Logon Ka Dil Kaise Jeete – लोगों का दिल कैसे जीते Tips aur Tarike


Apne logo ko impress kaise kare

Logon Ka Dil Kaise Jeete

Logon Ka Dil Kaise Jeete – लोगों का दिल कैसे जीते

Kuchh logo main yeh khubi hoti hain jo badi asani se logon ka dil jeet lete hain. Ek baar agar hum kisika dil jeet lete hain toh uske sath zindagi bhar ke liye ek anokha rishta ban jata hain jo kabhi bhi nahi tut sakta hain. Hume humesha yahi koshish karni chahiye ki hum apne aas pas ke logon ka dil kaise jeete. Har insan chahta hain ki usse jada se jada log pyar kare lekin hume pyar toh tabhi milega na jab hum pyar denge. Jab hum kisike dil main utar jate hain yane ki kisika man jeet lete hain toh hum us insan ke liye sab kuch ban jate hain and tab woh insan humare liye kuch bhi karne se piche nahi hatata.

Ek ache riste ki shuruat karne se pahle us insan ka man jeetna bahut zaruri hota hain. Lekin kabhi kabhi humare samne aisi situation aa jati hain ki hum kisiko apna banana toh chahte hain, kisika man jeetna toh chahte hain magar hume yeh malum hi nahi hota ki hum us insan ka dil jeetkar usse apna banaye kaise. Aap logo ki isi problem ko solve karne ke liye hum aaj kuchh aise tricks lekar aye hain jise acchi tarah se padhne ke baad aap logo ko samajh main aa jayega ki hum kaise kisika man jit sakte hain. Toh bina time waste kiye aiye jan lete hain ki hum kin kin tariko ko apnakar logon ka dil kaise jeete.

Honesty

Honesty ek aise cheez hain jisse hum kisiko bhi prabhavit kar sakte hain. Agar koi insaan aapse bahut jada gussa hain ya aapse bahut jada nafrat karta hain toh honesty hi aapka sahi hathiyar hain. Agar aap honesty ke sath us insan ko manayenge ya uss insaan ka dil jeetne ki koshish karenge toh kabhi na kabhi uss insan ko aapki sacchayi zarur nazar ayegi aur nishchit hi aap usko impresse kar payenge and uska man jeetne main bhi kamyab ho payenge.

Unki bhavnayo ko samjhe

Har insan yeh chahta hain ki koi aisa insan ho jo unki bhavnavo ko samjhe. Aap jis logon ka dil jeetna chahte hain uss insan ki bhavnavo ko samajhne ki koshish kare. Jeetna jada aap uss insan ki bhavnavo ko samjhenge utna hi uss insan ke dil ke karib pahunchte jayenge. Jeetna jada aap uss insan ke dil ke karib pahunchte jayenge utna zaldi hi uss insan ka dil jeetne main kamyab honge.

Us insan ke gusse ko ignore kare

Aap jin logon ka man jeetna chahte hain, jahir si baat hain aapse woh insan gussa ya naraz hain. Toh agar woh insan aap se naraz hain toh zarur woh insan aap par gussa karega ya aapse rudely baat karega. Aapko uss insan ki baato ko bas ignore karna hain kyuki agar aap hi uss insan ki baato ka bura maan jayenge toh aap uss insaan ko manane ki aur uss insan ka dil jeetne ki koshish hi nahi kar payenge fir uss insan ko manana dur ki baar hain.

Jada se jada samay bitaye

Aap jis insan ka dil jeetna chahte hain, zaruri hain ki aap uss insan ke sath jada se jada samay bitaye. Aap jeetna jada samay uss insan ke sath bitayenge utna hi uss insan ko jan payenge. Jab aap uss insan ko puri tarah se jan lenge toh aap yeh bhi jan jayenge ki uss insan ka man jeetne ke liye aapko actually karna kya hain. Jab aap yeh jan lenge ki uss insan ka dil jeetne ke liye aapko kya karna hain fir aap asani se uss insan ka jit sakte hain.

Uski favorite cheeze kare

Aap agar kisi insan ka dil jeetna chahte hain toh uske samne woh sab cheeze kare jo uss insan ko pasand ho. Agar aapko pasand na bhi ho aur uss insan ko pasand ho toh aap uss kaam ko kare. Ayesa karne se uss insan ke man main aapke prati lagav thoda badhega. Kuchh din jab aap uss insan ke hisab se kaam karenge toh uske man main aapke liye jo krodh aur nafrat hain woh dheere dheere karke nikal jayega aur ek waqt ayesa ayega jab aap uss insan ka dil jeetne main kamyab ho jayenge.

Aaj ke is lekh ke jadiye humne aap logo ko dil main kaise enter karte hain uske bare main bataya hain. Agar aap log is lekh ko padhkar thoda sa bhi labhvan honge toh main samjhungi ki meri aaj ki yeh mehnat safal rahi. Toh samay mat gawaiye aur apne aas pas ke logo ka apne ristedaro ka dil jeetkar unhe bhi apnepan ki dori se bandhe rakhiye aur aap bhi khush rahiye.

Kya aap samman chahte hai ? – Apni Respect Kaise Banaye.

Tags:
Mr Hindi Indian Youtube Channel