Pavanamuktasana Kaise Kare Aur Uske Fayde – पवनमुक्तासन कैसे करे


Pavanamuktasana Kaise Kare – पवनमुक्तासन

Vaise har tarah ke yog karna sharir ke liye fayde mand rehta hai. Kaha jaata hai ki yog karne se aisi bimari bhi thik hojati hai. jiske liye doctor ne bhi javab de diya hota hai. Pavanamuktasana se hamara sharir hamesha chust aur Tandrust rehta hai. Hamara dimag hamesha khush mijaj rehta hai.

Koi bhi bimari hame jaldi chu nahi sakti. Filal hum aaj apko jo aasan sikha rahe hai vo bahoot hi saral hai. Kai baar kuch ulta sidha kha lene se hamara pet takleef me aajata hai. Kai tarah ki bimari lag jaati hai.

Kya apko pata hai ki aadhe se jayda bimari hame hamare pet theek na hone ke karan lagti hai. Agar apka pet saaf hai ache se pavan bahar nikalti hai to apki aadhi bimari yahin par khatam hojati hai.

Jin logo ko pet me gas ki samsya hoti hai unhe pavanmuktaasan karna chahiye. Pavanamuktasana apne naam ke anusar hai. Is yog ki kriya dvara sharir se dushit vayu ko sharir se mukt kiya jaata hai. sharir me sthit pavan yeh aasan karne se mukt hota hai isliye pavanmuktaasan kaha jaata hai.

Pavanamuktasana Kaise Kare

Pavanamuktasana Kaise Kare

Pavanamuktasana Karne ki vidhi

Bhoomi par chatai bicha kar chit hokar let jaaye.

Purk karke fefdo me saans bhar le.

Ab kisi bhi ek pair ko ghutane se mod de.

Dono haathon ki ungliyon ko praspar milakar uske dvara mode huye ghutano ko pakadkar pet ke saath laga de.

Fir sar ko upar uthakar mode huye ghutano par naak lgaye. Dusra pair jameen par sidha rakhe.

Is kriya ke douran saans ko rok kar kumbhak challo rakhe.

Sar aur moda hua pair bhoomi par purvavat rakhne ke baad hi rochak kare.

Dono pairo ko baari baari se moadkar yeh kriya kare. Dono pair ek saath modkar bhi yeh aasan ho sakta hai.

Pavanamuktasana ke laabh

Pavanamuktasana pet ke liye bahoot faydemand rehta hai. Is yog se gas thik hota he, pet ki kharabi sudharne me laabh milta hai. Pet ki badi hui charbi ke liye bhi yeh bahoot faydemand rehta hai. Kamar dard, saitik, hruday rog, ghathiya me bhi yeh aasan laabhkari hota hai. Striyon ke liye garbhaashay sambhandhi rog me paavan mukt aasan kafi faydemand hota hai. Is aasan se merudand aur kamar ke niche ke ek hisse me mojud tanav dur rehta hota hai.

Pavanamuktasana Ki Saavadhaniya

Jin logon ko kamar dard ki shikayat ho unhe yeh aasan nahi karna chahiye agar karna hai to kushal prashichik ki dekh rekh me karna chahiye.

Jinke ghutano me takleef ho unhe svasth hone ke baad hi yeh yog karna chahiye.

Harniya se prabhavit logon ko bhi svasth hone ke baad hi yeh yog karna chahiye.

Striyon ko masik ke samay yeh yog nahi karna chahiye. Agar aap in savdhani ka istemaal karenge to isme aap ka hi fayda hoga.

Aur aap agar niyamit rup se ye aasan karenge to apke pet se lagne vaali sari bimari sahi ho jayegi. Kyunki aadhi bimari to yahin se aati hai. Par ye aasan kariye aur nishchint ho jaiye.

Jarur Padhe Yogasan Ke Prakar and Fayde In Hindi.

Mr Hindi Indian Youtube Channel