Free Recharge App

Shadi Se Pahle Kaise Sawal Puche | Life Partner Se Kaise Question Kare


  • Free Recharge on Mobile - Download Now
Free Mobile Recharge Kaise Kare
Shadi Se Pahle Kaise Sawal Puche | Life Partner Se Kaise Question Kare
Shadi Se Pahle Kaise Sawal Puche

Shadi Se Pahle Kaise Sawal Puche

Hello friends! Aaj ke humare iss lekh ka topic hain shadi ke waqt kya questions puchhe. Aaj hum apne iss post main kuchh ayese questions ka jikra karenge jo aap logo ko apne shadi hone se pahle apne partner se puchhna hain. Aaj hum Shadi Se Pahle Kaise Sawal Puche, yeh batane wale hain. Toh ab bas aap log iss lekh ko acchi tarah se read kariye, taki aap logo mann se sare doubts ekdam clear ho sake ki Life Partner Se Kaise Question Kare.

Shadi Se Pahle Kaise Sawal Puche

Tum yeh shadi kyu karna chahte ho?

Aapke liye yeh sawal puchhna bahut hi zaruri hain ki aapka hone wala life partner aapse shadi kyu kar raha hain. Kyuki iss dunia main jo bhi hota hain uska koi na koi reason zarur hota hain. Ayese hi aapka jo hone wala life partner hain uska bhi shadi karne ke pichhe koi koi reason toh zarur hi hoga. Toh agar iss baat ko pahle hi clear kar loge ki woh yeh shadi kyu karna chahta hain toh aapko bhi shadi ke baad koi pareshani nahi hogi. Isiliye aap apne hone wale partner se yeh question zarur puchh le.

Shadi ke baad kya woh job karna chahti hain ya ek house wife bankar rahna chahti hain

Yeh ek bahut hi zaruri sawal hain jo har ladki se puchha jana chahiye. Dosto, humara yeh manna hain ki har insan ko apni life apne hisaab se jine ka pura haq hota hain aur yeh haq ladkiyo ko milna chahiye. Aksar ladkiyo ke sath iss mamle main na insafi ki jati hain. Actually ladkiyo ko bahut se parivaaro main bojh samjha jata hain, jiske wajah se unko kam umar main hi shadi kar diya jata hain. Jo ki bilkul bhi sahi nahi hain. Isiliye unse yeh sawal zarur puchhe jana chahiye. Aur agar woh shadi ke baad koi job karna chahti ho toh usko job karne ka pura pura mauka milna chahiye.

Yeh sawal agar aap log shadi ke time hi ladki se puchh lenge toh ussi hisaab se aap log apne future  ki planing kar sakenge. Agar aap log pahle hi planing kar lenge toh married life main main aap logo ko kisi bhi dikkat ka samna nahi karna padega aur aap log khushi khushi apni married life ko enjoy kar payenge. Isiliye shadi ke time aap log ladki se yeh sawal zarur puchh le.

Uska pahle se hi koi boyfriend toh nahi hain

Aap jis ladki ko shadi ke liye dekhne gaye hain ya jis ladki se shadi karna chahte hain uss ladki ka pahle se hi koi boyfriend ya lover toh nahi hain. Kyuki aksar shadi ke baad rishto ke tutne ka reason yahi hota hain hi woh kisi aur se pyar karti hain. Ladkiyo ke sath kya hota hain ki woh kisi ladke ke sath jab ek relationship main aa jati hain aur tab agar uske mummy papa ko aur baki family walo ko iss affair ke bare main pata chalta hain tab mummy papa jabardasti karke ladki ki shadi karwa dete hain. Jiska parinaam yeh hota hain ki woh apne pahle pyar ko bhul nahi pati aur shadi ke baad bhi uske sath apna rishta nibhane se khud ko rok nahi pati.

Iss tarah se unka rishta shadi ke baad bhi chalta rahta hain aur husband dhokha khate rahta hain. Lekin agar shadi ke waqt hi iss baat ka khulasa ho jaye toh na ladki ko problem hoti hain aur na ladke ko koi problem hoga. Lekin ayese questions ka answer ladkiya asani se nahi deti hain isiliye aapko uske sath pahle thoda ghulna milna hoga uske baad hi aap ladki se yeh sawal puchhe.

Woh abhi shadi karna chahti hain ya nahi

Kabhi kabhi kya hota hain ki ladkiya khud ke dam par kuchh karna chahti hain ya pahle kuchh ban jana chahti hain uske baad hi shadi jaise rishte main bandhna chahti hain, lekin parivaar walo ke dabav main akar woh shadi karne ke liye mazbur ho jati hain. Kabhi kabhi toh ladkiyo ko apni padhayi adhe par chhod dene ke liye bhi mazbur kar diya jata hain. Jin ladkiyo ko aage aur padhayi karne ki iccha rahti hain aur unko shadi ke wajah se apni padhayi ko bich main hi chhodna padta hain unke liye isse jada badnasibi ki baat kuchh ho hi nahi sakti.

Isiliye ladkiyo ko agar padhne ka mann hain ya unko agar abhi shadi nahi karni hain toh kisiko koi haq nahi hain ki uski shadi jabardasti kar di jaye. Isiliye aap log apni hone wali life partner se yeh sawal zarur puchh le taki agar uske sath koi na insafi ho rahi ho toh waqt rahte usko roka ka sake aur kisiki zindagi ko bachayi ja sake.

