Man Shant Kaise Kare – Man Kabu Me Kaise Kare – मन शांत कैसे करे


Man Kabu Me Kaise Kare - Man Shant Kaise Kare

Man Kabu Me Kaise Kare – Man Shant Kaise Kare

Man Shant Kaise Kare – मन को काबू में कैसे करे

Man shant kaise kare? Ye aaj ki duniya me sabse bada sawal he. Waise to iska javab khud apne paas hi hota he, kyon ki har ek ki zindagi me har ek ki alag alag samasyaye (problems) hoti he jo sirf use khud kohi pata hota he. To agar hum un samasyaon par jit hasil kar le to bas ho gaya man shant par rozmarra ki zindagi me hum ise najarandaz kar dete he. Chaliye aaj apni sabhi samasyaon par jit hasil karte he.

Khud ko pyar kare

Sabse pahli baat, khud par pyar karna sikhiye, kyon ki jab tak aap khud ko nahi chahenge tab tak na to aap ko dusre achche lagenge aur na to dusron ko aap. Hum Hamesha yahi sochte rahte he ki kya me achcha hun? To iska saral sa jawab he ki agar aap achche kam kar rahe ho to aap achche he.

Nakaratmak na soche

Hum kuch bhi karne se pahle yeh soche he ki ye muzse hoga ki nahi? Toh iska bhi saral sa jawab he ki agar aap aapki khud ki marzi se sahi kar rahe ho to wo aaj nahi to kal ho hi jayega. Hamesha apne aap ko ye batate rahna ki ye muzse nahi hoga, isse hamara dimag nakaratmak sochne lagta he aur nakaratmak soch hi hamari aadat ho jati he. Toh kabhi nakaratmak na soche, isse aap kabhibhi shant nahi rah payenge.

Patal (Diaphragm) se saans le

Agar aap thake hue aur chintit he to apki saans jor se chalti he, dil ki dhadkan badhti he, saans ruk ruk ke aa rahi ho, aise waqt aaram se baith jaye aur shanti se saans le. Isi tarah thodi der tak dhire dhire saans andar bahar kare aapko achcha mahsoos hoga. Hamesh kaam karti hue sharir (maans peshi) ko aaram ki jarurat hoti he, isliye jab ghar pe ho tak dhile kapde pahne aur upar kahe anusaar dhire se saans lete hue baithe.

Dusri aur aakarshit ho

Kaibaar, aapko bahot si baate naraz karti he jinhe aapko todne ka man karta he. Aise baaton par dhyan magna hone se achcha he ki aap unse dur ho jaye. Waise kai baate aise hoti he jinse aap dur nahi bhaag sakte aur waise bhi dur bhagna puri tarah se apko shant nahi kar sakta par kuch der ke liye shant jarur rakh sakta he aur apko kuch achchi aur sakaratmak baaton par dhyan lagane ka waqt mil sakta he.

Manpasand gaane sune

Music har ek halat me bahot hi asardar he ki aap kis tarah se sochte he. Agar aapko bahot hi kathnai ho rahi ho shant rahne me to shant music sune, achcha mahsus hoga. Bahot jor se chalne wale ya phir ruksha (harsh) wale gane na sune, ye aapke tanav ko aur badha denge! Isliye shant rahne ke liye shant gane ya music sune.

Nind puri kare

Jab aap puri nind nahi le rahe ho aur apki nind ka chakra bhang ho gaya to aap pure din soya soya sa mahsus karte he, aur koi bhi kaam karne me man nahi lagta. Puri neend lene se aapki sochne ki kshamata badhti he, dimag shant mahsus karta he aur apne aap ko har bar neend se jagne ke baad ek nayi shuruaat karne ka jajba deta he. subah jaldi uthne ke liye raat me jaldi soye.

Apne chahane walon ke saath waqt bitaye

Adhdyayan (studies) se ye pata chala he ki, pakke samajik (social) dost, parivar aur chahne valon ke saath waqt bithane se hamari sochne ki kshamata achchi rahti he. Aur wo sahi bhi he kyon ki koi bhi agar apne chahne walon ke saath waqt bitayega to achcha hi mahsus karega.

Isse aapki mahsus karne ki kshamata ko bhi badhava milta he, saath hi saath aapka khud par ka vishwas bhi badhta he.

