Mayurasana Kaise Kare Uske Fayde – मयूरासन कैसे करे


Mayurasana Kaise Kare

Mayurasana Kaise Kare

Mayurasana Kaise Kare – मयूरासन Ke Fayde

Mayurasan yani mayur ki tarah kiya jaane vaala aasan. Yoga me yeh vah aasan hai jisme aapka sharir mayur ki tarah dikhai deta hai. Is aasan ko karne ke liye bahoot savdhaniyan bartane ki avashyakta hoti hai. Is aasan me sharir ka pura bhaar haathon par tika rehta hai aur sharir hava me lehrata hai. Mayurasan ke bhi kai laabh hai. Lekin saval ye uthta hai ki Mayurasan kaise kiya jaaye. Mayurasan ke laabh kya hai, Mayurasana karne ki vidhi kya hai. Mayurasana Kaise Kare, Mayurasan kab karna chahiye, par in savalon ke javab janane ke liye ye janana jaruri hai ki Mayurasan  hai kya. Aaiye jante he Mayurasana Kaise Kare.

Vidhi

Mayurasan khuli aur havadar jagah me karna chahiye. Iske liye aap sabse pehle ghutano ke bal baith jaaye aur age ki aur jhuk jaayen.

Aage jhukte huye dono haathon ki kohniyan ko modkar naabhi par lagakar jameen par sata le.

Iske baad apna santulan banate huye ghutano ko dhire dhire sidha karne ki koshish kare.

Ab apka sharir puri sidhe me hai aur sirf apke hath jameen se sate huye hai.

Is aasan ko karne ke liye sharir ka santulan banaye rakhna jaruri hai jo ki pehli baar me sambhav nahi.

Yadi aap rojana Mayurasan ka abhyash karenge to aap nishchit tour par aasani se ise kar payenge.

Mayurasan Ke Laabh

Mayurasan ke kai laabh hai. Aamtour par Mayurasan se gurde, agnasya aur amashya ke saath hi yakrut aadi ko bahoot laabh hota hai.

Chehre par chamak lane ke liye Mayurasan karna chahiye.

Mayurasan karne se haath, pair aur kandhe ki manspeshiyon me majbuti aati hai.

Jin logon ko bahoot adhik kabj rehti hai unke liye Mayurasan se badhiya koi upaye nahi.

Madhumeh ke rogiyon ke liye bhi yeh aasan laabhkari hai.

Yadi apko aankho sabandhi koi samasya hai to uska nidan bhi Mayurasan se kiya jaata hai.

Pachan kriya ko sucharu rup se chalane ke liye Mayurasan karna chahiye.

Yadi aapko pet sambandhi samya jaise gas banana, pet me dard rehna, pet saaf na hona aadi hota hai to apko Mayurasan karna chahiye.

Samanya rogon ke alava Mayurasan se aanto aur any angon ko majbuti milti hai.

Mayurasan se amashay aur mutrashay ke doshon se mukti milti hai.

Savdhaniyan

Mayurasan karte waqt bahoot savdhani ki jarurt padti hai. Isliye jab bhi aap ye aasan kare to kisi yog expert ki dekh rekh me kare. Ya fir is aasan ko karne ki vidhi ko achche se jaane tabhi aap is aasan ko sahi tarike se kar payenge aur iska laabh utha payenge.

Mayurasana Kise Nahi Karna Chahiye

Aamtour par Mayurasan un logon ko karne ke liye mana kiya jata hai jo uch raktchap ki samsya se pidit hai.

TB yani napedik ke mareejon ko bhi Mayurasan nahi karna chahiye.

Ruday rog ya heart ki bimariyon se grasit logon ko bhi Mayurasan nahi karna chahiye.

Alasar aur harniya rog se pidit logon ko bhi Mayurasan karne se bachna chahiye.

Jarur Janiye Yogasan – Prakar and Fayde.

Mr Hindi Indian Youtube Channel