Health Kaise Banaye – Tandurust Rahe – हेल्थ कैसे बनाए


Health Kaise Banaye Tandurust Rahe

Health Kaise Banaye Tandurust Rahe

Health Kaise Banaye – तंदुरुस्त कैसे रहे / How to be Healthy

Tandrust sharir hamare liye sabse zyada keemati cheez hai. Har koi healthy rehna chahta hai par health banana bhi kabhi kabhi mushkil lagne lagta hai. Hum sab log humesha bas yahi koshish karte hain ki humare health ke sath kabhi bhi koi bhi problem na ho lekin lakh koshish karne ke bawajud bhi humara health sahi nahi rahta aur hume bahut si health problems hoti rahti hain. Isiliye apne health ko thik rakhne ke liye humara yeh janna bahut zaruri hain ki kin kin tariko ko apnakar hum apne health ko thik rakh sakte hain aur tandarusta rah sakte hain. Aaiye jaane kuch aasan se upay jinke dwara aap health banakar tandrust rah sakte hain. To jante he Health Kaise Banaye and hamesha Tandurust Rahe.

Health ! Yeh word humare liye ek sabse zaruri word hota hain. Health problem ek ayisi problem hain jo jite ji hume khatam kar deti. Aaj ke iss lekh main hum aap logo ko yeh batayenge ki hum apne health ko thik aur apne aap ko tandarusta rakhne ke liye hum kin kin tariko ko apna sakte hain taki aap log apne health ka acche se khayal rakh sake aur apne aap ko tandarusta rakh sake. Toh time kyu waste karna, aaiye padhte hain ki hum apne health ko banane ke liye kin kin tariko ko apna sakte hain.

Health ko thik rakhne ke kuchh asaan tarike

Bimari ka pate lagaye aur uss bimari ka illaj karaye

Agar aapka health thik nahi rahta aur aap bahut duble patle bhi hain toh aapko yeh pata lagane ki zarurat hain ki kya aapko koi bimari toh nahi hain jiski wajah se aapka health develop nahi ho pa raha hain. Aap iske kisi doctor ke paas jakar usko apni problem bata de aur usse apna pura check up kara le. Uske baad aapka doctor aapko jo bhi dawai khane kahe uss dawai ka aap niyamit roop se sewan kariye. Ek baar aapke andar ki bimari dur ho gayi uske baad aapki health dheere dheere automatically develop hoti jayegi.

Humesha happy rahe

Hum jab bhi jada stress lete hain ya dukhi rahte hain humari sehat utni hi bigarti jati hain aur jitna jada hum santust aur happy rahte hain humari sehat main utni hi sudhar aati hain. Aap log bhi agar apne heath ko thik rakhna chahte hain toh aap log humesha happy rahe aur sath sath apne aap ko jitna ho sake utna tanav se dur rakhe. Aap agar humesha apne man ko happy rakhenge toh aapko kuchh jada special nahi karna padega aur aapki health acchi rahegi. Isiliye aap log aaj se hi apne aap ko happy rakhne ka prayas kariye aur kam se kam apne sehat ke liye hi sahi magar tanav se apne aap ko dur rakhne ki koshish kariye.

Morning walk aur exercise kariye

Aap log agar apne health ke sath kuchh galat hote hue nahi dekhna chahte and apne sehat ko sahi rakhna chahte hain toh aapko aaj se hi morning walk aur exercise ki adat daal leni chahiye. Aap kam se kam 30 minute ke liye roj exercise kariye aur roj subah morning walk me liye chale jaiye.

Apne pet ko 10 pratishat khali rakhen

Apne pet ko ekdam pura bharne ki bajaye usay 10 pratishat kahli rakhen. Thoda sa pet khali rakhne se aapke pet mein jagah hone par woh aasani se pachak ras utpann karta hai jisse khana aasani se pach jaata hai. Zyada raat hone par bhi nahin khana chahiye. Kuch halka khane ke turant baad khana nahin khayen. Yadi aap bahut zyada bhookhe hon to us samay turant khana khane ki bajaye pehle thode se fal kha len. Jisse adhik bhookh ke karan aap zaroorat se zyada nahin khayenge. Aur apko apach ki shikayat nahin hogi tatha aapka swasth accha rahega.

