Matar Ki Kheti Kaise Kare – Jankari Hindi Me मटर की खेती कैसे करे


matar ki kheti kaise kare

matar ki kheti kaise kare

Matar Ki Kheti Kaise Kare – मटर की खेती

Matar ek thande mausam ki sabzi hai jo bharat mein December se February ke beech aati hai. Is liye matar ki kheti ek vishesh mausam tak hi simit hai. Matar ke baare mein ek aur zaroori baat yeh bhi hai ki matar ki fasal tayyar hone ke baad matar faliyon mein bahut samay tak taza nahin rahta. Is liye matar tab hi ugayen jab apko pata ho ki matar banne ke baad aap us matar ka upyog puri tarah se kar lenge. Aayiye jaane ki matar ki kheti kaise kare.

Matar ki kheti ke liye jagah aur samay ka chayan

Matar ki kheti mein matar ko pure din surya ki roshni chahiye isliye matar ko aise zameen par hi boyen jahan kisi cheez ki chhanw ke karan surya ki roshni nahin rukti ho. Arthat Kam se kam 6 ghante surya ki roshni to behad zaroori hai. Matar ko rabi fasal mana jata hai. Maidani ilakon mein matar ko bone ka samay october ka antim saptah ya november ka pratham saptah hai.

Kaisa mausam ho aur beej kitna len?

Matar bone ke liye mausam ka nami yukta aur thanda hona bahut zaroori hai. Matar ki kheti ke liye upyukt samay 10 degree celcius se 30 degree celcius tak ho sakta hai. Agar 30 degree celcius se zyada tapman par matar bote hain to matar ki upaj utni acchi nahin hoti hai. Yadi matar ki fasal badhne ke samay kuch baarish ho jaaye to yeh matar ki fasal ke liye bahut accha hota hai. Matar ka accha beej len aur beej ki matra 2 se 3 kg matar prati 10 hajar varg feet zameen ke anupaat mein ho.

Matar ki kheti mein kaisi ho miiti?

Matar ki kheti ke liye mitti ka acchi tarah se khuda hona zaroori hai. Miiti na to bahut amliya ho aur na hi shariya yani mitti ka pH maan 6 se 8 ke beech hona chahiye. Iske saath hi mitti mein kuch khaad milayen jisse mitti mein poshan ki matra badh jaaye. Jitna zyada matar ko poshan milega uski upaj utani acchi hogi.

Matar ko bone ka tarika

Matar ko bone se pehle usey ek raat pehle pani mein bigha den. Issay matar aur acchi tarh ankurit hote hain. Matar ko geele kapde mein bhi bandh sakte hain. Aisa karne se ek ya do din mein matar ankurit ho jaate hain.

Zameen ko tayyar karen

Jis zameen par matar bona hai usay thoda thoda khoden. Zameen ko is prakar khoden ki 6 inch tak dheelee mitti ho. Aisa karne ke peeche yahi uddayesha hai ki zameen atyadhik sakth nahin honi chahiye kyonki sakth zameen mein matar acchi tarah nahin upaj paate hain.

Bone ke samay ko pehchane

Ab pani mein bheege ya geele kapde se bandhe matar ke daano ko dekhen. Yadi unmein se aadhe se zyada ankurit ho chuke hain to yeh matar ko bone ka upyukt samay hai. Matar ko bone se peehle mitti mein lakdi dalkar dekhen aur jab usmen ek se sava ek inch tak hi lakdi aasani se dhansti ho to usmay ankurit matar ke beej daalen.

Matar ki sinchai kaisse karen?

Matar ko bonye ke baad uski sinchai ka bhi bahut dhyan rakha jaata hai. Har 3 se 4 din mein matar ke paudhon ki sinchai karen. Agar baarish ka mausam hai to sinchai 8 se 10 din ke antar se kar sakte hain.  Matar ki fasal mein fool aane ke liye sinchai bahut zaroori hai. Yadi mitti mein pani jam raha hai to jame huye pani ko kisi bhi tarah mitti se bahar nikal le.

Matar ki fasal ko sahara den

Matar ki fasal 8 saptah mein lalaha uthegi. Jab Matar ke paudhe bade ho jaayen to unhe patle baans ka sahara dekar tikayen jisse wo kamjor tane ke karan gir na jaayen.

Matar ki fasal tayyar hai

Matar ki fasal tayyar hone par uski faliyon ka rang gehre hare se halka hara ho jaata hai.  Yeh samay matar ko baone ke 60 se 70 dinon ke baad aata hai. Ab aap kisi acchi surya ki roshni waale din matar ki faliyon ko tod sakte hain.

Kheti Se Jada Paise Kaise Kamane Ke Tips and Types.

Mr Hindi Indian Youtube Channel