Sarvangasana Kaise Kare Aur Uske Fayde – सर्वांगासन कैसे करें


Sarvangasana Kaise Kare – सर्वांगासन Ke Fayde

Sarvangasana ka arth hai aisa aasan jisko karne se sharir ke rog dur hokar sharir me svarg ki tarah such ki anubhuti ho. Is aasan se kundlini shakti ko jagaane me madad milti hai. Yeh sharir me vish ka naash kar jeevani shakti ka vikas karta hai. Aiye jane ki Sarvangasana Kaise Kare.

Sarvangasana Kaise Kare

Sarvangasana Kaise Kare

Sarvangasana Ki Vidhi

Is aasan ka abhyash svach aur saaf havadar jagahon par kare.

Aasan ke liye niche dari ya chatai bichakar pehle pith ke bal let jaaye. Iske baad me dono pairo ko milakar aur pure sharir ko sidha taan kar rakhe.

Ab saans andar lekar dheere dheere pairo ko upar uthaye. Is kriya me pairo ko sidha rakhe.

Iske liye pehle pairo ko upar uthaye, fir kamar ko upar uthaye, chati tak ke bhaag upar utha le.

Iske baad apne dono haathon ko kohni se modkar kamar par lagakar kamar ko thamkar rakhe.

Aasan ki is sthiti me pure sharir ka bhaar kandhon par rehna chahiye. Is sthiti me kandhe se kohni tak ke bhaag ko farsh se stakar rakhe aur thoddi ko chati me stakar rakhe.

Ab pairo ko taan kar upar ki aur khinchkar rakhe.

Iske baad sharir ko sthir karte huye is sthiti me 30 second tak rahe aur samanya rup se saans lete aur chodte rahe.

Dheere dheere iska abhyash badhakar aasan ki sthiti me 3 mint tak reh sakte hai.

Iske baad sharir ko dheela chodkar ghutano ko moadkar dheere dheere sharir ko hathaliyon ke share se samanya sthiti me le aaye.

Iske baad 10 second tak aaram  kare. Iske baad punah is aasan ko kare aur is tarah se is kriya ko 3 baar kare.

Sarvangasana Kaise Kare – Laabh

Is aasan se sabhi tanav, thakavat aadi dur ho jati hai. Is aasan ko karne se sharir me ek prakar ka ras nirmit hota hai jo manushya ke bhudape ko aane se rokta hai.

Yeh apach, bukh ko badhata hai, sar ka dard, aankhon aur masthishk ka dard theek karta hai.

Is aasan ko karne se charm rog nahi hota, kyunki is aasan se raktdosh dur ho jata hai.

Isse purane kabj, gale ke rog aur jigar ke sabhi rog theek hote hai.

Paachan kriya majbut hoti hai.

Yeh aasan chehre ko tej, aakarshak aur sundar banata hai aur yaadash ko tej karta hai.

Is aasan ko karne se sharir ki dhili tvacha aur chehre ki jhuriyan dur hoti hai.

Yeh aasan sharir ko shudh karta hai aur sharir me se adhik charbi ko kam kar deta hai aur motapa dur kar deta hai.

Yeh chehre ke keel muhanse aur daag dhabbe ko mitata hai, virya ki raksha karta hai.

Thyroid granthi ko sakriya aur svasth rakhne ke liye yeh aasan adhik faydemand hai.

Yeh granthi griva ke nichle bhaag me samne aur panchvi chatty aur satvi keshruka ki lambai me sthit hoti hai.

Yeh sar aur netra rog  ko dur karta hai aur masthishk se kaam karne valoo ke liye yeh aasan laabhkari hai.

Is aasan me harmon shakti ki kriyashilta badh jaati hai, jisse sharir me shakti aur jivni badh jaati hai.

Yeh aasan andkosh ke kam vikas ko viksit karta hai.

Is aasan ka prush ke smaan striya ki dimb granthi par bhi parbahav padta hai. Jisse striyan me motapa aur baanjhpan dur hojata hai.

Janiye Healthy/Tandurust Sharir Kaise Banaye.

Mr Hindi Indian Youtube Channel