Kabaddi Kaise Khele | Jankari Hindi Me Tips and Tricks | कबड्डी कैसे खेले

Kabaddi Kaise Khele | Jankari Hindi Me Tips and Tricks

Kabaddi Kaise Khele

Khel kud har kisiko pasand hota hain aur har kisi ko alag alag khel main ruchi hota hain. Sirf pasand ke liye hi nahi balki humare fit aur healthy rahne ke liye bhi khel kud bahut zaruri hota hain. Khel ka koi ginti nahi hain aur har ek khel ka apne apne jagah par alag alag mahatwa hota hain. Hum apne ruchi ke hisaab se koi bhi khel main jud jate hain aur hume ussi khel main bahut zada maza aane lagta hain. Issi tarah kuchh logo ko kabaddi khelne main ruchi hota hain.

Lekin kisi bhi khel ko khelne se pehle hume iss baat ki puri jankari ho jani chahiye ki uss khel ko sahi tarike se kaise khela jata hain. Aaj ke iss lekh main aap logo ko yeh detail main pata chal jayega ki kabaddi khelne ke liye hume kin kin baato ka khas taur par khayal rakhna chahiye. Toh aap logo se humari yahi request hain ki aap log iss lekh ko dhyan se padhiye aur kabaddi khel ke bare main puri tarah se jankari le lijiye.

Kabaddi Kaise Khele – कबड्डी

Kabbadi khelne ke liye aapko sharir se tandarust rehne ki bahoot jaruri hai. Saath me is khel me dimag ka bhi istemaal karna jaruri hai. Aaj hum aapko iske kuch niyam batayenge aur ye kaise khela jaaye ye bhi batayenge. To khel ko jeetne ke liye dhayan se is lekh ko padhe. Chaliye jane Kabaddi Kaise Khele Hindi Me Tips and Tricks.

Kabaddi khel ka itihas

Halaki abhi tak ayese koi gyat akhre nahi hain jaha se iss khel ki suruaat mani jaye aur iska karan yeh hain ki yeh khel bahut purana khel hain aur jan jan ka khel hone ke karan iss khel ka suruaat apramanit hain. Gyat taur par pahli kabaddi pratiyogita 20 vi sadi ke dusre dashak main kheli gayi thi. Maharashtra ke samajik sangathhano ne iss khel ko nayi pahchan dilane main mahatwa purna yogdan diya thha. Asian countries main sabse pahle 2006 main kabaddi khel ko shamil kiya gaya aur alag se maidan vikasit kiya gaya. Sarva pratham kabaddi ke niyam 1921 main banaye gaye, baad main 1923 main iss khel main kuchh badlav kiye gaye aur yeh sangsodhit niyam ke sath akhil bharatiya tournament lagu kiye gaye.

Kabaddi ka maidan

Iss khel ka maidan samatal aur naram hona chahiye taki girne par chot na lage. Kabaddi ki mat mitti aur lakdi ki burade se bana hota hain jo mahila aur purush barga ke liye alag alag naap hote hain. Purusho ke khel ka maidan 121/2metre×10 metre hota hain aur pratyak ek taraf 10 metre×61/4 metre hota hain. Aur mahilao ke khel ke maidan ka akar 11 metre×8 metre hota hain. Maidan ke dono or ek metre chauri patti hoti hain jisko lobi kaha jata hain. Antt rekha ke bahar ki or 4 metre sthan khula chhodna hota hain.

Kabaddi khelne ke niyam/rules

Kabaddi khelne ke 2 alag alag charan hote hain. Pahle ek khiladi dusre dal ke hisse main jata hain aur kabaddi kabaddi bolta hua uss dusre dal ka ek ya ek se adhik pratibhagi ko chhu kar wapas aane ka prayas karta hain.

Kabaddi khiladio ko poshak main nikkar aur baniyan pahanni padti hain aur pairo main jute pahanne padte hain. Sath sath khiladio ke baniyan ke pichhe number likhe hote hain. Khiladio ke hath aur pairo ke nakhun kate hone chahiye sath hi koi pin ya abhushan nahi pahanne chahiye.

  • Pratyek paksh/team me khiladiyon ki sankhya baarah hogi. Ek saath maidan me saat khiladi utrenge.
  • Khel ki time purushon ke liye 20 minute tatha striyon aur junior ke liye 15 minute ki do avadhiyan hongi. In dono avadhiyon ke beech 5 minute ka madhyantar hoga.
  • Pratyek out hone vaale vipakshi ke liye dusre paksh ko ank milega. Lona prapt karne vaale paksh ko do ank milenge.
  • Khel ki smapati par sabse adhik ank prapt karne vaale paksh ko vijayi (winner)ghoshit kiya jaata hai.

Lona

Jab ek team ke sare khiladi out hojaye to virodhi team ko 2 ank adhik mil jate hai. Usko hum lona kehte hai. Pratiyogita nimanlikhit do prakar ke hoti hai.

Knockouts

Isme jo team haar jaati hai vah team pratiyogita se baahar ho jati hai.

Leeg

Isme yadi koi team haar jaati hai vah team baahar nahi hogi. Use apne group ke sare match khelne padte hai. Jo team match jitati hai use do ank diye jaate hai. Match barabar hone par dono team ko ek ek ank diay jayega. Harne vaali team ko zero ank milega. Yadi dono team me match barabar rehta hai aur atirikt samay bhi diya jata hai ya jis team ne khel aarambh hone se pehle ank liya hoga vah vijeta goshit kiya jayega.

Kisi karan vash match na hone ki dasha me match punah khela jayega. Dubara kisi aur din khel jaane vaale match me dusre khiladi badle bhi ja sakte hai. Parantu yadi match usi din khela jaye to usme vahi khiladi khelenge jo pehle khele the.

  • Yadi kisi khiladi ko chot lag jaaye to us paksh ka captain samay aaram pukarega. Parantu samay aaram ki avdhi do minute se adhik nahi hogi tatha chot lagne vaala khiladi badla ja sakta hai. Khel ki dusri paari shuru hone se pehle do khiladi badle ja sakta hai. Khel shuru hone ke samay ek do se ya kam se kam khiladiyon se bhi khel shuru ho sakta hai. Jo khiladi khel shuru hone ke samay upsathit nahi hote vo khel ke douran kisi bhi vakt mil sakte hai. Refri ko suchna karna jaruri hai. Yadi chot gambhir ho to uski jagah dusra khiladi khel sakta hai.
  • Khel ke douran kaptan ya neta ke atrikt koi bhi khiladi anudesh na dega. Kaptan apne ardhvak me hi anudesh de sakta hai.
  • Yadi khiladi kabbadi shabd ka uccharan theek prakar se anhi karta tatha referee dvara ek baar chetavanidiya jaane par vah baar baar aisa karta hai to dusri team ko ek point de diya jaayega parantu vah khiladi bathega nahi.
  • Yadi koi khiladi aakraman karne ja raha hai aur us team ka coach ya adhikari aisa karta hai to referee dusri team ko virudh ek point ank de dega.

Toh dosto! Aap log yeh samajh chuke hain na ki kabaddi khelte waqt hume kya kya baate khas taur par yaad rakhni chahiye. Toh ab hum yeh ummid kar sakte hain ki aap log acchi tarah se kabaddi khel lenge aur iss lekh main diye gaye jankario ke sath apne khel main din pratidin progress lane main safal hote rahenge.

Baseball Khelne Ke Rules and Jankari.

Loading...
Tags:
A project by AnalogFolk © 2017