiye. Jise apki sehat hamesha sahi rahe.

Ye Padhiye Yoga – 7 Steps Me.

Easy Life Tricks
Sponsored Channel
Mr Hindi Indian Youtube Channel