Shirshasana Kaise Kare aur Uske Fayde – शीर्षासन कैसे करे


Shirshasana Kaise Kare

Shirshasana Kaise Kare

Shirshasana Kaise Kare – शीर्षासन Ke Fayde

Yogasan koi bhi ho lekin uske koi na koi fayde jarur hote hai. Shirshasan bhi ek aisa hi aasan hai jo sar ke bal kiya jaata hai Shirshasan ko yogasano me sabse achcha maana jaata hai. Shirshasan ko vrksasana bhi kehte hai aur kapalasan bhi kehte hai. Shirshasan ke kai laabh hai isliye ise bahoot hi upyogi maana jaata hai. Lekin yeh jaanana bhi jaruri hai ki aakhir shrisasan kya hai. Iske kya kya laabh hai. Shirshasan kaise kiya jaata hai. kin logon ko Shirshasan nahi karna chahiye. Inhi sab baton ko jananae ke liye yeh janana hoga Shirshasana Kaise Kare aur Uske Fayde.

Shirshasana Kaise Kare

Shirshasan jaise ki naam se hi vidit hai yeh sar ke bal kiya jaane vaala aasan hai halanki Shirshasana ko karne ke liye bahoot abhyash ki jarurt hai kyunki yeh aasan ko karna har kisi ke bas ki baat nahi hai.

Yadi koi Shirshasana karna sikh jaaye to vah vyakti kai gambhir bimariyon se aaram se lad sakta hai.  Shirshasan ko taadaasan ke viprit mana jata hai.

Vidhi/Prakriya

Shirshasana kisi chadar ya fir kambal par karna chahiye.

Iske liye aapko kisi sapat jagah ka chayan karna chahiye.

Dono haathon ki ungliyan ko milakar aapki hatheliyon par rakhe aur saans samanya rakhe.

Fir dheere dheere apne sar par sharir ka bhaar aane de.

Is sthiti me me aakar aapko apne pairo ko aasmaan ki aur uthana hai theek is tarah se jaise aap sidhe pairo ke bal khade hote hai vaise hi aap ulta sar ke bal khade ho.

Kuch der isi sthiti me rahe aur fir samanya sthiti me vapas aa jaye.

Laabh/Fayde

Shirshasan aasan ko niyamit rup se karne se aap pachan sabhandhi bimariyon se nijat pa sakte hai.

Is aasan se sharir me rakt sanchar prakriya sucharu rup se kaam karne lagti hai.

Is aasan se sharir ko majbuti milti hai aur sharir healthy rehta hai.

Kabj, harniyan jaise bimariyan se nijat pane ke liye Shrishasan karna chahiye.

Baalon sambhandhi samasyaon, baalon ke jhadne ki samsya ho ya fir samay se pehle baal safed hone ki samsya inse nijat pane ke liye Shirshasan karna chahiye.

Sharer ka adhik se adhik sakriya karne aur karya kshamta badhane ke liye Shirshasan bahoot hi upyogi hai.

Saavdhaniyan

Pehli baar yeh aasan kisi yog visheshyg ki dekh rekh me kare.

Yadi aap thoda sa bhi asvasth mehsus kar rahe hai to apko yeh aasan nahi karna chahiye isse bachna chahiye.

Pehli baar is aasan ko karne ke liye aap deewar ka bhi shaara le sakte hai.

Aapka raktchap bahoot adhik badha rehta hai to apko Shirshasan bilkul bhi nahi karna chaiye.

Yadi apko sarvical ki samsya hai ya fir garden me dard ki samsya hai to aapko Shirshasan nahi karna chahiye.

Jin logo ko kam dikhai deta hai ya fir aankhon sambandhi koi samsya hai to unhe yeh aasan kabhi nahi karna chahiye.

Ye bhi Padhe Yogasan Ke Gunkari Fayde.

Easy Life Tricks
Sponsored Channel
Mr Hindi Indian Youtube Channel