Medical Entrance Exam Ki Tayari Kaise Kare – Jankari Hindi Me


Medical Entrance Exam Ki Tayari Kaise Kare - Jankari Hindi Me

Medical Entrance Exam Ki Tayari Kaise Kare – Jankari Hindi Me

Medical Entrance Exam Ki Tayari Kaise Kare

Medical Entrance Exam Ki Tayari Kaise Kare – Jankari Hindi Me. Medical entrance ke liye parikshayen hoti hain. All India Pre-Medical Examination(AIPMT) ki parikshayen April aur May mahino mein aayojit hoti hain. Rajyaon ki Medical pravesh parikshayen May aur June ke mahino mein aayojit ki jaati hain. Doctor bannae ke liye in parikshaon mein bahut zyada number lane hote hain isliye in parikshaon ki tayari ke liye kuch baton ka dhyan rakhna zaroori hota hai. Aaiye jaane ki kya hain woh baaten. Medical Entrance Exam Ki Tayari Kaise Kare.

Syllabus ko Yojana banakar padhen

Medical pravesh parikshaon ka syllabus yani pathyakram bahut zyada hota hai isliye isay samay par khatma karne ke liye lakshya banaye aur lakshya mein nirdharit samay mein hi syllabus ko pura karen. Pratiyogi parikshaon ke shuru hone ke kuch din pehle saari pustak padhne ki koshish nahin karen aur woh hi samagri padhen jo parikshaon mein aati hon.

Har kitab nahin khareeden

Pariksha ki tayari karne ke liye dukanon par uplabdh har kitab ko khareedne ki bhool nahin karen. Zyada kitaben aapko bhramit kar dengi aur aap itni kitaben padh bhi nahin paayenge. Isliye jo kitaben aap pehle se padhte aa rahe hain unse hi tayari kare.

Coaching len

Medical ki pariksha kathin hoti hai isliye ismay coaching lena zaroori ho jaata hai. Coaching mein apko woh tricks batayee jaate hain jinse aap prashna patra aasani se hal kar sakte hain. Agar aap coaching ki zyada fees nahin de sakte to aap aur apka dost coaching ki fees aadhi aadhi kar aap dono mein se koi ek coaching padh sakta hai jo accha samjhana janta ho. Woh coching padhkar apko samjha sakta hai issay uska abhyaas ho jayega aur aapki tayari bhi ho jayegi. Kuch pramukh coaching institute jo medical entrance ki tayari karate hain Brilliant Tutorials, Aakash Institute, CareerPoint, Kota, Oasis Educational Services, WinEntrance hain.

Aadhar majboot karen

Kisi bhi vishay ko accha karne ke liye uska aadhar majboot karna zaroori hota hai. Isliye sabse pehle apna us vishay par aadhar majboot karen aur tab hi us vishay mein aage badhen jab aap us vishay ke aadhar ke baare mein sab kuch jaan chuke hon.

Apni kamjori ko pehchane

Aksar padhai mein kuch vishay aise hote hain jinme hum kamzor hote hain aur hum unhay yeh sochkar nazarandaaz kar dete hain ki baaki ki tayari to hum kar hi rahe hain. Yaad rakhen aisi soch medical enterance exam mein bilkul bhi nahi chalti kyonki yahan ek ek number se selection ruk jaata hai. Isliye apni kamjori ko pehchaan kar us vishay mein tab tak mehnat karte rahen jab tak ki aap usmay acche nahin ho jaate hain aur tab hi aage badhen.

Doctors ke article padhen

Samachar patrron mein prakashit doctors ke articles aur unkay jivan ke baare mein lekh padhen. Yeh apko jaanne mein madad karenge ki doctors ne kis prakar tayari ki thi. Issay upko andar se prerana bhi milegi aur aap dugni urja ke saath apne lakshya ki aur badh jaayenge.

Purane prashnapatra hal kare

Medical entrance mein pass hone ke liye apko purane prashnapatra hal karne chahiye. Insay apko apni kamjori ka pata chalega aur aap jaan sakenge ki aap ki tayari kitni hui hai.

Zyada tanav nahin rakhen

Padhai aur parikshaon ki tayari tanav ke saath nahin ho pati hai isliye zyada tanav nahin rakhen. Apne liye samay nikalen aur saare din mein kuch aisa zaroor karen jo apki ruchi ka ho jaise music sune, kahani padhen ya kuch der t.v. dekhen.

Pariksha mein uttaron ko dhyan se bhare

Parikshaon mein Physics, Chemistry aur Biology ke prashnapatra aate hain jo vastunisht prakar ke hote hain. Yani ek prashna pucha jaata hai aur uskay 4 vikalp diye hote hain. Unmay se 1 sahi hota hai aur 3 galat hote hain. Apko sahi vikalp dena hota hai. Sahi vikalp par apko number milte hain par galat vikalp dene par apke number kat ajjte hain. Isliye answer sheet mein vikalpon ko bahut dhyan se bahren.

Khan pan ka dhyan rakhen

Sabse zyada zaroori hai ki aap apne khan pan ka dhyan rakhen. Agar aap swasth hain tabhi aap acchi tarah padhai kar sakte hain. Isliye apne khane mein paushtik cheezen khayen tatha acchi nind len jissay apka dimag tarotaza rah sake.

Sapne Kaise Sakar Kare Kamyaab Bane – Jane Hindi Me.

Easy Life Tricks
Sponsored Channel
Mr Hindi Indian Youtube Channel