Hard Disk Drive Hide Kaise Kare – Drive Icon Kaise Remove Kare


Hard Disk Drive Hide Kaise Kare - Drive Icon Kaise Remove Kare

Hard Disk Drive Hide Kaise Kare – Drive Icon Kaise Remove Kare

Hard Disk Drive Hide Kaise Kare – Drive Icon Kaise Remove Kare

Hello Dosto, aaj hum janenge Hard Disk Drive Hide Kaise Kare. Humare computer aur laptop mai bahut tarah ka personal data or zaroori soochna hoti hai. Aise mai humey uski suraksha ki chinta bhi rehti hai kyuki humarey ass paas aise kai shatir dimag log hotey hain jo chupkey se humarey system se data chura lete hain.

Lekin achi baat ye hai ki technology ke nirantar vikas ne humey har mushkil ka hal diya hai. Is mushkil ka bhi ek hal hai, or wo ye ki aap apni Hard Disk Drive Hide kar dein. Jee ha doston, ager aap apni Hard Disk Drive Hide kar denge to koi bhi apke data ki chori nahi kar payega. Aaiye jantey hain ki Hard Disk Drive Hide Kaise Kare.

Hard Disk Drive Hide Kaise Kare

Sabse pehley MY COMPUTER pe jaker right click karkey ‘MANAGE’ option per click karein.

‘MANAGE’ per click kartey hi apkey samney ek window open hogi.

Is window mai aap ‘DISK MANAGEMENT’ per click karein.

Iskey baad apko jis hard disk ko hide karna ho uspe right click karein aur CHANGE DRIVE LETTER AND PATHS option per click kar dein.

CHANGE DRIVE LETTER AND PATHS option per click kartey hi ek popup window open hogi. Is window mai aap ‘REMOVE’ option per click karein.

‘REMOVE’ per click kartey hi ek window open hogi jismey apko ‘YES’ option per click karna hoga.

Iskey baad jo window open hogi usmey bhi apko ‘YES’ option per click karna hoga.

Ab apki hard disk drive hide ho jayegi or apka data bhi safe or secure ho jayega.

Hard disk drive ko unhide ya show kaise kare

Zaahir hai jis tarah apko Hard Disk Drive Hide karney ki zaroorat mehsoos hoti hai usi tarah kabhi na kabhi, kisi na kisi karan se us hard disk ko show karne ki zaroorat bhi pad sakti hai.

Iskey liye aapko zyada kuch nahi karna hai. Aap upar bataye sare steps ko repeat kariye, and jaha apney ‘REMOVE’ option per click kiya tha wahi per ab apko ‘ADD’ option per click karna hai.

‘ADD’ per click kartey hi ek window open hoga, jismey apko ‘OK’ per click karna hai. And is tarah apka hard disk drive phir se show honey lagega.

Dekha na apney, Hard Disk Drive Hide or show karna kitna aasan hai. In aasan steps ko follow karkey koi bhi apni Hard Disk Drive Hide kar sakta hai aur apney system mai mojood har tarah ki soochna or data ko secure kar sakta hai. Phir chahey wo koi official information ho ya personal data.

To bus, agli baar apne system se data chori ho janey ke dar se chinta karney ki jagah aap upar diye hue steps ko follow karkey Hard Disk Drive Hide kar apna data surakshit kar lein or nishchint ho jaye.

Zip File Kaise Banaye – ज़िप फाइल कैसे बनाए 

Tags:
Mr Hindi Indian Youtube Channel