Interior Designing | Career Kaise Kare | Home Decoration इंटीरियर डिजाइनिंग

Interior Designing | Career Kaise Kare | Home Decoration इंटीरियर डिजाइनिंग

Interior Designing Home Decoration Career Kaise Kare

Aaj ke iss lekh main hum aap logo ko kuchh ayese tips ke bare main batane ja rahe hain jisko agar aap log follow karenge toh aap log ek safal aur accha interior designer ban sakte hain. Toh chaliye bina samay gawaye yeh jan le ki woh tips kya kya hain.

Interior Designing / Home Decoration Tips Decorator

Kya aapko hamesha apne ghar ya daftar ke sajavat ke liye doosron se taarifen milti hain?. Kya aapko apna kamra sajana aur furniture ko tarike se rakhna behad pasand hain?. Agar haan to interior designing me career banana aapke liye sahi rahega. Isse pehle ki aap iss sandarbh mein apna faisla lein, aapko is designing ki duninya ke chunautiyon ke baare mein jaan lena chahiye. Chaliye jane Interior Designing – Career Kaise Kare – Home Decoration, Decorator – Aur Kya Tayari Kare.

Interior designing main career banane ke liye kuchh zaruri tips

Decorators aur designers mein fark hota hain

Interior decorator aur interior designer mein kya fark hota hain?. Agar ek shabd mein kahe to woh hain : padhaii. Interior decorator koi bhi ban sakta hain. Jinhe rangon, kapde ya bunaai ka shauk ho woh apne parichay card chhapvakar tatha apna prachaar karke decorator ban sakte hain. Isme koi buraii nahin hain par shakshik gyan hona bhi aavashyak hain. Doosri or, interior designing maanyata praapt shiksha hain. Is field mein kaam karne ke liye diploma ya snatak upadhi hona zaroori hain.

Uddeshya sirf paisa na ho

Aaap log life main chahe jo bhi kare lekin uss kaam main aap logo ka ruchi hona bahut zada zaruri hain. Thik ussi tarah agar aap log apne life main interior designing ka option chunte ho toh aap log iss kaam ko sirf iss liye mat chuniye ki aapko iss kaam se paisa kamana hain. Iss kaam main aap log kabhi bhi yeh nirdharit mat kariye ki aap ko kitna kamana hain. Humare kahne ka matlab hain agar aap log iss kaam ko tabhi select kariye jab aapko lage ki iss kaam ko karne main aapka ruchi hain aur iss kaam ko karke aap log khush rahenge. Lekin iska matlab yeh bhi nahi hain ki iss kaam main aap logo ki koi kamayi hi nahi hogi.

In really iss kaam main aap logo ki kamayi kitni hogi yeh bivinya baato par nirbhar karta hain. Jaise ki aapne yeh course kaha se kiya hain, aap kis company ya form ke liye kaam kar rahe ho, aapke project ka size kya hain, aap kis jagah par kaam kar rahe ho arthat aapka location kya hain etc. Example ke taur par ghar ko sajane wale furniture aadi ke kshetra main interior designing karne par hone wali aay aur kisi architecture form ke liye interior designing karne par hone wali aay main bahut fark hoga. Lekin aap apne kaam ke scope ko badhakar apne aay ko badha sakte ho.

Interior designing kahaan padhen

Bhaarat mein interior designing itna lokpriya ho chuka hain ki desh ki kai badi aur pramukh shiksha sansthanon mein ise padhaya jata hain tatha snatak ki upaadhi di jaati hain. Kuch pramukh shiksha sansthan hain.

  • Indian Institue of Art & Design, New Delhi.
  • Pearl Academy, Mumbai.
  • Design Institute of India, Bhopal.
  • International Institue of Fashion Design, New Delhi.
  • Inke alava kai sheharon ke polytechnic colleges mein bhi ise padhaya jata hain.

Designing mein aapko kaushal hona chahiye

Interior designer bane ke liye aapke andar rang, sthanik vyavastha, shilp vidya tatha bunaii ke prati svabhavik gun hona aavashyak hain. In vishayon ka gyaan aur inme ruchi aapko ek safal interior designer bana sakta hain. Rangon mein baariki se bhed karne ki aapki chamta aapke clients ko prasanna karegi. Badalte rujhaanon  ke saath clients aap se bhartiya vastu kala ya chinese feng shui ke aadhar par apna ghar ya daftar ko sajane ki iccha zahir kar sakte hain. Iske liye aapko in kalaaon ka gyan hone padega.

