Nimbu Ki Kheti Kaise Kare – Tips aur Jankari Hindi Me नींबू की खेती कैसे करे


Nimbu Ki Kheti Kaise Kare - Tips aur Jankari Hindi Me

Nimbu Ki Kheti Kaise Kare – Tips aur Jankari Hindi Me

Nimbu Ki Kheti Kaise Kare

Nimbu samporn bharat mein paya jaane wala ek bahut hi upyogi fal hai jo Vitamin C se bharpur hota hai. Nimboo ke sevan se anoken swasth labh prapt ho sakte hain. Is gunkari nimbu ko kheton ke saath hi bageeche mein bhi ugaya jaa sakta hai. Aaiye jaane Nimbu Ki Kheti Kaise Kare – Tips aur Jankari Hindi Me.

Mausam ka chayan

Jab nimbu ka paudha lagate hain to mausam ka dhyan rakhen. Nimboo ka paudhadh zyada kam tapmaan par nahin rah pata isliye nimbu ke paudhe ko tab lagayen jab tapmaan 40 degree celcius ke aas paas ho. Iskay sath hi surya ki paryapt roshni nimbu ke paudhe ko milti ho. Garmiyon ka mausam jabki barsaat nahin hoti ho nimbu ke paudhon ke liye bahut labhdayak hota hai. Zyada nami ya pala ka padna nimbu ki kheti ke liye accha nahin hai.

Mitti ki tayyari

Nimboo ke paudhe bhi vibhinn prakar ki mitti mein panap sakte hain. Mitti upjau honi chahiye tath mitti ka pH maan 5.5 se 7.5 hona chahiye.  Miiti mein khad dalen jisme anek poshak tatwa hon. Aisee khad dalne se nimbu ke paudhon mein vridhi hoti hai. Mitti mein nimbu ka paudha lagane se pehle usay acchi tarah se khod len. Mitti ki khudai aur aas paas ki ghass phoos ko hata dena nimbu ki kheti mein bahut aawashyak hai.

Nimboo ke paudhe kaise lagayen

Nimboo ke paudhon ko khet mein lagane ke liye kheton mein dhai foot gehre gadde khoden. Gaddon mein khad dalen aur phir kuch mitti bharkar paudha lagayen. Paudhe ke upar baki ki mitti dal den. Mitti is tarah dalen ki paudhon ki jad acchi tarah baith jaaye. Do paudhon ke beech 20 foot ka antar hona chahiye. Paudhe lagane ke baad unmay turant hi paani de dena chahiye.

Nimboo ke paudhe ki dekhbhaal

Paudhe ke lagane ke kuch saptah tak aur nimbu ke pehle saal mein usamy acchi matra mein khaad dalen. Nimboo ke ped ka majboot aur bada tana paane ke liye nimbu ki sabh shakhayen jo 50 centimeter lambe paudhe mein ugati hain unhen hata dena chahiye. Is parakar ki shakhaon ko hatane se nimbu ke paudhe ka tana swasth hota jaata hai aur dheere dheere nimbu ka paudha majboot hone lagta hai. Iskay saath ped ke sabhi bacteria sankramit bhaag, murjhaye patton ko hata dena chaiye.

Nimbo ke liye khad

Nimbo ki kheti mein nimbo ke paudhe ko pehli saal gobar ki khad dalen. Phir pratyek varsh kuch khad ki matra badhate rahen.  Puri tarah viksit 10 varsh ya adhik umr wale nimbo ke paudhe ko 50 kilo prakritik khad jisme sabhi poshak tatwa hon di jaani chahiye.

Sinchai

Nimboo ke 5 saal tak ke paudhon ki sinchai unke charon aur ghera banakar kijiye jabki nimbu ke zyada purane paudhon ki sinchai unke aas paas pani bharkar ya pani ki naliyan banakar karen. Garmiyon ke mausam mein har 15 din baad aur sardiyon ke mausam mein 4 saptah baad sinchai karni chahiye. Barasaat ke mausam mein atirikt paani nahi jam paaye isliye jame pani ka nikas karte rahen.

Nimbo ka keet patangon se bachav

Nimbo ke paudhe mein fool aane ke samay aur paudhon ke badhne ke samay keet patang un par akraman kar unhen nuksaan pahuncha sakte hain. Mausam ke badalne par in keet patangon ki sankhya badh jaati hai aur nimbo ke paudhon aur uskay foolon par akraman ka khatra badh jaata hai. Is se bachne ke liye bazar se acche kit nashak ka nimbo ke paudhe par chidkaw karen. Nimboke paudhe ko prakritik roop se bhi bacha sakte hain. Iskay liye neem ki pattiyon ko pani mein dalkar unhen ubaliye. Jab neem ka kada tyyar ho jaaye to usay nimbu ke paudhon aur uskay foolon par chidakiye. Issay unhen keet patangon se bhay nahi rahega.

Nimbo ki fasal ka tayyar hona

Nimboo ki fasal samporan varsh mein 2 se 3 baar aati hai. Yeh garmi, barsat aur sardi ke mausam mein aati hai. Nimboo ka paudha lagane ke 2-3 varsh mein nimbu ke ped mein 50 se 60 nimbu lagte hain jo ki 8 ven varsh mein 700 nimbu tak ho jaate hain.

Kheti Karne Ke Types In Detail.

Mr Hindi Indian Youtube Channel