Lauki Ki Kheti Kaise Kare – Jankari Hindi Me लौकी की खेती कैसे करे


Lauki Ki Kheti Kaise Kare

Lauki Ki Kheti Kaise Kare

Lauki Ki Kheti Kaise Kare – लौकी की खेती

Lauki ek paushtik aur swastha vardhak sabzi hai jo bahrat mein Lauki, Doodhi aur Ghiya ke naam se jaani jaati hai. Yeh khet mein ya gamlon mein aasani se ugane wali sabzi hai. Aayie jaane ki Lauki Ki Kheti Kaise Kare.

Lauki ko ugane ki jagah chune

Aap lauki ko khet mein ya gamle mein uga sakte hain. Yadi aap lauki ko gamle mein ugana chahte hai to aisa gamla lijiye jo upar se acchi tarah se khula ho aur lauki ki bail ko chadhane ke liye aas paas koi sahara ho. Yadi aap isay ghar ki kachhi chhat par uag rahe hai to wahan bhi unchi deewar hona chahiye jiske sahare lauki ki bail chadh jaaye. Khet mein lauki ki kheti ke liye uski bail ko sahara dene ki liye paidon yo baanson ki zaroorat padegi.

Lauki ke beej ka chunav

Lauki ke beej kisi acchi beej ki dukaan se len. Acchi prajati ki lauki ke beej len. Iskay alawa kisi acchi lambai lauki ko sukhakar bhi uskay beej liye ja sakte hain.

Lauki ke beej ko bone ka samay aur tarika

Lauki ek garmi mein aanewali sabzi hai. Lauki ke beej ko khet ya gamle mein bone ke liye sabse pehle acchi tarah mitti khod len. Ab aadhe inch ki gehrai par Lauki ke beej bona shuru karen. Dhyan rakhen ki lauki ka pratyek beej ek doosre se kuch doori par ho jisse Lauki ki bail ki jadon ko failne ke liye jagah mil sake. Miiti mein nami bani rahe. Lauki ke beejon ko mitti mein bone se pehle unhe raat bhar paani mein bhigo kar ya geele kapde se baandh kar rakh sakte hain jisse ki woh jaldi ankurit ho jaayen.  Lagbhag 10 dino baad beej ankurit ho jaayenge aur mitti se bahar paudhe niklenge. In paudhon ko 2-3 patti aane tak badhne den uskay baad kamjor paudhon ko hata den jisse swasth paudhon ki jadon ko failne ke liye jagah mil sake.

Sinchai karte rahen

Lauki ke paudhon ki niyamit sinchai karte rahen. Lauki ke paudhe jaise jaise badhenge unhay zyada pani ki zaroorat hogi. Lekin is baat ka dhyan rakhen ki lauki ke paudhon mein pani nahi jam payye varna jaden gal sakti hain. Iskay saath hi lauki ki bailon ko kisi sahra par chadha den.

Lauki ki bail ki katai karen

Jab Lauki ki bail 6 se 8 foot lambi ho jaye to usay upar se thoda sa kaat den. Aisa karne se usmay se aur adhik shakhayen niklaengi aur unmay jaldi hi zyada fool lagenge jisse zyada lauki aa sakengi. Iskay ssath hi mitti par thodi si khaad har teesre saptah mein chidakte rahen. Lauki ko ugane ke liye mitti mein paushtik tatwon ka hona bahut zaroori hai. Isliye usmay aise kahd dalen jismen phophorus, potaasium aur nitrogen ki acchi matra ho. Lauki ke pratyek paudhe ke liye 20 gram khaad ke hisab se khaad dalen.

Lauki ke fool

Lauki ke beej ke bone ke 45 dinon ke baad uski bailon mein safed rang ke fool aayenge. Inmay se kuch fool nar aur kuch fool maada honge. In ki pehchan aise hoti hai ki nar fool lambe hote hain jabki maada fool chote hote hain. Mada foolon mein hi andashay hota hai aur us say hi lauki nikalti hai.

Paragan ki prakriya karen

Kabhi kabhi lauki ke foolon se lauki nahi banti hai aur lauki ke maada fool gir jaate hain. Iska karan yeh hai ki unmein paragan nahin ho pata hai. Isliye haath se paragan ki vidhi apnayen. Ek bahut mulayam brush le len. Is brush ko pehle nar foolon ke parg par halke haath se pheren aur uskay baad usay maada foolon par halke haath se pherayen. Isay paragarn ho jaayega aur Maada foolon mein lauki aayegi. Paragarn ki prakriya prakritik vidhi se makhiyyon ke nar aur maada foolon par baithne se hoti hai. Isliye makhiyyon ko akarshit karne ke liye bail ki pattiyon par mitha pani bhi dal skte hain.

Lauki ki fasal tayyar hai

Aab dheere dheere lauki ki fasal tayyar hogi. Lauki aane ke baad sinchai karen. Aisa karne se lauki jaldi hi badhti jaati hai.

Anar Ki Kheti Ki details In Hindi.

Mr Hindi Indian Youtube Channel