MicroSoft Word Ki Jankari | Kaise Use Kare | माइक्रोसॉफ्ट वर्ड की जानकारी

MicroSoft Word Ki Jankari Keyboard Shortcuts Hindi

MicroSoft Word Ki Jankari

Dosto! Aap logo main se har kisike paas computer toh hoga hi. Aur computer main aap log Microsoft word toh use karte hi honge. Toh zahir si baat hain ki aap logo ko Microsoft word ke bare main basic knowledge toh hoga hi, lekin agar nahi hain toh tension lene ki zara si bhi zarurat nahi hain. Kyun ki aaj hum aap logo ko Microsoft word ke bare main jankari dene ke liye hi yeh lekh lekar aap logo ke samne hazir hue hain. MicroSoft Word Ki Jankari and Kaise Use Kare.

Aaj ke iss lekh main hum aap logo ko Microsoft word ke bare main detail main batayenge. Toh agar aap logo ko Microsoft word ke bare main jankari nahi hain aur aap log iss bare main jankari hasil karna chahte hain toh aap log please humare iss lekh ko dhyan se padhiye. Bharosha rakhiye iss lekh ko padhne ke baad aap logo ko Microsoft word ke bare main puri nahi fir bhi besic jankari zarur hasil ho jayegi.

MicroSoft Word Ki Jankari – माइक्रोसॉफ्ट वर्ड

Microsoft Word ek wordprocessor hai jise Microsoft company ne banaya hai. MS word ek application program ki tarah work karta hai aur text documents ko banane mein use hota hai. Isliye MS word ka use letters, applications, resumes aur doosre official works ke liye kiya jata hai. Ismay kai features hain jo hamen bahut sahayta pradan karte hain. MS word window base hone ke karan hum ismay mouse prayukt kar sakte hain par iskay bahut se aisay shortcuts hain jinke dwara hum woh karya keyboard ke dwara bhi kar sakte hain. Hum un keyboard shortcuts ke baare me pehle jaan lete hai.

Microsoft word ki kuchh vishestaye

Web related features (Web sambandhit vishestaye)

  1. (Web centered document creation) Web se sambandhit file banana.
  2. Document ko HTML format main save kar sakte hain, jisko hum internet browser main bhi dekh sakte hain.
  3. (Web page wizard) iski sahayta se hum zaldi se aur asani se web page bana sakte hain.
  4. (Web page priview) iss main hum web page dk priview dekh sakte hain ki kaisa browser main dikhega.
  5. (Hyperlink interface) iski madat se hum dusri document ya page ko link kar sakte hain aur iss par click karne se sambandhit page khul jata hain.
  6. (Internet connectivity) iss main hum internet se connection kar sakte hain aur email badi asani se kar sakte hain.

Internal features

  1. Language setting — User kisi dusri kriya ko bina prabhawit kiye apni iccha ke hisaab se bhasha ka chayan kar sakta hain.
  2. Proofing tools — User apni pasand ki kai bhashaye, software daal sakta hain aur uss se sambandhit spelling & grammar checking tool bhi daal sakte hain.
  3. Assign language — User apni manpasand bhasha main kaam kar sakta hain jisko operating system support kare.

General features

  1. Office assistant — Yeh help pradan karne ka gateway hota hain. Iski madat se hum ms word se related kisi bhi topic ke upar jankari hasil kar sakte hain.
  2. Drawing tools — Ms word 3D shape banane ke liye tools pradan karta hain. Jiski madat se hum manchahi 3D shape bana sakte hain.
  3. Editing and proofing tools — Microsoft word ke andar grammatical and spelling mistakes ko sahi karne ke liye bahut sare acche tools uplabhad hain jiski help se hum kisi bhi galti ko badi asani se sudhar sakte hain.
  4. Template and wizard — Ms word ke andar kuchh bane hue format uplabhad hote hain, jo user ko ek proper format & style pradan karta hain. Jisko use karke user apni document ko sahi format pradan kar sakte hain.
  5. Mail merge — Mail merge ki madat se user kam samay main kai correspondence letter taiyar kar sakta hain. Iss main letter, document aur record source document ko ek (merge) main milakar hum kai correspondence letter taiyar kar sakte hain.

