Tamatar Ki Kheti Kaise Kare – Jankari Hindi Me टमाटर की खेती कैसे करे


Tamatar Ki Kheti Kaise Kare

Tamatar Ki Kheti Kaise Kare

Tamatar Ki Kheti Kaise Kare – टमाटर की खेती

 Tamatar ki kheti ka samay

Waisay to tamatar saare varsh hi har mausam mein prapt hote hain par tamatar ki kheti vishesh mausam mein hone par tamatar ki acchi paidawar hoti hai. Desh ke uttari bhagon mein tamatar ki kheti October aur November ke mahino mein tatha February ke mahine mein ki jaati hai. Jabki desh ke dakshini bhagon mein tamatar ki pehli kheti December-January, Doosri kheti June-July aur teesri kheti September October ke mahino mein ki jaati hai.  To chaliye jane Tamatar Ki Kheti Kaise Karte he.

 Tamatar ke beej ka chayan karen

Tamatar ke beej ko kisi acchi dukan ya bageeche ke maliyon se prapt karen. Tamatar ke beej ghar mein bhi tamatar se prapt kar sakte hain. Iskay liye tamater ko katen aur tamatar ke ras ko ek pyali mein le len. Iskay baad tamatar ke is ras ko dhoop mein rakh den. Tamatar ke ras ke sookhne ke baad aapko tamatar ke beej prapt  ho jaayenge. Kheti ke liye mote, ek jaise aakar ke beej hi chunyen.

Tamatar ke paudhon ko gamle mein ugayen

Tamatar ki kheti karne ke liye aawashak hai ki tamatar ke paudhon ko pehle ghar ke andar gamlon mein ugaaya jaaye aur phir un paudhon ko kheton mein boya jaaye. Isaky liye nursery se gamlen kharred layen. In gamlon mein khad mili huyi mitti bharen. Ab pratyek gamle mein 5 se 6 beej tak baoyen. Yeh beej ek doosre se thodi doori par hon aur mitti mein ¼ inch ghere gadde mein hon. Inke upar mitti ki halki si parat dal den. Jis jagah yeh gamlen rakhen hon wahan ka tapman 21 degree celcius se 27 degree celcius tak ho aur jab in beejon mein ankur footne lage to gamlon ko surya ki roshni mein rakh den. In beejon par pehle 7 se 10 din pani ko chidhken. Jab aapko lage ki in beejon mein ankur foot gaye hain to pani kam kar den jisse ki adhik pani ke karan ankur nasht nahin ho jaayen. Ek baar jab paudhe  nikalne lagenge to yeh bahut tezi se badhenge.

Tamatar ke paudhon ko kheton mein lagayen.

Jab aapke tamatar ke paudhe 6 inch lambe ho jaayen aur bahar kaohre ya oas ka koi mausam nahin ho to paudhon ko gamle se hatakar kheton mein lagayen. Khet mein paudhon ko lagane se ek saptah pehle se gamlon ko surya ki roshni mein dheere dheere rakhna shuru karen aur iska samay badhate jaayen jis se paudhon ko surya ki roshni ki aadat pad jaayegi aur khet mein lagaye jaane par woh us vatavarn mein dhal jaayenge.

Khet ki mitti tayyar kar len

Khet ko acchi tarah se khod len aur usmay kahd mila len. Khet ki mitti ki prakriti pani ke samman udaseen honi chahiye yani uskay pH ka maan 6 se 7 ke beech hona chahiye. Ab ket mein 2 feet gehre gadde banaye jo ek doosre se kuch doori par hon.

Tamatar ke paudhon ko khet mein lagayen

Ab gamlon se savdhani purvak tamatar ke yeh paudhe nikalen jisse unki jaden kharab nahin hon. Khet mein kiye in gaddon mein tamatar ke paudhe lagayen. Puadhe is prakar lagayen ki paudhon ka keval ¼ bhag hi gaddon se bahar. Paudhon ke tano aur jadoon mein kuch matra mein prakritik khaad dalen. Aap kam matra mein nitroen aur zyada matra mein phosphorus yukt khaad dal sakte hain.Is se apke paudhon ke andar ki urja badhegi aur paudhe tezi se badhengi.

Sinchai

Ab in paudhon ko pani ki kuch matra se seenchen jisse ki paudhon ki pattiyon mein fafoond na ho sake. Iskay saath hi beech beech mein paudhon mein paushtik khaad dalte rahen jisse ki tamatar ki fasal ka utpadan accha ho.

Puadhe ke tane se ugay chote tano ko hata den

Yadi aap tamatar ki acchi fasal chahte hai to tamatar ke mukhya tane se ugay chote tano ko tod den. Issay aur chote tane ugenge aur tamatar ki fasal zyada hogi. tamatar ke Paudhon ko khet mein lagane ke 60 din baad ausme tamatar ugne lagenge. Paudhon ki jaanch pratyek din mein do baar karen. Dheere dheer tamatar paken lagenge jinhe haatho ke dwara dheere se tod len.

Also Read : Parwal Ki Sabji Ki Kheti – Details In Hindi.

Mr Hindi Indian Youtube Channel