Hamesha Jawan Dikhne Ke Liye Kya Kare – जवान कैसे दिखे


Hamesha Jawan Dikhne Ke Liye Kya Kare

Hamesha Jawan Dikhne Ke Liye Kya Kare

Hamesha Jawan Dikhne Ke Liye Kya Kare

Hamesha jawan dikhna sabhi chahte hain par badhti umr bahut muskil se chupti hai. Badhti umr ke saath safed huye baalon ko to aap dye se kala kar sakte hain par twacha par aa rahin jhuriyon se umr ka pata chal hi jaata hai. Lekin kuch upay aise hain jinse aapki twacha ki jhuriyaan door ho jaayengi aur aap hamesha jawan nazar aayenge. Aaiye jaane kya hain woh upay, hamesha jawan dikhne ke liye kya kare step by step jankari hindi me.

Jawan dikhne Ki khwahish

Har koi chahta hain ki woh humesha jawan dikhe. Hum humesha jawan dikhne ke liye jane kya kya tarika apnate rahte hain lekin kabhi kabhi apne jawan dikhne ki koshish main kuchh ayisi galti kar baitthte hain jiski wajah se hum jawan dikhne ke bajay bhadda dikhne lagte hain. Isiliye kisi bhi cheez ko apne upar apply karne se pahle hum yeh pata laga lena chahiye ki kya woh cheez ya product humare body aur humare chehre ke liye sahi hain. Aaj hum apne iss lekh ke jadiye aap logo ko yeh batayenge ki hum humesha jawan dikhne ke liye kya kya tarika apna sakte hain taki aap log kabhi bhi apne aap par kisi galat cheez ko apply na kare. Agar aap log humare iss lekh ke jadiye thoda sa bhi labhvan honge toh hume lagega ki humari aaj ki yeh mehnat safal rahi. Ant main humari aap logo se yahi request hain ki aap log kam se kam ek baar in tricks ko follow zarur kariye.

Humesha jawan dikhne ke liye ajmane layak kuchh zaruri tips

Buri adato se parhej kare

Aap agar apne aapko humesha jawan dekhna chahte hain toh aapko apne aapko har buri adat se dur rakhna hoga. Ham agar kisi bhi cheeze se addicted hote hain toh woh nasha sirf humare chehre ko hi nahi balki humari puri body ko harm karti hain jiski wajah se hum kam umar main hi buddhe aur old dikhne lagte hain. Isiliye aap log kisi bhi nashili cheez ko kabhi bhi apne aap par heavy hone na de.

Aambla

Aambla main vitamin C ki matra bahut jada hota hain. Jo ki humari sehat aur humara chehra dono ke liye bahut accha hota hain. Aap log agar roj kam se kam ek aanble ka sewan karenge toh aap humesha jawan dikhenge aur aur aap logo ki sehat bhi acchi rahegi.

Apni twacha aur apne chehre ka khas khayal rakhe

Aap agar chahte hain ki aap humesha jawan dikhe toh aapko apne chehre ka aur apne twacha ka khas khayal rakhna hoga. Aapko kam se kam 1 din main 2 baar apne chehre ko dhona chahiye aur aapko apne twacha ko bhi bich bich main nimbu ya aur aur kisi cheez ka istemaal karke saaf rakhna hoga.

Tamatar ka sewan

Tamatar ka niyamit roop se sewan hume jawan rakhne main kafi madat karti hain. Aap ek baar humare upar bharosa rakhiye aur kam se kam roj subah ek glass tamatar ke juice ka sewan kariye. Aap tamatar ko cut kar uss main thoda sa namak milakar usko kaccha bhi kha sakte hain. Tamatar na sirf aapko jawan rakhne main madat karega sath sath aapki sehat bhi tamatar ke sewan se swasth aur rog mukta rahegi. Isiliye humari aap logo se yeh salah hain ki aap log tamatar ka sewan niyamit roop se kare.

