Free Recharge App

Khud Se Pyar Kaise Kare | Happy and Romantic Rahne Ke Tarike


  • Free Recharge on Mobile - Download Now
Free Mobile Recharge Kaise Kare
Khud Se Pyar Kaise Kare | Happy and Romantic Rahne Ke Tarike
Khud Se Pyar Kaise Kare

Khud Se Pyar Kaise Kare

Hello friends! Kaise ho aap log? Sab kuchh thik thak toh chal raha hain na. Toh chaliye ab hum aajke title ki or badhte hain aur jan lete hain ki aajke iss post ka topic kya hain. Dosto, aajke iss lekh ka title hain khud se pyar kaise kare. Toh ab aap logo se jada baate nahi karenge aur yahi kahenge ki aap log iss lekh ko zara dhyan se padhiye.

Khud Se Pyar Kaise Kare – tips

Apne liye bhi thoda waqt nikale

Hum sab ki life main bahut se kaam hote hain jiske wajah se hum apni life main aksar vyast hi rahte hain. Hum zindagi bhar koi na cheez ke pichhe bhagte rahte hain aur kisi na kisi cheez ya laksya ko hasil karne ke liye hum lagatar parishram karte rahte hain. Lekin inn bhag daur ke bich hum apne aapko hi bhul jate hain aur apni pareshaanio main itna jada ulajh jate hain ki hum apne aapko kahi kho sa dete hain. Lekin ab sawal yeh hain ki kya ayesa karna, ayese jina sahi hain. Kya iss tarah se jine main zindagi ka maza hain. Ji nahi dosto, ayese jikar zindagi ka koi maza nahi hain.

Apne andar ki khubiyo ko pahchane aur khud se pyar kare

Agar aap khud se pyar karna chahte hain toh sabse pahle aap apne andar ki khubiyo ko pahchane. Jab aap apne andar ki khubiyo ke bare main puri tarah se avgat ho jayenge tab aap unn sabko sonch kar khud se pyar kar sakenge. Aksar kya hota hain ki humare andar khubiya toh bahut hoti hain lekin hume unn khubiyo ke bare main pata hi nahi hota. Aur ayese main agar koi bhi insan humare bare main thoda bhi kuchh bol de toh hume lagne lagta hain ki sayad ussi ki baat sanch hain aur woh jaisa humko bol raha hain sayad hum real main wese hi hain.

Lekin yeh bilkul bhi sahi nahi hain dosto. Agar koi humare bare main samalochna (criticize) kar raha hain toh iska yeh natl bilkul bhi nahi hain ki hum wese hi hain. Toh logo ki baato se khud ko bura samajhne se toh kai jada better hoga ki hum khud ko jane aur ek baar hum khud ko jan le fir koi bhi humare bare main kuchh bhi bole, hume koi fark nahi padega.

Khud ko dusro se kabhi bhi chhota na samjhe

Bahut se log ayese hote hain jo hume khud ko dusro se chhota ya kam samajhte hain jo ki bilkul bhi sahi nahi hain. Yaar, hum sabke andar koi na koi khubi chhipi hoti hain aur bas zarurat hain ki hum uss khubi ko pahchane aur uska sahi tarike se use kare. Ho sakta hain ki aap jis insan se khud ko chhota samajh rahe hain woh insan woh kaam nahi kar sakta jo kaam aap easily kar lete ho. Kuchh logo ko lagta hain woh khubsurat nahi hain toh kuchh logo ko lagta hain ki woh intelligent nahi hain, lekin sanch toh yeh hain ki inn sab cheezo ka koi mol nahi hain, agar mol hain toh humari sonch ka aur humare character ka.

Agar aap Khud Se Pyar Kaise Kare janana chahte he and agar hum badsururat rahkar hi koi ayesa kaam kare jo khubsurt se khubsurat log nahi kar sakte toh unki khubsurti ka humare samne koi aukad nahi hain aur yeh tabhi sambhav hain jab humare andar confident ho. Iske liye hume khud se pyar karna bahut hi zaruri hain. Jo log apne aapko dusro se tulna karte hain ya dusro se khud ko kam samajhte hain woh log khud apne dushman hain. Ayese log na toh kabhi khush rah sakte hain aur na hi kabhi confident hokar kuchh kar sakte hain kyuki unki zindagi aur unka waqt toh yahi sonche sonchte nikal jata hain ki unka kisike samne koi aukad nahi hain aur sabse hin hain.

Isiliye hum aap logo ko yahi kahenge ki kabhi bhi ayisi dharna na rakhe aur confident ke sath apna kaam karte rahe aur khud se pyar kare kyuki jab tak aap khud se pyar nahi karoge tab tak aap kisi aur se pyar kar hi nahi sakte.

Dusro ki mazburio ko samjhe

Dosto! Kuchh log ayese bhi hote hain jo agar kisise kuchh karne ko bolte hain (For example – agar aapne kisiko propose kiya aur usne mana kar diya) aur samne wala usko kisi reason ke wajah se mana kar deta hain toh woh samajhne lagte hain ki sayad samne wala unko apne layak nahi samajhta isiliye usne ayesa kiya. Aur yahi sonch unko khushi se nahi rahne deti unke andar hin bhavna le aati hain. Lekin yeh sonch bilkul galat hain, ho sakta hain ki uski aur koi problem ho aur sabse badi baat toh yeh hain ki kaun aapko apne layak samajhta hain aur kaun nahi iss baat ka asar humari zindagi par nahi padna chahiye. Kyuki agar hum 10 insan ko dekhkar unn 10 insan ke layak banne ki koshish karenge toh hum kisi layak nahi ban sakte kyuki unn 10 insan ki sonch aur samajh alag alag hain. Isiliye hume khud ke layak banne ki zarurat hain aur yeh dekhne ki zarurat hain ki hum koi galat kaam na kare.

