Screen Share Kaise Kare | Tarike and Software Ki Jankari Hindi Me


Screen Share Kaise Kare | Tarike and Software Ki Jankari Hindi Me
Screen Share Kaise Kare

Kya haal hain dosto, sabkuchh thik – thak toh chal raha hain na? Chaliye ummid karte hain sabkuchh thik thak hi hoga aur aap log bhi maze se ji rahe honge. Toh chaliye ab hum aap logo ko aaj ke iss article ke title ke bare main bata dete hain. Aaj ke iss lekh ka title hain “screen share kaise kare”. Ab tak toh aap log yeh samajh hi chuke honge ki hum kis bare main baat kar rahe hain. Toh chaliye jane ki screen share hum kaise kar sakte hain.

Online Screen Share Kaise Kare

Internet Par Computer Screen Share Karne Ka Tareeka Aur Software. Software dwara Desktop sharing ya screen sharing application hamare karyon ko aasan bana deti hain. Yeh kisi ek computer se doosre computer par technical support dene ka tarika to hai hi sath hi data share karne ka tarika bhi hai. Koi computer aapse door hai aur usmay koi software un install ho gaya hai. to aap us computer tak jaakar usmay software install karne ki bajay uski screen ko share karke usmay software aasani se install kar sakte hain.

Aaj computer sharing ki technique puri duniya mein bahut lokpriya ho rahi hai aur alag jagahon par baithe log screen share karke apne presentation ko tayar kar rahe hain, projects bana rahe hain. Aaiye jaane Intenet dwara computer screen share karne ke kuch tarike.

Join. Me

Join. Me ek bahut hi asani se use karne wali screen sharing app hain. Iss app ki khas baat yeh hain ki iss main aapke viewers ko app download nahi karni padti, bas jisko apni screen share karni hain usko app download karne ki zarurat padti hain. Yeh ek bahut hi accha aur bharoshe mand app hain jo aapko second main screen share karne ki capability deti hain. Sath sath iss app ke aur bhi bahut sare advantage hain jaise ki iss app ka free version aapko instant screen sharing aur video conferencing call ki suvidha deti hain. Iske alawa bhi aap free version main mobile app use kar sakte ho, files transfer kar sakte ho, white board ka bhi use kar sakte ho. In short hume lagta hain ki free version main aapke zarurat ki sare features hain.

Screen leap

Screen leap bhi ek screen sharing app hain jo apne free version main hume 1-2 hours/ day use karne ki facility deti hain. Screen leap ek bahut hi flexible app hain aur yeh app apne free version main aapko upto 8 viewers ke sath screen share karna allow karti hain.

Yeh ek one click screen sharing service hain, iski installation ke baad viewers ko ek code mil jata hain, jiske use se woh laptop, tablet ya mobile phone kahi se aapki screen dekh sakte hain.

Skype

Skype dunia ki sabse famous video chat service hain, aur yeh abhi microsoft ke paas hain. Skype ko aap screen sharing tool ki tarah bhi use kar sakte ho. Lekin iss app ki ek kamjori bhi hain aur woh kamjori yeh hain ki iss app ke dwara aap sirf screen share hi kar sakte ho lekin team viewer ki tarah apne computer ko control nahi kar sakte.

Skype ke yeh features free hain. Yeh aap unn logo ke liye bilkul sahi hain jo apni screen par kuchh dikhana ya samjhana chahte hain.

Google hangout

Google hangout main bahut sare features hain, aur aap iska use screen sharing app ki tarah bhi kar sakte ho. Lekin iss app ka use karne ke liye aapke paas google hangout account hona chahiye.

Team Viewer Dwara

Teamviewer ek aisa software hai jo kuch hi second mein computers ko ek doosre se connect kar deta hai aur phir app apne computer ki screen doosre computer par share kar sakte hain.  Team viewer Windows ke 2000/XP/Vista/2010/Server operating system ko support karta hai. Iskay saath hi yeh Linux aur Android operating systems ko bhi support karta hai.

Ismay sabse pehle Teamviewer ki website www.teamviewer.com par jaiye. Ismay Download button par click karen aur apne computer aur doosre computer jise Teamviewer se jodna hai usmay Teamviewer download karen. Jab download pura ho jaya to teamviewer ke setup par click kar usay install karen. Jab Teamviewr install ho jayega to uska icon desktop par aa jayega. Uskay icon par double click kar usay apne computer par run karen. Ab teamviewr dwara di gayi Id ko doosre computer mein type karen aur uski Id ko apne computer mein type karen tatha Connect to partner option par click karen. Dono computer Teamviewer se connect ho jayenge aur screen share ho jayegi.

 mikogo.com Ke Dwara

Ismay ek account banaye. Iskay liye Create a free account par click kare.

Ab apna First Name, Last name, Email id aur Password form mein fill karen aur Create Free Account par click karen.

Apka is website mein account ban jayega. Ab is website mein sign in karen. Ab jab aap is website mein sign in kar lenge to aap dehkenge ki right side par Download likha aayega. Aap download link par jaakar conputer screen share karne ka softwre download kar len. Apke computer mein is website se MIKOGO software download ho jaayega isay aap apne computer mein install kar len.

 Is software ko doosre computer jisse screen share karna hai us par bhi install kar len. Ab is software ke desktop icon ya start menu mein jakar software ko start karen. Jin computers ki screen ko share karna hai wahan par is software ke Start Session button par click karen.

Ab Kuch hi der mein screen share karne wala session shuru ho jayega aur ek screen aayegi jisme apka session number likha hoga. Jin computers se apni screen share karna chahte hain unhe session number bhej den.

Ab jis computer par session number bheja hai usmay bhi software shuru karen aur login karen. Ab pehle computer se bheja gaya session number doosre computer ke share wale option mein type karen tatha doosre computer se uska session number pehle computer ko bhej den aur usay share option mein type karen aur join session par click karen. Ab aap dekhenge ki aap pehle computer ki screen doosre computer par dekh payenge.

Freescreensharing.com Dwara

Freescreesharing.com online meeting karne ke liye aur computer screen sharing karne ke liye ek acchi site hai. Is website dwara aap 6 ghnate tak screen share kar sakte hain. Iskay saath hi is website mein koi paid plan nahin hai yani aap is website mein free mein screen share kar sakte hain. Isay use karne ke liye aap is website mein apne Name, email id aur password dekar account bana sakte hain. Ab jin computers ki screen aapas mein share karni hai un sab par is website mein alag account banayen. Ab aap is website mein login karen. Aap dekhenge ki is website dwara aapke aur doosre computer ki aasani se screen sharing ho jayegi.

2015 ka jo naya trend hain woh yeh hain ki Google hangout par aap screen sharing karne ke sath youtube par bhi daal sakte ho. Aisa isiliye sambhav hain kyuki google hangout aur youtube dono google walo ka hi hain. Iss tarah se video share karne ke bahut zada acche SEO benefits bataye ja rahe hain aur yeh SEO trend aane wale 2016 main bhi grow karega.

Toh dosto! Kaisa laga aap logo ko humara aaj ka yeh lekh? Agar accha laga toh zarur inn tricks ko follow kariye aur apne friends, relatives aur parivaar walo ke sath inn tricks ko share zarur kariye.

Online Money Transfer Karne Ke Steps***

What's Your Reaction?

Love It Love It
0
Love It
Like It Like It
0
Like It

Screen Share Kaise Kare | Tarike and Software Ki Jankari Hindi Me

log in

reset password

Back to
log in