Papita Ki Kheti Kaise Kare – पपीता की खेती Tips aur Jankari Hindi Me


Papita Ki Kheti Kaise Kare - पपीता की खेती Tips aur Jankari Hindi Me

Papita Ki Kheti Kaise Kare – पपीता की खेती Tips aur Jankari Hindi Me

Papita Ki Kheti Kaise Kare – पपीता की खेती

Papita bahut hi jaldi fal dene wala ped hai aur isay aasani se ugaya bh jaa sakta hai. Papita swastha ke liye bhi bahut accha hota hai isliye har koi papita ke ped ugana chahta hai. Aayie jaane Papita Ki Kheti Kaise Kare – Tips and Jankari Hindi Me.

Kaisa ho Vatavaran

Papite ki acchi kheti ke liye zaroori hai ki vatavaran ka taapman 35 se 42 dgree celcius hona chahiye. Iskay sath hi pani upyukt matra mein uplabdh ho. Isliye papite ko lagane ka upyukt samay june tatha july ka mahina hota hai jahan tapman bhi papite ke mutabik hota hai aur barsat ke karan papite ki fasal ko pani bhi aasani se mil jata hai.

Mitti ki tayari

Papite ki kheti karne ke liye apne khet ki mitti mein 25 se 50 pratishat khad dalen. Papita sabhi tarah ki mitti mein ug sakta hai par mitti mein aawashyak khad zaroor mili honi chahiye. Mitti ka pH mann 4.5 se 8 hona chahiye.

Khet ki tayari

Khet ko sabse pehle acchi tarah se jot kar samtal kar leejiye. Ab khet mein 2 meter lambe, 2 meter chaude aur 2 meter gehre gadde khod len. In gaddhon mein 15 kilo gobar ki khad jismen 400 gram super phosphate aur 200 gram potash ho bhar den. In gaddhon ko paudhon ke ropan ke 10 din pehle hi tayar kar len.

Kitne beej len

50 hazar varg feet ke khet ke liye lagbhag 500 gram papite ke beej ki zaroorat hoti hai.  Papite ke paudhe beej ke dwara hi tayar kiye jaate hain. Jab beej se paudhe nikal jate hain to inhen khet mein tayar gaddhon mein lagaya jaata hai. Ek tayar gaddhe mein 2 paudhe hi lagaye jaate hain.

Kaise karen ropan

Papite ke bejon se pehle nurury mein ya polythene mein paudhe tayar kiye jaate hain  jinhe bade hone par kheton mein ropan kiya jata hai. Beej ko 1 se 3 centimeter se zyada gehrai mein nahin boyen. Yeh paudhe jab 20 se 25 centimeter hon tab inhe khet mein bane gaddhon mein lagayen. Yadi polythene mein beej se papite ke paudhe tayar karne hain to 20 centimeter lambi, 20 centimeter chaudi aise polythene len jinke niche ched hon jisse pani jama nahi ho paye aur atirikt pani bah jaaye. In polythene mein gobar ki khad, mitti aur ret ka mishran dalen. Theli upar se thodi si kali ho aur har theli mein 2 se 3 beej tak hi dalen. Jab paudhe 20 centimeter lambe ho jaaye to polythene ko savdhaani se kisi blade dwara hata den aur paudhon ka khet mein ropan kar den.

Sinchai kaise kare

Paudhon ko garmi mein 4 se 7 din mein aur thand mein 10 se 15 din ke antar se pani dena chahiye. Yadi zyada thand ki aashanka ho to pehle hi sinchai kar dena chahiye. Iskay saath hi khet mein ug rahi ghaas aur doosre kisam ke paudhon ko turant hi hata den jisse ki papite ke paudhon ko failne ke liye upyukt sthan mil jaaye.

Papite ke paudhon ki katai

Papite ke paudhon mein 90 se 100 din ke andar phool lagne lagte hain. Papite ke nar paudhaon mein chote chote gucchon mein lambe dhantal liye phool lagte hain. Papite ke mada phool peele rang ke hote hain jo 2.5 centimeter lambe hote hain tatha tane ke nazdik hote hain. Mada phoolon mein hi papita lagta hai aur in paudhon ko mada paudhe kehte hain. Khet mein 1000 mada paudhon ke liye 50 nar paudhe hi rakhen baki nar paudhe ukhad  den jisse mada paudhon ko failne ke liye aur jagah mil jjaye.

Paudhon ki dekhbhaal

Papite ke paudhon par anek keet akraman kar sakte hain. Inki rok thaam ke liye dawaon ka chidkaaw zaroori hota hai. Bazaar mein mil rahe kitnashakon ka prayog karen. Issay papiton ko nuksaan nahin hoga.

Papiton ki tayar fasal

Papiton ke fal 9 se 10 mahino mein todne layak ho jaate hain. Jab papite ka rang hare se badalkar peela ho jaaye tatha papita halka sa dabane par kuch mulayam lage to samajhna chahiye ki papita pak chuka hai.Papiton ko savdhani se tod lena chahiye.

Kheti Karne Ke Tips.

Mr Hindi Indian Youtube Channel