Tej Dhoop Se Kaise Bache Garmi Ko Mitayen | तेज धूप से कैसे बचे


Tej Dhoop Se Kaise Bache Garmi Ko Mitayen तेज धूप से कैसे बचे

Tej Dhoop Se Kaise Bache Garmi Ko Mitayen

Aaj ka hamara topic he Tej Dhoop Se Kaise Bache and Garmi Ko Mitayen. Garmiyon ka mausam shuru ho chuka hai aur garmiyon ke mausam mein chehre par, ankhon mei jalan hona aam baat hai. Iskay saath hi hamare sharir mein garmiyon ke mausam mein pani ki kami bhi ho jaati hai jo hamen bimar kar deti hai. Aaiye jaane kuch upay jinse aapko yeh garmi koi nuksaan nahi pahunchayege, Garmi Ko Mitayen aur aap puri tarah se swasthta se rahenge.

Tej Dhoop Se Kaise Bache – गर्मी को कैसे मिटाएँ

Humari roj – marra ki zindagi main hume bahar toh nikalna hi parta hain. Chahe house wife ho ya bahar kaam karne wala insan ho magar sab ke liye bahar nikalna anibarya hain. Kuchh log ayesa sonchte hain ki house wife’s ko bahar nikalne ki zarurat nahi padti jab ki yeh sanch nahi hain. House wife’s ko bhi apne ghar ke kaamo ke liye bahar toh jana hi padta hain aur ghar se bahar nikalte hi hume dhoop main khud Ko jalana pad jata hain. Sardi mausam main toh firbhi chal jata hain kyuki sardi ke mausam main sharir par thoda dhoop lage toh aram lagta hain aur humari sehat ke liye bhi bahut accha hota hain lekin agar baat garmi ke mausam ki kare toh garmi ke mausam main zara der ke liye bhi dhoop main khara rahna humare liye impossible ho jata hain.

Garmi ke mausam main dhoop bhi bahut tej ho jata hain aur iss mausam main agar hum thodi der ke liye bhi kadi dhoop main rah jate hain toh hume chakkar aane se aur sar dukhne se lekar skin problems ke sath aur bhi bahut sari problem hone lagti hain. Jo log bahar kaam karte hain ya koi job karte hain unke liye toh rojana bahar nikalna anibarya hota hain. Ayese main unke liye yeh janna bahut zaruri hain ki hum dhoop se khud ko kaise bachakar rakh sakte hain. Agar unn logo ko yeh pata chal jaye ki hum dhoop se kaise khud ko bacha sakte hain toh woh log apna kaam bhi kar payenge aur dhoop ke side effect se bhi bacch sakte hain. Aaj hum apne iss lekh main aap logo ko yeh batayenge ki kaise hum apne aapko dhoop se bachakar rakh sakte hain.

Dhoop se bachne ke kuchh asan aur saral tarike

Scarf aur full bahi suti ke kapde pahankar hi bahar nikle

Aap jab bhi ghar se bahar nikle toh scarf pahankar hi ghar se bahar nikle. Agar aap scarf pahankar ghar se bahar niklenge toh suraj ki kadi dhoop sidha aapke chehre par ya aapke sharir ke upar nahi padega aur dhoop ke wajah se aapke chehre ko ya skin ko jada nuksan nahi hoga. Sirf scarf hi nahi aapko jab bhi dhoop main nikalna pade toh aap full bahi aur cotton ke kapde pahan kar hi ghar se bahar nikle taki dhoop aapke skin ko jada harm na kar sake.

Sunscreen lotion lagakar hi ghar se bahar nikle

Aap ghar se bahar nikalne se pehle ya dhoop main nikalne se pehle aap apne pure body main koi sunscreen lotion lagakar hi ghar se bahar nikle. Agar aap koi sunscreen lotion ko lagakar ghar se bahar niklenge toh aapka skin aur chehra dono ko dhoop se suraksa milega aur aapke dhoop main ghumne ke bavajud bhi aapka skin aur aapka chehra safe aur suraksit rahega.

Anar ka juice pijiye

Har subah ek glass taje anar ka juice pine se apka garmi se bachav hoga aur garmi ke dino mein bhi aap tarotaza rahenge. Anar ka juice sharir ko sheetalta pardan karne wala padarth hai jo tez pad rahi garmi mein shitalta pradan karta hai aur iasy kisi bhi umr ke log pi sakte hain.

