Shaving Kaise Kare | शेविंग कैसे करे | Mulayam Tvacha Ke Liye Jaruri Tips


Shaving Kaise Kare | शेविंग कैसे करे | Mulayam Tvacha Ke Liye Jaruri Tips
Shaving Kaise Kare – शेविंग कैसे करे

Dosto! Aaj ke iss lekh main hum aap logo ko ek bahut hi important cheez ke bare main batane wale hain. Aaj ke iss lekh main hum aap logo ko yeh batayenge ki Shaving Kaise Kare ya shaving karte waqt hume kin kin baato ka khas taur par khayal rakhna chahiye. Ladko ke liye shaving  karna ek bahut hi zaruri kaam hota hain aur ladko ki personality aur attitude ka pata unke shaving ke style ko dekh kar hi chal jata hain. Shaving karte waqt agar zara bhi galti ho jaye ya shaving sahi se na ho toh ussi ke wajah se hume bahut zada embarrassment ka ehsaas hota hain aur humara accha khasa face bhi agar sahi tarike se shaving na kiya jaye toh bilkul kharab ho jata hain. Toh bina time waste kiye aaiye jan lete hain ki shaving karte hue hume kin kin baato ka khas taur par dhyan rakhna chahiye.

Shaving Kaise Kare – शेविंग Se Banaye Mulayam Tvacha

Shaving jyadatar purushon ki dincharyaa ke kamon me se ek hoti hai. Shaving ke douran chehre par cut lagna purushon ke liye behad aam samsya hai. Kai baar shaving ke douran lagne vaale chote cut bhi tvacha ko sankramit kar dete hai. Shaving ke dauran apni tvacha ki suraksha ke liye in tips ko apnaiye. Jara si galti aur chehre  savarne vaali shave aapke chehre par nishaan choad sakti hai. Aapko chahiye ki shave is andaaj se ki jaaye ki yeh anchahe baalon ko hi hataye, apki tvacha ko nahi.

Shaving karne ke liye kuchh zaruri tips

Subah jagte hi shaving na kare

Aap agar accha result chahte hain toh aap nind se jagte hi shaving suru na kar de balki subah nind se jagne ke baad thoda fresh ho le, muh hath dhokar thoda nashta-washta kar le ya chay-way pi le, uske baad hi shaving suru kare. Ayesa karne se kya hoga ki aapki soti hui twacha main jan aa jayegi. Akhir jitna time hum sote hain utna time humari twacha bhi so rahi hoti hain aur jagne par woh murjhai rahti hain.

Alcohol se parhej kare

Agar aap log apni skin par kisi bhi tarah ke side effect hote hue nahi dekhna chahte toh aap log alcohol se jude kisi bhi shaving se jude utpad se dur rahe. Bazar main kai tarah ke after shave lotion uplabhad hote hain jo chehre ko jalate nahi hain. Aur isse twacha nami yukt aur mulayam bani rahti hain.

Razor ka prayog sahi disha main kare

Razor ka prayog baalo ke badhne ki disha main hona chahiye. Har ek bwakti main baalo ki badhat alag alag hoti hain, razor ka prayog kinaro se muchho par aur fir tthuddi par dhire dhire kiya jana chahiye.

Gile chehre par hi shave kare

Gile chahre ki shaving sabse asardar tarika hota hain, jisse shave bhi acchi hoti hain aur chehra bhi accha dikhta hain. Iske liye aap shaving karne se pahle aur shaving ke dauran apne chehre ko gila rakhe. Ek baar garam pani se snan karne ke baad shaving karna kafi accha rahta hain. Twacha aur fom ke bich pani ki parat se blade asani se aapki dadhi ko kat ta hain. Ayesa karne se lalpan, katne ka dag aur chirhchirapan se nizad milta hain. Garam pani ke prayog se chehre ki mangspesio ko kafi aram milta hain aur romchhidra bhi khul jate hain. Dosto! Agar aap logo ko ek behtar shave chahiye toh aapko ek blade, brush aur glistering adharit shaving cream chahiye.

Lambe strokes lagaye

Shaving sahi tarike se karna bhi bahoot jaruri hai. Razor ka istemaal karte vakt dhyan rakhe ki isse lambe strokes lagaye jisse blade par dabav kam hoga aur shaving smooth hogi. Blade ko apna kaam karne de. Acchi shave ke chakkar me aksar log blade par jyada jor dete hai jisse baal hi nahi, tavacha bhi cut jaati hai.

Jara dhayan se kare razor ka chunav

Shaving karte samay ingrown hairs ke karan kai cut ya razor bump lag jaate hai. Yadi shaving se aapki tvacha par jalan hoti hai to iske liye aapka razor karan ho sakta hai. Electroic aur mannual dono mail ke razor ki apni khubiya aur khamiyan hoti hai aur inko prayog karne se pehle inka mulayakan avashya kar lena chahiye. Mannual razor se clazor shave banti hai. Kyunki isme blade tvacha ke najdeek pahunchte hai jo tvacha irritation ki vajah ban sakte hai. Yadi aapko aksar razor bump hote hai to aap electric razor ka upyog kar sakte hai jisse close shave to nahi milti, lekin yeh jalan paida nahi karta. Halanki yeh tvacha ko samaan rup se irritate kar sakta hai. Kyunki yeh baalon ko “khinchta” hai. Jo aapke liye kaargar ho use istemaal kare.

Pehle scrub kare

Jyadatar purushon ko scrub karna pasand nahi hota. Lekin, scrubbing ke baad shave karne par tvacha par kat ya kharonch ki aashanka kam ho jaati hai. Scrubbing se tvacha se dead cells ki parat nikal jaati hai aur tvacha smooth ho jaati hai. Isse shave karna aasan ho jaata hai.

Shaving ke pehle aur baad

Aapki shaving dincharya me cleanes ke liye, pre-shave istemaal ke liye, shaving, trimming aur mosturining ke liye baajar me anek shaving products uplabdh hai. Shaving karne se hone vaali irritation se raahat paane ke liye pehle face wash ka istemaal kare. Jiske baad pre-shave oil ka upyog karne se aapki dadhi soft hoti hai aur facial tvacha ko suraksha pradan karta hai aur close shave mumkin ho paati hai. Shave ke baad after care routine me kisi after shave se tone-up karna aur halke mosturining ka prayog karna jaruri hai. Alcohol vaale after shave se bache. Aloe Vera yukt lotion ya vitamin-E yukt shading after shave ka istemaal kare taaki irritate tvacha ko raahat mil sake.

Toh aap logo ne dekha ki shaving karte waqt hume kya kya savdhania apnani chahiye. Toh ab jab aap logo ko yeh pata chal hi chuka hain toh ab se aap logo ko apne personality ke sath koi bhi risk lene ki zarurat nahi hain. Bas aap log inn tricks ko dhyan se read kariye aur sahi shaving ke sath apne personality ko aur zada develop karte rahiye.

 Logon Ka Dil Jitne Ke Tarike**

What's Your Reaction?

Love It Love It
0
Love It
Like It Like It
0
Like It

Shaving Kaise Kare | शेविंग कैसे करे | Mulayam Tvacha Ke Liye Jaruri Tips

log in

reset password

Back to
log in