MS Word Keyboard Shortcuts

MicroSoft word ki Jankari uske keyboard shortcuts ke bina adhuri hai. Hum yaha kuch famous keyboard shortcuts likh rahe hai jisse aapko Word par kam karne me asaani hogi.

Word ke Page mein content ko keyboard se select karne ke liye “Shift ke saath arrow ke press karen”.

Sare content ko select karne ke liye “CTRL+A”  press karen.

Kisi content ko Bold karne ke liye us content ko select karen aur “CTRL+B” press karen.

Kisi content ko Italic karne ke liye us content ko select karen aur “CTRL+I” press karen.

Kisi content ko Underline karne ke liye us content ko select karen aur “CTRL+U” press karen.

Content ko copy karne ke liye pehle us content ko select kar len aur phir “CTRL+C”  press karen.

Content ko cut karne ke liye pehle us content ko select kar len aur phir “CTRL+X”  press karen.

Jis content ko copy ya cut kiya hai usay word mein kahin paste karne le liye “CTRL+V” press karen.

Content ko page mein center mein karne ke liye pehle us content ko select karen aur phir “CTRL+E”  press karen.

Kisi shabd ko Find and Replace karne ke liye “CTRL+F” press karen.

Page mein content ko justify karne ke liye pehle us content ko select karen aur phir “CTRL+J”  press karen.

Page mein content ko left allign karne ke liye pehle us content ko select karen aur phir “CTRL+L”  press karen.

Page mein content ko right allign karne ke liye pehle us content ko select karen aur phir “CTRL+R”  press karen.

Naya blank word document kholne ki liye “CTRL+N” press karen.

Word ki koi file open karne ke liye ki liye “CTRL+O” press karen.

File ke page ko print karne ke liye “CTRL+P” press karen.

File ko save karne ke liye “CTRL +S” press karen.

Khuli huyi file ko band karne ke liye “CTRL+W” press karen.

Kisi action ko kar diya hai, ab who hamen nahin chahiye to usay hatane ke liye  liye(Undo)  “CTRL+Z” press karen.

Kisi action ko phir se karne ke liye (Redo) “CTRL+Y”  press karen.

Ek shabd peeche jaane ke liye “CTRL+left arrow” dabayen.

Ek shabd aage jaane ke liye “CTRL+right arrow” dabayen.

Line ya paragraph ke shuru mein jaane ke liye “CTRL+up arrow” dabayen.

Line ya paragraph ke aant mein jaane ke liye “CTRL+down arrow” dabayen.

Page mein cursor ke right side ke saare shabd  delete karne ke liye “CTRL+Del” dabayen.

Page mein cursor ke left side ke saare shabd delete karne ke liye “CTRL+ Backspace” dabayen.

Document ke start mein jaane ke liye “CTRL+ Home” dabayen.

Document ke last mein jaane ke liye “CTRL+ End” dabayen.

Single space line rakhne ke liye content ko select kar “CTRL+1” dabayen.

Double space line rakhne ke liye content ko select kar “CTRL+2” dabayen.

paragraph mein 1.5 space line rakhne ke liye content ko select kar “CTRL+5” dabayen.

File ko Save As option se save karne ke liye “F12” press karen.

Page mein current date dalne ke liye “Shift+Alt+D” press karen.

Page mein current time dalne ke liye “Shift+Alt+T” press karen.

MS Word Graphics

Word ki file ka format (.doc) ya (.docx) hota hai. Ismay sabse pehle bar “title bar” kahlati hai jis par file ka naam aata hai. Iskay baad ki baar “Menu bar” kahlati hai jisme bahut se functions hote hain. Iskay baad “Tool bar” aati hai jisme kai mahtwprna functions icon ke roop mein hote hain. Iskay baad ki baar “Formatting tool bar” hoti hai jiske menus ki sahayata se hum apne documents ki formatting karte hain. MS word mein sabse niche status bar hoti hai jo document ki kai jaankari jaise page no, word count aadi batati hai.

Toh kaisa laga aap logo ko humara aaj ka yeh lekh? Ummid karte hain accha laga hoga. Ab toh bas aap logo se humari yahi request hain ki aap log humare iss lekh ko dhyan se padhiye aur Microsoft word ke bare main detail main jankari hasil kar lijiye.

Hide and Show Files in Windows**

Loading...
Tags:
A project by AnalogFolk © 2017