Pani mein nimboo len / Drink Water

Pani me nimbu lene se Health Kaise Banaye, chaliye ye bhi jaan lete he. Apne din ki shuruaat gungune paani mein aadha nimboo ka ras lekar karen. Yeh apke paachan tantra ko majboot karega, aapke sharir ke bimari utpann karne wale tatwon ko bahar karega. Aur aapke sharir ke pH mann ko niyantrit kar aapki sehat ko tandarust rakhega. Iskay alawa seb ka resha yukt ras ko ek glass pani mein milakar din mein 1 ya 2 baar len. In dono rason mein aap 1 chammach shahad bhi mila sakte hain.

Niyamit vyayam karen / Tandurust Rahe

Adhiktar log apne sharir ko tandrust rakhne ke liye dieting karte hain lekin vyayam karna bhool jaate hain. Health banane ke liye vyayam zaroori hai. Aap niyamit paidal chalkar, daudkar, tairkar, dance karke ya cycle chala kar vyayam kar sakte hain aur in vyayamon se aapki health awashya banegi.

Paushtik nashta karen

Anusandhanon mein aisa paya gaya hain ki jo vyakti nashta nahin karte hain tatha din mein kam baar bhojan karte hain woh nashta karne walon se evam din mein 4 ya 5 baar khaane walon se zyada bhari sharir wale hote hain. Vagyanikon ka yeh bhi manna hain ki tandrust rehne ke liye zyada protein yukt nashta karna accha hota hain kyunki isse pet bhara lagta hain tatha bhookh niyantran rakhne mein sahayta milti hain. Milk shake, uble ande, paneer aur phal, dahi, doodh-daliya protein ke acche strotra hain.

Apne bhookh ko pehchaane

Aksar log pyaas ko bhookh samajh kar kuch halka phulka kha lete hain. Jab ki sharir ko pani ki zaroorat hoti hain. Hamare dimaag ka woh bhag jo ki bhookh aur pyaas niyantran karta hain dono ke liye ek jaise signal hi bhejta hain. Yeh dekhne ke liye ki aap bhookhe ho ya pyase ek glass paani piye aur 15 minute intezaar karen. Agar aapki ichcha tript ho jati hain to iska matlab yeh hain ki aap pyase the, bhookhe nahin.

Fats yukt fast food se bachein

Junk food aur soda hamari tandarusti par boora asar dalti hain. Paushtik aahar lene se aap tandarusti ki taraf aur ek kadam badhaayenge. Niche likhe kuch upayon se aap khan paan me achche chunaav kar sakte hain. Tale vyanjan ki jagah phal, dahi ya salad khaaein aur unki jagah aap bhoon kar ya sek kar vyanjan ko khaaye. Maida ki jagah aate ke pasta, bread aur brown rice khaayen. Soda ki jagah nimboo pani, green tea ya herbal chai lein.

Tension kam rakhen

Tanaav hame tandrust nahin rehne deta kyunki isse hamare sharir ki fats ikattha karne ki chamta badh jaati hain. Aur fats ghatane ki kshamta kam ho jati hain. Tanaav ki wajah se hamein meetha khaane ki iccha zyada hone lagti hain. Kyun ki isse hame khushi milti hain. Khud ko khush karne ke liye zyada khane ke bajaaye hamein aaramdayak vyayam tatha dhyan karna chahiye. Apne khane mein zyada se zyada vitamin B, C evam magnesium yukt vyanjan lena chahiye. Badaam, santra, jaamun, palak, bina malai ka doodh tatha dahi tanaav door karta hain aur hamein tandrust banata hain.

Poori neend lein / Take full rest

Neend ki kami se hamein bhookh zyada lag sakti hain jise shaant karne ke liye hum kuch bhi kha lete hain. Isse hamari tandrusti par asar padta hain. Achchi neend ke liye hamein ek nischit samay par sona tatha uthna chahiye.

Aaj ke lekh main humne aap logo ko bataya ki hum apne health ko banane ke liye kya kya upay apna sakte hain. Toh aap log bas in tricks ko follow kariye aur apne aapko fit aur tandurust banakar rakhiye and apne body ko har health problem se bachakar rakhiye. Agar aap log health problems se dur rahenge toh aap apni life ke har ek moment ko khushi ke sath enjoy kar payenge. Isiliye meri aap logi se request hain ki aap log bas ek baar in tricks ko zarur follow kariye.

Must Read Motapa and Body Building Tips In Hindi.

Tags:
Easy Life Tricks
Sponsored Channel
Mr Hindi Indian Youtube Channel