Thande pani ka istemaal kare

Garmi ke dinon mein jab aap bahar se aate hain to apko ankhon mein jalan si mahsoos hoti hai aur iskay saath hi apka chera aur pair jalte se pratit hote hain. Yeh garmi ke mausam mein zyada bahar ghoomne se hota hai ki mausam ki garmi apke andar aa jaati hai. Isay door karne ke liye sabse zyada zaroori hai ki aap thande paani se chehra dhoyen aur thande pani mein kam se kam 15 minute pair daalkar bathen.

Thande doodh mai shahad daalkar le

Garmi se bachne ke liye thande doodh mein ek chammach shahad milakar len. Yeh aapke sharir mein sfurthi layega aur apko tarotaza rakhega. Isay lene se aap garmiyon ke dino mein bhi thaka hua mahsoos nahin karenge.

Chandan ke powdre ka paste lagaye

Chandan sabse zyada thandak dene wala padarth hai aur garmiyon ke dinon mein iska bharpoor upyog kiya jaata hai. Garmiyon ke dinon mein tanav hona, Annkhen jalana aam baat hai aur aapko thandaak ki zaroorat hoti. Aisay mein aap chandan ko ghiskar uska paste banayen aur apnei ankhon ke upar sir par tatha galon par lagayen. Ismay kuch boonden gulab jal ki bhi daal den. Dekhiye aapko is paste se kitni shannti milti hai.

Mattha piyen

Mattha dahi se bana hua patla padarth hai jo adikhtar garmi ke dinon mein piya jaata hai. Mattha pine se pachan tantra bhi accha rahta hai. Isliya garmiyon ke dinon mein mattha piya. Isay khana khane ke baad piyen jisse aapki garmi to mitegi hi saath hi agar aapne zyada masaledaar khaya hia to mattha pine se masaldaar bhojan bhi jalan nahi karega aur apko garmi ke dino mein bhi shaanti milegi.

Nimboo aur santra khayen

Garmi ke dinon mein nimboo aur santra bahut thandak dene wale fal hain aur inkay sevan se apko garmi nahin lag sakti. Isliye ghar se bahar jaane se pehle aur bahar se aane ke baad in falon ka sevan jaroor karn jisse aap garmi mein bhi tarotaza rah sakenge.

Nariyal Pani ka sevan karen

Nariyal pani sharir mein kam ho rahe khanij aur lavan ki matra ko pura karta hai. Isliy garmi ke dino mein iska sevan bahut labhkari hai. Agar aap Nariyal ke paani ka sevan karte hain to yeh garmi ke dinon mein apke sharir mein kabhi bhi khanij aur lavan ki kami nahin hone dega aur appko garmiyon mein kabhi bhi pani ki kami ki samsya nahin hogi.

Khira, Gulab jal aur Nimbo ras ka Face pack lagayen

Ek chammach khire ka ras, 1 chammach nimbo ras aur 1 chammach gulab jal len aur tino ko acchi tarah mila len. Ab is face pack ko chehre ke us hissay par lagayen jo garmi ke karan jalan de rahi hai. aap dekhenge ki kuch hi der mein aapki twacha ki jalan shaant ho jaayegi. Iskay baad aap apni twacha ko thande pani se dho len. Aisa karne se garmiyon mein bhi aapki twacha chamakti huyi nazar aayegi.

Besan aur haldi ka face pack

2 chammach besan, thodi si haldi, 1 chammach doodh, 1 chammach pisa ua santra, in sabko ek pyale mein le len aur ismein thoda sa thanda gulab jal dalen. Is face pack ko 20 minute chehre par lagayen uskay baad chehre ko thande paani se dho len. Aap dekhenge ki aapki twacha garmi ke dinon meim bhi tarotaza dikhegi.

Chhatri (umbrella) lekar ghar se bahar nikle

Aapko agar ghar se bahar jana par raha hain aur aap apne skin ko dhoop main raksha karna chahte hain toh aap jab bhi ghar se bahar nikle toh aap apne sath umbrella ke jana na bhule. Agar aap umbrella ki chhaw main rahenge toh suraj ki kiran aapke chehre ko aur aapki skeen ko harm nahi karega.

Upar diye gaye lekh ko padhkar aap logo ko yeh acchi tarah se samajh main aa gaya hoga ki hum apne aap ko dhoop se kaise bachakar rakh sakte hain. Toh aap log bas inn tricks ko dhyan se padhiye aur follow kariye. Yakin maniye inn tricks ko follow karne ke baad aap log apne aap ko dhoop se aur dhoop ke wajah se ho rahi side effect se bachane main zarur safal ho jayenge.

Jarur Jane – Bukhar Ke Ilaj Ke Tips.

Tags:
Mr Hindi Indian Youtube Channel