  • Free Recharge on Mobile - Download Now
Free Mobile Recharge Kaise Kare

Aap usko pasand hain ki nahi

Sadi hone se pehle aap apni hone wali patni se yeh puchh le ki aap usko pasand hain ya nahi hain. Kyuki kisi bhi relationship main yeh bahut hi zaruri hain ki aapke life partner ko aap pasand ho aur aap apne life partner ko pasand karte hain warna rishta khil nahi pata. Aap shadi ke apne partner se yeh clearly puchh le ki kya aapko woh pasand karti hain ya kya aapka swabhav aapka chal chalan usko accha lagta hain. Aur sath sath yeh bhi puchh le ki kya aapka koi gun usko pasand nahi hain. Agar ayesa hua ki aap usko pasand hain lekin aapka koi ek gun usko accha nahi lagta toh aap apni uss adat ko change karke apni married life ko behtar se behtar bana sakte hain.

Toh Dosto! Ummid hain aap logo ko upar ka lekh Shadi Ke Waqt Kya Questions Puche pasand aaya hoga. Toh ab bas aap logo se yahi request karenge ki aap log iss lekh ko acchi tarah se read kariye aur iss lekh main diye gaye tips ko follow kariye. Hum dua karte hain aapko ek acchi aur understanding jivan sathi mile.

Tum kahi nasha washa toh nahi karte ho?

Ladko se shadi ke waqt hi yeh question puchhna bahut hi zaruri hota hain. Kyun ki bahut se cases main yeh dekha gaya hain ki shadi ke ladki ko yeh pata chalta hain ki ladka kisi nashe dwara addicted hain. Aur baad main pata chal kar bhi kya fayeda, akhir shadi toh ho chuki hoti hain. Isiliye shadi se pahle hi iss baat ka pata chal jana bahut hi zaruri hota hain. Hum toh har ek ladki ko yeh salah denge ki woh shadi se pahle apne hone wale partner se yeh sawal zarur puchh le ki woh nasha karta hain ya nahi.

Tumko kaisi wife chahiye?

Har insan ki apni ek pasand hoti hain. Sath hi sath shadi ek bahut hi ahem faisla hota hain. Aur har ek insan ki sonch bilkul alag alag hoti hain. Toh ayese main aapke hone wale husband ki bhi ek choice hogi ki usse kaisi wife chahiye. Ab shadi toh zindagi main bas ek hi baar hota hain aur ussi ke sath hume apna pura jivan bitana hota hain. Isiliye aap log apne hone wale life partner se yeh sawal pahle hi puchh le ki unhe kaisi biwi chahiye taki aap log bhi yeh jan sake ki aap unke liye perfect hain ya nahi ya fir aap unki type ki hain ya nahi.

puja paat main interest?

Tumhe puja paat main interest hain ya nahi, kya tum bhagvan main believe karte ho. Hala ki yeh question unta jada important nahi hain lekin fir bhi shadi se pahle hi apne partner ki pasand napasand ke bare main jan lena accha hota hain. Agar aapko inn sab cheezo ke bare main pahle se jankari rahegi toh shadi ke baad aap log ussi hisaab se apne partners ko khush rakhne ka try kar sakti ho. Aur agar aapko unke bare main jada se jada jankari rahegi toh shadi ke jada problem nahi hogi aap logo ko manage karne main aur tab aap logo ki married life happy ho sakegi.

Tum shadi ke baad kaha set hona chahte ho?

Kabhi kabhi ayesa hota hain ki ladke shadi ke baad kahi bahar set hone ki planing main rahte hain aur iske bare main bekhabar unki hone wali patnia ghar main rahne ke sapne dekhti hain. Toh ayese main confusion hone se toh accha hain ki iss baat ko pahle hi clear kar liya jaye ki dono ki marzi kya hain. Agar aap ghar par hi rahna chahti ho toh aap yeh question apne partner se zarur puchh le ki kahi aapka partner shadi ke baad kahi bahar jakar basne ki planning main toh nahi na hain. Agar aap pahle hi confusion ko clear kar lengi toh yeh aapke liye aur aapke hone wale husband dono ke liye bahut accha hoga.

Tum dahej ke bare main kya sonchte ho?

Humari khushi aur humara dukh kafi hadd tak humari sonch aur chintadhara ke upar nirbhar karti hain, so humari sonch unnat hona bahut hi zaruri hain. Bahut se log ayese hote hain jo shadi ke dahej ka lalach rakhte hain aur dahej jaisi ek ku pratha ko badhawa dete hain. Lekin dahej lena bahut hi galat baat hain dosto. Isiliye aap log apni shadi ke pahle hi iss baat ko clear ka le ki aapka hone wala husband dahej ke bare main kaisi sonch rakhta hain.

Toh dosto! Kaisa laga aap logo ko upar ka yeh lekh? Ummid karte hain accha laga hoga. Toh ab toh aap log iss baat ko acchi tarah se samajh chuke honge ki Shadi Se Pahle Kaise Sawal Puche. Toh ab aap logo ko confused hone ki koi zarurat nahi hain ki shadi ke waqt aap log kya questions puchhe aur kya nahi. Bas aap logo ko karna itna hi hain ki iss lekh ko acchi tarah se read karke iss post main jo tips diye gaye hain, unko follow karna hain.

Acha Husband Kaise Bane?

What's Your Reaction?

Love It Love It
2
Love It
Like It Like It
2
Like It

Shadi Se Pahle Kaise Sawal Puche | Life Partner Se Kaise Question Kare

log in

reset password

Back to
log in