Kitanu Se Kaise Bache | Germs Dur Rakhne Ke Tarike Hindi Me


Kitanu Se Kaise Bache - Germs Dur Rakhne Ke Tarike Hindi Me
Kitanu Se Kaise Bache – Germs Dur Rakhe

Kitanu Se Kaise Bache

Aaj ka humara title hain kitanu se kaise bache sath hi germs dur rakhne ke tarike. Aap logo se humari bas yahi request hain ki aap log iss post ko acchi tarah se read kariye aur inn tips ko follow kariye taki aap log aur aapka parivaar germs se mukt rah sake.

Kitanu Se Kaise Bache – Aasan tarike

Khana khane se pahle humesha sabun se hath dhoye

Agar aap log kitanu se bachna chahte hain toh aap log jab bhi khana khane jaye toh usse pahle apne hatho ko sabun se acchi tarah se zarur dho le. Hum din bhar bahut se kaam karte hain aur apne issi hatho se bahut kuchh chhute hain. Toh agar hum khana khane se pahle apne hatho ko na dhoye aur gande hatho se khana kha le toh humare hatho ki sari gandagi khane ke sath hi humare pet main chali jati hain. Yeh kitanu hi humare sharir main hone wale bahut si bimario ka karan hote hain. Kitanuo se hi hume pet dard, gale ka dard, khansi, jukam jaisi bimaria hone ka khatra rahta hain. Aur baccho ko yeh kitanu bahut zaldi affect karte hain, isiliye aap log apne baccho ko kabhi bhi bina hath dhoye khana khane na de.

Har ek cheez jab hum chhute hain toh uss main ka kitanu humare hatho main aa jata hain aur tab tak woh germs humare hatho main laga rahta hain jab tak hum apne hatho ko acchi tarah se wash na kar le. Isiliye aap log chahe jaise bhi situation main ho lekin khana khane se pahle apne hatho ko acchi tarah se sabun se wash karna kabhi bhi na bhule.

Roj nahaye aur fresh rahe

Jaisa ki hum sab yeh baat jante hain ki kitanu aksar gandagi main hi failte hain, toh aap logo ko kitanuo ko failne ka mauka hi nahi dena hain. Aap logo main se bahut se ayese honge jo roj nahana pasand nahi karte hain aur woh roj nahi nahate hain. Lekin roj nahana humare iss bahut hi zaruri hain dosto. Jab hum log nahate hain tab humare sharir main jitni bhi gandagi jami hoti hain aur unke sath jitne bhi germs hote hain woh bahar nikal jate hain aur humara sharir ekdam saaf aur fresh ho jata hain. Lekin agar hum roj nahi nahayenge toh humare body main jitni bhi gandagi jami hain woh humare sharir main hi rah jayegi aur gandagi ke sath sath germs bhi humare body main hi rah jata hain.

Toh iss tarah se regular na nahana humare body main germs ko jagah dene jaisa kaam hain. Aur yeh baat toh aap logo ko batane ki zarurat nahi hain ki germs humare body ko kis tarike se nuksan pahucha sakta hain. Isiliye hum aap logo ko yahi salah denge ki aap log regular nahaye aur germs ko apne sharir se dur rakhe.

Kapdo ko saaf rakhe

Hume apne kapdo ko bhi humesha saaf rakhna chahiye. Woh kahte hain na dosto ki agar tumhare paas nahi hain toh tum fate hue kapde pahno, fir bhi tumhe koi kuchh nahi kahega lekin tum gande kapde kabhi bhi mat pahno. Kapdo ko saaf rakhna sirf logo ko dikhane ke liye zaruri nahi hain balki kapde ko saaf rakhna har kshetra main humare liye bahut zaruri hain. Ussi tarah se kitanuo se bachne ke liye bhi humare kapdo ko saaf rakhna bahut hi zaruri hota hain. Sayad yeh baat sunne main thodi ajib lage lekin yeh sanch hain ki kapdo main bhi kitanu hote hain aur kapdo ke chhipe kitanu bhi hume affect kar kar sakte hain.

Isiliye aap log iss baat ko bilkul bhi ignore na kare aur apne kapdo ko humesha saaf rakhe. Aur kapdo ko saaf karne ke baad aap log unn dhule hue kapdo ko gande kapdo ke sath bilkul bhi na rakhe warna aapki sari mehnat bekar ho jayegi. Aap log apne kapdo ko rakhne ke liye do jagah set kar sakte hain. Unn main se ek jagah par sirf aap log dhule hue kapdo ko rakhe aur dusre jagah par aap log gande kapdo ko rakhe. Aap log kisi bhi kapde ko jada din tak ganda na rakhe aur thoda sa ganda hone par hi aap log apne kapdo ko saaf kar le.

Khane ke bartano ko saaf rakhe

Dosto! Kya aap logo ko yeh malum hain ki khane pine wale bartano ke madhyam se bhi kitanu humko affect karte hain. Ji ha dosto, yahi sanch hain. Agar humare khane pine wale bartan gande rahe toh unn bartano main bhi kitanu panapte hain aur fir jab hum uss bartan main khana khane hain toh uss bartan main chhipe sare kitanu humare pet main chale jate hain. Isiliye kabhi bhi aap log apne khane pine ke bartano ko kabhi bhi ganda na rakhe aap log apne bartano ko saaf karne ke liye kisi acche dishwasher ka istemaal kar sakte hain aur saaf bartano ko bhi agar ho sake toh khana khane se pahle ek baar sirf pani se dho le.

Baccho ke khane ke wale bartano ko aap logo ko aur bhi saaf rakhne ki zarurat hain. Baccho ko jab bhi aap log khana khilaye toh usse pahle bartano ko acchi tarah se saaf kar le. Aur aapke ghar main koi bimar insan hain toh uss insan ke khaye hue bartano ko aur bhi acchi tarah se saaf kare aur jab tak uss insan ki bimari acchi tarah se thik na ho jaye tab tak uss insan ko khana parosne se pahle bartano ki saaf safayi ka khas taur par dhyan rakhe.

Apne ghar ke aas pas saaf safayi banaye rakhe

Aap log apne ghar ke sath sath ghar ke aas pas bhi saaf safayi banaye rakhe taki kitanuo ko panapne ka mauka na mile. Agar aapke ghar main koi chhota baby hain toh uske saaf safayi ka bhi dhyan rakhe. Agar aapka baby ekdam chhota hain toh aapko aur bhi jada dhyan rakhne ki zarurat hain. Aap apne bacche ke shauch peshab karne ke baad usko turant saaf kar de aur baby ko bhi acchi tarah se saaf kar de.

Toh dosto, is tarah aap jaan hi chuke he ki kitanu se kaise bache and germs dur rakhne ke tarike. ab bas aap log inn tricks ko acchi tarah se follow kariye aur apne parivaar walo ke sath sath apne aapko bhi kitanuo se mukt rakhiye.

Ghar Ki Saaf Safai Kaise Kare?

What's Your Reaction?

Love It Love It
0
Love It
Like It Like It
0
Like It

Kitanu Se Kaise Bache | Germs Dur Rakhne Ke Tarike Hindi Me

log in

reset password

Back to
log in