Organic Kheti Kaise Kare – Jaivik Kheti Ki Jankari Hindi Me


Organic Kheti Kaise Kare - Kheti Ki Jankari Hindi Me

Organic Kheti Kaise Kare – Kheti Ki Jankari Hindi Me

Organic Kheti Kaise Kare – जैविक खेती की जानकारी

Organic Kheti Kaise Kare – Kheti Ki Jankari. Organic kheti krishi ki yeh vidhi hai jo sansleshit urvarakon aur sanshleshit kitnashakon ke aprayog ya nyuntam prayog par aadharit hai. Tatha jo bhumi ki urvara shakti ko bachaye rakhne ke liye fasal, chakra, hari khad, compost aadi ka prayog karti hai. San 1990  ke baad se vishva me organic utpadon ka bajar kaafi badh raha hai. Sampurn vishva me badhti hui jansankhyaa ek gambhir samasya hai.

Badhti hui jansankhaya ke saath bhojan ki aapurti ke liye maanav dvara khady utpadan ki hoad me adhik se adhik utpadan prapt karne ke liye tarah tarah ki rasayanik khadon, jehrile kitnashakon ka upyog, prakriti ke organic aur aorganic padarton ke beech aadan pradan ke chakra ko prabhavit karta hai. Jisse bhoomi ki urvara shakti kharab ho jati hai. Saath hi vatavaran pradushit hota hai tatha manushye ke svasthya me giravat aati hai. Chaliye jaane Organic Kheti Kaise Kare – Kheti Ki Jankari Hindi Me.

Organic kheti se hone vaale laabh

Krishakon ki drishti se laabh

  • Bhoomi ki upjao shramta me vridhdhi ho jaati hai.
  • Sinchai antaral me vridhdhi hoti hai.
  • Rasaynik khaad par nirbahata kam hone se laagat me kami aati hai.
  • Fasalon ki utpadakta me vriddhi.

Mitti ki drishti se

  • Organic khaad ke upyog karne se bhoomi ki gunvatta me sudhar aata hai.
  • Bhoomi ki jal dharana shramta badhti hai.
  • Bhoomi se paani ka vashpikaran kam hoga.

Paryavaran ki drishti se

  • Bhoomi ke jal star me vridhi hoti hai.
  • Mitti, khadya padarth aur jameen me paani ke madhyam se hone vaale pradhushan me kaami aati hai.
  • Kachre ka upyog, khad banane me, hone se bimariyon me kami aati hai.
  • Fasal utpadan ki laagat me kami aur aay me vriddhi.
  • Antarrashtriye baajar ki spardha me organic utpaad ki gunvanta ka khara utrana.

Organic khetii ki vidhi

Organic kheti ki vidhi rasanayik kheti ki vidhi ki tulna me barabar ya adhik utpadan hoti hai. arthat organic khetii mruda ki uravarta aur krashakon ki utpadakta badhane me purnta: sahayak hai. Varsha aadharit chetron me organic khetii ki vidhi aur bhi adhik laabhdayak hai. Organic vidhi dvara kheti karne se utpadan ki laagat to kam hoti hai iske saath hi krashak bhaiyon ko aay adhik prapt hoti hai. tatha antarrashtariye baajar ki spardha me organic utpad adhik khare utarte hai. Jiske fal svarup samanye utpadan ki apeksha me krashak bhaai adhik laabh prapt kar sakte hai.

Aadhunik samay me nirantar badhti hui jansankhaya, paryavaran pradushan, bhoomi ki uravara shakti ka samrakshan aur maanav svasthye ke liye organic khetii ki raah atyant laabhdayak hai. Maanav jeevan ke sarvangin vikas ke liye nityanat aavashyak hai ki prakratik sansadhan pradushit na ho. shudh vatavaran rahe aur paushtik aahar milta rahe. iske liye hame organic khetii ki krishi padhatiyon ko apnana hoga. jo ki hamare naisargik sansadhano aur manviy paryavaran ko pradushit kiye bagair samast janmanas ko khadye samagri uplabdh kara sakti he tatha hame khushaal jeene ki raah dikha sakegi. (Organic Kheti Kaise Kare – Kheti Ki Jankari Hindi Me).

Organic kheti hetu pramukh organic khaad aur davayiyan

Bhillotak ka upyog chattisgarh me dhan ki organic khetii me kit -prabadhan ke liye kiya jaata hai.

Organic khathe

  • Naadep
  • Biogas salari
  • Varmi camposet
  • Hari khaad
  • Jeev uravarak
  • Gobar ki khaad
  • Nipe phasphos composet
  • Pit composet
  • Murgi ka khaad

Organic khaad taiyar karne ke krashakon ke any anubhav

  • Bhabut amratpaani
  • Amrit sanjeevni
  • Matka khaad

Organic padhiti dvara vyadhi niyantran ke krashakon ke anubhav

  • Go-mutra
  • Neem patti ka ghol /nibolo/khali
  • Matta
  • Mirch/lehsun
  • Lakdi ka raakh
  • Neem aur karanj khali

Parwal Ki Kheti Ke Tips – Parwal Ki Sabji.

Mr Hindi Indian Youtube Channel