  • Free Recharge on Mobile - Download Now
Free Mobile Recharge Kaise Kare

 

Apne aas pas ke logo ko respect kare aur unki wishes ka khayal rakhe

Agar aap chahte hain ki aap khud se pyar kare toh aapko apne character ko iss tarah se build karna hoga jisse aapko apne aap par garv ho. Kyuki yeh natural hain ki jab bhi hum koi galat kaam karte hain toh hume baad main kabhi na kabhi zarur pachhtawa hota hain aur kabhi kabhi toh situation ayesi ho jati hain ki hum apne aapse hi nafrat karne lagte hain lekin jab hum koi accha kaam karte hain tab hume apne aap par garv hota hain aur khud se humara lagav badhta hain. Isiliye aap log ayesa kaam kabhi bhi na kare jisse aap logo ko kabhi bhi pachhtane ki zarurat pade aur apne aapse aap logo ko nafrat ho.

Toh aap log bhi inn tips ko follow kariye aur apni zindagi ko acchi tarah se ji lijiye. Aasha karti hu ki aap logon ko Khud Se Pyar Kaise Kare sawaal ka jawaab mil chuka hoga.

Ha yeh sanch hain ki zindagi ko jine ke liye aur jivan main kuchh hasil karne ke liye parishram karna bahut hi zaruri hain lekin zindagi ko enjoy karna bhi utna hi zaruri hain. Isiliye aap log apni life main kuchh waqt apne liye bhi nikal le aur uss pal ko aap puri tarah se enjoy kare. Thoda waqt agar aap apne liye nikal lenge aur uss pal ko puri tarah se ji lenge toh aap baki ke waqt main apne kaam ko acchi tarah se kar payenge aur apne mind ko fresh rakh sakenge.

Apni health par dhyan de

Har kisike life main health bahut hi important hota hain. Agar humari health hi acchi nahi rahegi toh hum life ko kisi bhi kimat par acchi tarah se enjoy nahi kar sakte. Isiliye humara healthy hona bahut hi jada zaruri hain. Aur healthy rahne ke liye aap logo ko jada mehnat karne ki bhi koi zarurat nahi hain. Bas aap log apne sharir par thoda sa dhyan dijiye. Aapko apne khane pine ka bhi khas dhyan rakhne ki zarurat hain. Aapko kya khana pasand hain aur kya nahi iss baat ko bhi aapko dhyan rakhna chahiye. Aap chahe jitna bhi busy ho lekin aapko khane ke samay par apna bhojan zarur kar lena chahiye. Agar aapke sharir main koi problem ho toh turant uss problem ko dur kar le.

Aapko agar kabhi ayesa feel ho ki aapko kaam karne ka mann nahi kar raha hain toh aap uss time par jabardasti kaam kabhi bhi na kare kyuki ayesa karne se humare health par kafi affect padta hain. Aap humesha khush rahne ki koshish kare aur agar kabhi bhi zara bhi tanav mehsus ho toh ayese kaam kare jisse aapka tanav khatam ho sake aur aap log khush ho sake. Toh iss tarah se aap log apne health ka khayal rakhe aur khud se pyar kare.

Apni iccha ko ignore na kare

Kabhi kabhi humare mann main kuchh karne ki ya kuchh khane ki iccha hoti hain, toh aap logo ko apni iccha ko kabhi bhi ignore nahi karni chahiye. Hum sab ke andar ek mann hota hain aur uski demand hoti hain. Toh agar hume khush rahna hain toh hume apne uss mann ki iccha ko pura karne ki zarurat hoti hain. Aur agar hum log apne mann ki uss iccha ki respect nahi karte ya uss iccha ko pura nahi karte toh wahi humare dukh ka karan hota hain. Isiliye hume kabhi bhi apne mann ki iccha ko ignore nahi karna chahiye.

Bich bich main kahi ghumne firne ke liye chale jaye

Kabhi kabhi ghum fir lena humare liye bahut hi zaruri hota hain. Bich bich main kahi ghum fir lene se humara mind fresh ho jata hain aur baki karyo main bhi humara dhyan lagta hain. Isiliye aap log bhi bich bich main kahi ghum fir aaye. Aap log apne friend ke sath ya parivaar ke sath ghumne ja sakte hain. Yakin maniye iss tarike se aap logo ko kafi halka feel hoga aur aap logo ki life main jitni bhi tension hain woh sab kuchh palo ke liye bilkul hi khatam ho jayega aur aap logo ko rahat ka ehsaas hoga. Lekin aap ghumne ke liye koi ayesi jagah par jaye jo jagah aap logo ko bahut pasand ho aap logo ko jaha jane se shanti milta ho.

Toh ab tak toh aap log yeh samajh hi chuke honge ki Khud Se Pyar Kaise Kare. Wese toh yeh batane ki zarurat nahi hain ki khud se pyar kaise kiya jata hain kyuki har koi hi khud se pyar karta hain lekin fir bhi aaj humne aap logo ko kuchh ayese tips diye hain jisko follow karke aap log ek happy life ji sakte ho aur khud se pyar jata sakte ho. Toh end main hum aap logo se bas yahi request karenge ki aap log iss lekh main diye gaye tips ko acchi tarah se follow kariye.

Zindagi Kaise Jiye | Success aur Motivation Tips

What's Your Reaction?

Love It Love It
0
Love It
Like It Like It
0
Like It

Khud Se Pyar Kaise Kare | Happy and Romantic Rahne Ke Tarike

log in

reset password

Back to
log in