Software Uninstall Kaise Kare | Software Program Ko Kaise Nikale

Software Uninstall Kaise Kare | Software Program Ko Kaise Nikale

Software Uninstall Kaise Kare | Software Program Ko Kaise Nikale

Software Uninstall Kaise Kare | Software Program Ko Kaise Nikale

Hello friends aaj me aapko bataunga ki aap Software Uninstall Kaise Kare ya Remove kare. Dosto jaisa ki aap sab jaante hai ki jab aap apne computer System me kisi bhi file ko chalaate ya Run karate hai to aapko ek software ki jarurat padti hai, jaise ki audios, videos file ko chalane ke liye audio driver, videos drivers or documents, text file etc create karne ke liye MS Office etc software ki jarurat padti hai. Bina software ke aap apne computer system me bahut si cheeje Run or create nahi kar sakte hai chahe aapke computer system me koi sa bhi windows operating system dala ho, jaise windows xp, windows 7, windows 8, windows 10. In sabhi operating system me aapki bahut saari yesi cheeje hoti hai jinko operate or create karne ke liye aapko alag se software install karne padte hai yaha tak ki aapke system me dale huye audio, videos drivers bhi ek prakaar ke software hote hai. Chaliye jante hai Software Uninstall Kaise Kare ya Software Program Ko Kaise Nikale.

Kabhi kabhi aap log apne computer system me bahut saare software install kar lete hai, jisse aapke computer system ki memory full hone lagti hai saath hi inme bahut saare software yese hote hai jinke jayda load lene ki wajah se aapka computer system ki speed slow hone lagti hai or system hang hone lagta hai. To fir aap sochte hai ki in kuch faltu ke software jo filhaal me aapke kaam ke nahi hai inko kaise uninstall kare. Saath hi aapke saath kya hota hai ki bahut saare software yese hote hai jinko aap sirf ek ya do baar hi use karte hai fir baad me ye software aapke koi kaam ke nahi hote hai ya fir aapko in software ki jarurat nahi padti hai. To ye software bematlab me hi aapke computer system me pade rahte hai or aapke system ki memory or speed par asar daalte hai.

Software ko Computer se Uninstall kyo kare

Dosto aap sochte honge ki sayad aapke computer system ki memory to bahut badi hai or 4-6 software bematlab me system me pade rahenge to kya ho jayega. Saath hi aap ye sochte hai ki hamara computer system to naya hai or operating system and processor bhi accha hai to 4-6 software se aapke system ki speed par bhi koi asar nahi padega. To dosto yesa bilkul nahi hai, me aapko bata du ki agar aapke system me bahut saare software bematlab hi install hai or aap in softwares ko lambe time tak use nahi karte hai or update nahi karte hai to ye softwares aapke system ke liye bekaar ke Malware or virus ban jaate hai or ye aapke system par bura asar daalte hai.

Bahut saare log kya karte hai ki apne computer system me nayi nayi themes, background, login background, font size, pointer etc ko change karne or create karne ke liye kai prakaar ke naye naye software ko install karte rahte hai or un softwares ko bas ek ya do baar use karte hai. Saath file size ko compress karne or tarah tarah ke new drivers ka maza lene ke liye kai tarah ke software apne system me install kar lete hai or unko baad me use nahi karte hai. To es tarah se hamare computer system me bahut saare software ka dher ho jaata hai. Dosto me aapko software ko uninstall karne ke bahut hi saral 2 tarike bataunga jis se aap badi hi asaani se kisi bhi software ko apne computer system me se uninstall kar paayenge. To chaliye jaante hai ki kaise kare.

Windows system use karke Software uninstall kare

Step-1. Sabse pahle to aap apne computer me start button par click kare or uske baad control panel par click karde.

Step-2. Control panel par click karne ke baad ab aap apne windows ke options ke hisaab se “uninstall a program” ya “ program and features” par click kare.

Step-3. Aap jaise hi uninstall a program par click karenge to aapke saamne un sabhi software ki list aa jayegi jo aapke system me install hai. Aap in software me se jis ko uninstall karna chahte hai use pahle select karde.

Step-4. List me se software ko select karne ke baad uninstall button par click karde. Aapka software uninstall ho jayega. Aap list me software par Right click karke bhi uninstall par click kar sakte hai.

Windows XP me Software uninstall kaise kare

Step-1. Sabse pahle aap start button par click kare or fir control panel par click karde.

Step-2. Ab control panel me add or Remove programs par click kare.

Step-3. Add or Remove programs par click karne ke baad us software ko select karde jise aap uninstall karna chahte hai or fir Change/Remove button par click karde, aapka software uninstall ho jayega.

Software ko software use karke uninstall kare

Dosto agar aapko windows system se software ko uninstall karne me koi problem aa rahi hai to aap ek software ko download karke bhi uninstall kar sakte hai.

Step-1. Sabse pahle aap apne computer me “iobit uninstaller” naam ka ek software download karke apne system me use install karle. Lekin iobit uninstaller software windows xp me kaam nahi karta hai.

Step-2. Iobit uninstaller software ko download or install karne ke baad aap jis software ko uninstall karna chahte hai use apne computer ki Desktop par jakar us par Right click kare.

Step-3. Right click karne par aapke saamne bahut saare options khulenge un options me se aap Powerfull uninstall par click kare.

Step-4. Powerfull uninstall par click karne par aapke saamne ek naya page aayega, es page me aap kewal uninstall button par click karde or kuch time ke liye wait kare. Ab aap check kar sakte hai aapka select kiya hua software Remove ho gaya hoga.

Step-5. Ye software kisi bhi software ko uninstall karne ke liye bahut hi accha software hai. Aap agar chahe to iobit uninstaller ko khol kar bhi software ko uninstall kar sakte hai, isme aapko sirf software ko select karna hai or fir uninstall par click karna hai. Es tarah se aapka software Remove ho jayega.

To Dosto es prakaar aap windows 7, 8, 10. Laptop or windows xp me kisi bhi software ko uninstall kar sakte hai. Maine aapko es article me windows system or software dono tarike bataye hai aapko jo tarika accha or saral lag raha hai, aap use upyog kar sakte hai or apne computer system ko free and fast rakh sakte hai. Ab aage se aapko jis kisi bhi software ko ek ya do baar hi use karna ho to use upyog karke uninstall karte rahe or faltu ke software ko apne system me jayda din tak nahi Rakhe. Jo software aapke kaam me jayda use hote hai unko hi system me install karke Rakhe. Software Uninstall Kaise Kare is article ko padhne ke liye dhanywad.

Read : CPU Clean Kaise Kare

A project by AnalogFolk © 2017