Sharab, gutkha, sigarret band kare

Sharab pine waalon ka ye manana he ki sharab pine se tension dur hota he. Unse bas ek hi sawal kare ki, aap raat ko sharab pikar soye aur subah uthe to kya apki sari samasyaye dur ho jati he? Unki samasyaye dur ho na ho par badh jarur jati he. Kyon ki sharab aur gutkha khakar jo khud hi khud ke sharir ko kharab kar raha ho ya aap kah sakte he maut ki aur le ja raha ho uski samasya dur hogi ya phir badhegi. Aise log zindagi me kabhibhi shant nahi ho sakte jab tak who khud ki zindagi se khelna band nahi karte aur sigarret ki dhue ki tarah use barbad karna band nahi karte tab tak. Isliye nashakhri karna band kar de.

Khush rahe

Khush rahne se bahot fayde he. Isse aap kisi bhi kam par apna lakshya kendrit kar sakte he. Aur agar koi kam ho jae to shant mahsus karte he. Adhdyayan (studies) se ye pata chala he ki khush rahne se apko shant rahne me hi nahi bulki apki vichardhara ko niyantrit karne ki bhi shakti he. Aapka kisi ko jawab deneka tarika achcha hota he saath dard sahne ki kshamata ko badhata he. Khush rahne aap apne vicharon se pare hote he aur waqt ko anubhavna shuru karte he na ki use tolna.

Thakan aur tanav ko bhule

Sahi he ki aap apni puri thakan aur samasyaon ko ekdam se bhula nahi sakte. Thakan aur unaakarshak (unpleasant) baate to insaan ki jindagi ka ek chotasa hissa he. Aap unhe ekdam se dur nahi kar sakte par ek ek karke to kar sakte ho, bas aap me kuch badlav lane honge. Agar aap ek samasya dur karte ho to apko dusri samasyaye sulzane me himmat aur takad bhi milti he saath hi aapka khud per vishwas badhta he ki kisi na kisi tarike se ab aap is samasya ko bhi sulza hi lenge.

Apni samarthyata (strengths) pahachane aur badhaye

Aapko shant rahne me bahot pareshani hongi agar aapko apni samarthyata ka pata na ho. Thoda samay lijiye aur khud ko janchiye, parkhiye aur phir pata lagaye ki aisi kon si chiz he jo apme khas he aur use aap kis had tak kar sakte ho. Agar apne wo pahachani aur aapne apni man ki sunkar use karna shuru kiya to aap naki achcha balki jindagibhar shant mahsus karenge.

Yoga kare

Yoga shant rakhane me bahot prabhavi he. Agar aapko yoga karna aata ho to roz kare aur na ata ho sikh le. Agar aapne roz yoga kiye to na ki aap shant mahsus karenge balki aap andar se bhi achcha aur tandurust mahsus karenge, jisse aapka kam karne bhi man lagega. Yoga ke baare me janne ke liye yaha click kare. Yoga karne ke Kuchh Fayde.

Manan/ Dyan Kare (Meditation)

Koi bhi shant jagah dekhe jaha aapko koi bhi pareshan na kar sake. Jaha na TV nahi computer ho. Koshish kare ki aap kam se kam 20 minute tak dyan laga sake. Aankhe band kare aur gahari saans le. Yahi karte rahe jab tak aap manan (Meditation) kar rahe ho.

Meditation sikhne ke liye yaha click kare – Meditation Kaise Karte He.

Niche kuch aur tarike diye he jinse aapko shant rahne me aur aasani hongi.

  • Jalan ki bhawna na rakhe, usse dur rahe.
  • Hamesha wahi kam kare jo apko pasand hai aur jisme aapki chahat he.
  • Agar koi kaam shuru kiya he to use khatm kar le.
  • Aisa koi bhi kam na kare jisse aapko pachtana pade. Wo kam kabhi na kare jo aapko pasand na ho. Kyon ki na to aap wo kam karke khush rah payenge or nahi use karke tasallibhara mahsus kar payenge.
  • Koi bhi khel kheliye. Khel khelne se dimag ko khushi aur aaram milta he.
  • kisi ke kaam main tab tak dakhal na de Jab tak aapse puchha na jaye.
  • Jo baate aapko taklif de rahi ho aur unhe aap chahkar bhi kuch nahi kar sakte unhe bhul jaye.
  • Agar parivar ya dosto me kisi ne apko taklif di ho aur aap wahi sochkar baar baar pareshan ho rahe ho to unhe maaf kar de. Bhalehi aap unse baat na kare par aapka dard to kam hoga aur shant mahsus karenge.
  • Pahchan paane ki chahat ya lalsa na rakhe.
  • Utna hi kaam karo jitna kar sakte ho.
  • Ho sake to kisi garib ki jarasi madat karke dekhiye.

Thakavat Kaise Dur Kare – Aasan Tips.

Tags: , ,
Easy Life Tricks
Sponsored Channel
Mr Hindi Indian Youtube Channel