Interior designing ka arth keval sajavat nahin hain

Sajavat, rang aur furniture interior designing ke ang zaroor hain par inke alava bhi is field mein aur bahut kuch hain. Interior designers ko designing ke itihaas, imaaraton ki sanrachnatmak akhandata, karmchari paristhiti vigyaan, manovigyaan, computer aided design (CAD) aadi ka gyan hona bhi aavashyak hain kunki interior designers na keval grihaniyon balki builders, sarkari agencies evam bade vyavsaayikon ke liye bhi kaam karte hain. Home Decoration, Decorator.

Aapka vyaktitva bahumukhi hona chahiye

Interior designers ke adhiktar clients tunakmizaaj hote hain. Khaas karke woh clients jinhe apne ghar design karwana hain. Kuch clients ko pata hota hain ki unhe kya pasand hain aur woh adig rehte hain par kuch aise hote hain jo har wakt apne vichaar badalte rehte hain. Aise logon ke saath aapko behad dhairya rakhna padta hain. Ek safal interior designer wohi hota hain jo sabko khush rak sake saath hi client ke man ko padh sake.

Aapka apna ek portfolio hona chahiye

Ek tasveer kai shabd keh jaati hain aur yeh interior designer ke portfolio ke liye bilkul sateek hain. Aap rangon aur sajavat ke baare mein pure din baat kar sakte hain par yadi aapke paas apna portfolio nahin hain to yeh baatein vyarth hain. Is field ki padhaai karne ke baad jab aap naukri karne ke liye nikalte hain to apni shiksha ke saboot ke taur par aapke paas portfolio hona chahiye jisme aapke dwara banaye gaye designs ho jisse ki aapka impression accha pade.

Bade interior designer ke saath prakshishan le

Interior designing ki padhaii kanre ke baad aap ya to is field mein naukri kar sakte hain ya fir apna business kar sakte hain. In donon paristhityon mein hi yeh aavashyak hai ki aap kisi bade aur anubhavi interior degniner ke tehat prakshishan le lein. Isse aapka portfolio aur bio data aur bhi adhik aakarshan paida karega.

Designers ko sthaniya rehan sehan ka gyaan hona chahiye

Agar aap kisi doosre shehar ke client ke liye interior designing ya home decoration kar rahe hain to aapko wahaan ke taur tarike, mausam, sanskriti ka gyaan hona chahiye. Jaise ki Bharat ke bhinn pradeshon mein bhinn shilp kalaaon ka vaas hain jise aap apni designing mein dikha sakte hain.

Khud se jada apne client ke iccha ko mahatwa de

Aap ek interior designer hain toh zahir si baat hain ki aapka anubhav aapke client ke mukable main bahut jada hain, lekin iss ka matlab yeh bilkul bhi nahi hain ki aap apne client ke anusaar kaam karne ke bajay apni marzi aur apna kaam karne ka tarika unn par thopne lage. Iss kshetra main aapko iss tarah se sonchna hoga ki aap toh jaha kaam kar rahe hain waha se kaam karke chale jayenge lekin aapka jo client hain uss ko toh waha par humesha rahna hain aur kaam karna hain.

Isiliye unki iccha ke anusaar kaam hona zaruri hain aur agar aap apni ray manwane ke liye apne client ko jada force karenge toh ho sakta hain ki woh client hi aapke hath se nikal jaye. Aap apna experience aur shiksha ke anusaar apne client ko sujhav zarur dijiye lekin finally aap kaam ussi hisaab se kariye jis tarah se aapke client ko pasand aaye.

Compilation ke liye taiyar rahe

Iss kshetra main aapko kafi compilation ka samna karna par sakta hain aur agar aap ek safal interior designer banna chahte hain toh aapko har compitition ka bina dare samna karna hoga aur unn main khara utarna hoga. Lekin agar aap pahle hi haar man kar dhiraj kho denge toh aap kabhi bhi ek safal interior designer nahi ban payenge.

Toh ab aap logo se hum yahi kahenge ki aap log inn tips ko follow kariye aur ek safal interior designer banne ke liye apne aap ko puri tarah se taiyar kar lijiye.

Must Read – Positive Thinking All Time Tips**.

A project by AnalogFolk © 2017