Headphones Ki Detail Jankari And Headphone Ke Types


Headphones Ki Detail Jankari And Headphone Ke Types
Headphones Ki Detail Jankari And Headphone Ke Types

Hello Dosto! aaj hum sabka favorite topic ke baare me janenge matlab Headphones Ki Detail Jankari. Headphone bilkul speaker ki tara hi hain, bas inn dono main fark itna sa hain ki speaker ki awaz watavaran aur hawa main puri tarah se fail jati hain aur headphone ki awaz sirf humare kano main hi gunjti rahti hain. Arthat headphone ko aapko apne kano main lagakar istemaal karna hota hain isiliye inhe earphone bhi kaha jata hain. Iska istemaal karna bhi speaker se kahi asan hota hain.

Headphones Ki Detail Jankari

Headphone ka istemaal jadatar audio music ko sunne ke liye kiya jata hain. Headphone ke dwara agar hum kisi music ya song ko sunte hain toh uss dauran hume koi bhi pareshan nahi kar pata. Headphone ko aapke computer se ya smartphone se jodne ke liye ek jack diya jata hain, jinki madat se aap badi asani se apne computer ya smartphone ke sath headphone ko jod sakte ho. Yeh 3.5 mm (Kuchh phone main 2.5 mm ka jack hota hain) ka golakar akriti ka hota hain. Aap headphone ki pin ko uss jack main daal kar iska istemaal kar sakte hain. Sath hi headphone ka ek aur fayeda yeh bhi hain ki headphone ko ek jagah se dusre jagah par le jana bhi bahut jada asan hain.

Kisi bhi headphone ko chalane ke liye uske driver ka aapke computer main hona zaruri hain. Driver ek ayesa ghatak hain jo awaj ko headphone main pravahit karta hain. Yeh kuchh chumbak, diafram, voice coil aur kuchh anya ghatako se milkar banta hain. Headphones Ki Detail Jankari aage dekhe te.

Headphone kaise kaam karta hain?

Headphone aaj lagbhag sabke kaano main dikhta hain. Kyun ki iss ki madat se aap music ka kahi bhi bharpur anand uttha sakte ho aur aapko koi bhi pareshani nahi hogi. Yeh apna kaam speaker ki tarah hi karta hain aur electric signal ko sound web main badal deta hain. Inn main laga music source ek cable ki madat se electric signal ko chhoti speaker ( jo headphone main lage hote hain ) tak bhej deta hain. Aur waha se signal ko ek voice coil ke jadiye speaker tak bheja jata hain. Yeh voice coil chumbak se judi hoti hain. Jab koi signal inn ke paas aata hain toh inn main laga driver con har ek second main 20 se lekar 20,000 baar tak ki gati se aage pichhe hilne lagta hain. Jo hawa ke dabav ko badal deta hain aur sound web banta hain. Headphones Ki Detail Jankari and headphone ke types niche detail me diye he.

Headphone Ke Types / prakar

Headphones ko unke kaam karne ke adhar par 6 prakaro main bata gaya hain.

Ear buds

Headphone ka ek type hain earbuds. Hala ki inki awaj ki gunvatta utni acchi nahi hoti inn headphones ki kuchh acchayi bhi hain, jiske wajah se log isko pasand karte hain. Inn headphones ki kimat bahut kam hoti hain aur inka size bhi chhota hota hain. Yahi karan hain ki awaj main acchi facility na dene ke bavajud bhi log isko bahut pasand karte hain. Yeh humare kan ke bahari hisso main dhile lage hote hain.

In ear canal headphone

Headphone ka jo aur ek type hain, woh hain in ear canal headphone. In headphones main ek pin jaisi akriti bani hoti hain jo humare kaan ke andar tak asani se chali jati hain. Aur inn headphones main ek khas baat yeh hain ki jab aap inn headphones se koi music ya aur kuchh sun rahe hain tab aap bahar ki koi bhi awaj nahi sun payenge, aur yahi reason hain ki inn headphones ki gunvatta bahut acchi hoti hain. Inn headphones ko canal phone bhi kaha jata hain kyuki yeh kaan ke ekdam andar tak ghus jata hain. Agar aap acchi quilty main ek canal phone lenge toh aapko thodi mahangi par sakti hain. Kyuki yeh thoda mahanga hi aata hain.

Canal buds

Yeh sabse jada istemaal hone wale headphone hain. Aur agar iska karan hum aapko bataye toh iska reason yahi hain ki na toh yeh ear bud ki tarah bahar latki rahti hain aur na hi canal phone ki tarah yeh andar jakar hume pareshan karti hain. Yeh hi kaan ke jada andar tak nahi jati aur sath sath inke aage ek foam laga hota hain jisse humare kaano ko koi nuksan nahi hota hain. Inn headphones ki ek aur khas baat yeh hain ki inki kimat utni jada nahi hoti. Aur inki awaj ki gunvatta bhi acchi hoti hain hala ki canal phone ke tulna main kam hoti hain.

Light weight headphone

Inn headphone ki awaj ki gunvatta bhi bahut acchi hoti hain. Inn headphones main aapko ek patli si patti milti hain jo aapke seer (head) ke pichhe ya upar tak jati hain, sath sath inn headphones main aapke kaano ko awaj pahuchane ke liye ek bade se stereo ka use kiya jata hain. Isse hum jo music sun rahe hain uss usic ko accha base milta hain.

Full size headphone

Inn headphones ke dwara bhi kuchh sunne par aapko bahar ki koi bhi awaj sunai nahi deti hain. Full size headphone aapke kaano ko puri tarah se dhak dete hain inn headphones main aapke kaano par lagane ke liye foam ki ek moti parat hoti hain, aur issi ke karan aapko bahar ki koi bhi awaj sunai nahi deti hain. Yeh headphones dekhne main bade aur Bhari hote hain. Aur inki awaj ki gunvatta bhi bahut acchi hoti hain.

Bluetooth stereo headphone

Iss headphone ke jadiye aap apne computer, smartphone aur tablet se asani se bina wire ke hi music sun sakte hain. Iske alawa bhi aap iska istemaal koi phone call sunne ke liye bhi kar sakte ho. Inn headphones main aapko pichhe ki taraf kuchh button milte hain, jinse aap apne music ka sanchalan kar pate ho. Inn headphones ka istemaal bahut hi easy hota hain. Inn headphones ki kimat thodi si jada hoti hain.

Headphone ke kuchh fayde

  1. Headphone ke dwara kisi song ko sunte waqt aapko apne hatho ka istemaal nahi karna padta.
  2. Inn main humko sangit ki acchi gunvatta milti hain.
  3. Headphones ko istemaal karna aur inko ek jagah se dusre jagah par le jana bahut hi asan hota hain.

Headphone ke nuksan

  1. Jab hum headphone ke dwara koi song sun rahe hote hain tab hum bahar ki awaj ki nahi sun pate hain.
  2. Agar hum headphone ka atyadhik prayog karte hain tab hum bahar ki awaj ki nahi sun pate hain.
  3. Baar baar hath lagne ke wajah se headphones bahut zaldi gande ho jate hain.

Toh ab aap logon ko iss post ko acchi tarah se apne dimag main fit kar lijiye aur Headphones Ki Detail Jankari hasil kar lijiye.

Computer RAM Kya Hota Hai?

What's Your Reaction?

Love It Love It
0
Love It
Like It Like It
0
Like It

Headphones Ki Detail Jankari And Headphone Ke Types

log in

reset password

Back to
log in