Cream and nimbu ke ras se

Aadha chammach cream len aur usmay nimbu ka ras ki 4-5 boonden dal den. Isay chehre par halke haton se sone se pehle lagayen. Tab tak lagate rahen jab tak ki yeh paste apki twacha mein sama nahin jaaye. Isay lagaye huye 20-30 minute tak rahen aur iske baad saaf thande paani se chehara doh len. Sabun ka istemaal nahin karen. Ek mahine tak roz aisa karen. Aap dekhenge ki aapka chehra jhuriyon se aur kaale gheron se mukta ho jaayega.

Papite ke dwara

Ek papite ka tukda len aur usay chehre par masalen. Aisa karne ke baad nahayen. Is prakriya ko kuch din karen. Aisa karene se aapki twacha mein nikhar aayegaaur aapka chehre jhuriyon se rahit ho jaayega. Aisa karne se aapki twacha ke zahreele tatwa bhi twacha se bahar ho jaayenge.

Chehre ka vyayam karke

Apne hoton se angrezi ke akshar e aur o bolen. Aisa karne se aapka chehra ek baar failega aur doosri baar sikudega. Ab apne hoton ko aage layen aur aisa chehra banayen ki aap siti baja rahen hain. Yeh chere se jhuriyaan hatane ke liye bahut accha vyayam hai.  Aisa 20-30 baar har din kijiye.

Moong dal khane se

Yadi aapko apni jhuriyon ko door karna chahte hain to kuch matra mein moong dal subah aur shaam len. Ismay upasthit vitamin E apko hamesha jawan dikhayega aur kabhi bhi aapki umr nahin dhalen dega.

Kheere dwara

Kheere ke tukdon ko golakar kaat len aur apni aankhon ke upar aur neeche rakhen. Kuch tukdon ko apne lalaat par bhi rakhen. Issay aapki ankhon ke paas ki jhuriyan door hongi. Aisa pratyek din ek baar karen aur aapki jhuriyan 2 saptah mein door ho jaayengi. Ek aur vidhi apnayen. Aadha cup dahi mein do chammach kisa hua kheera milayen aur usay apne chehre par lagayen. Ab 20 minute baad halke gungune pani se apna chehra doh len. Aisa saptah mein 2 baar karen. Aap payenge ki aapki twacha se jhuriyaan gayab ho gayi hain aur aapki twacha nikhar gayi hai.

Nariyal dwara

 Nariyal vitamin aur mineral ka khajana hai. Iskay paas twacha ko nami pradan karne ki shamta hai aur yeh twacha ko naram aur jawan banati hai. Kaacha nariyal aur uskay doodh ko le len. Isay apne chehre par lagayen. 20 minute tak isi tarah rahen. Iske baad chehra dooh len. Aapki twacha nikar jayegi aur iskijhuriyan khatm ho jaayengi.

Gazar ka ras peekar

Gazar ka ras 2-3 saptahh tak pratyek din dopahar mein piyen. Aisa karne se apko acchi matra mein vitamin prapt hoga aur aapki jhuryian door ho jaayengi.

Gulab jal lagane se

Gulab jal lagane se twacha saaf hoti hai tatha gulabgal twacha ko tight bhi karta hai. 2 se 3 boond gulab jal mein 3 se 4 boond glycerine mila len. Ismay aadha chammach nibo ka ras milaye. Ab rui ke dwara is mishran ko apne chehre par raat mein sone se pehle lagayen. Aisa karne se aapki twacha ki jhuriyaan door ho jaayengi aur aap jawan dikhne lagengi. Iske alawa gulab jal ki 1 chamach lekar usmay 1 chammach dahi aur 1 chammach shahad milayen. Is mishran me paka hua kela milayen. Ab isay apne chehre par 20 minute ke liye lagayen. Aisa karne se aapke chehre ki jhuriyaan door ho jaayengi.

Acche aur paushtik khane se

Jawan dikhne ke liye yeh bhi zaroori hai ki aap accha aur paushtik khayen. Hari sabziyaan, fal, doodh lene se sharir ki takat badhti hai jo twacha par akraman kar rahe sukshm jeevon se ladti hai tatha twacha ko aswasth nahin hone dete tatha twacha par jhuriyan bhi nahin padne detee. Is prakar poshan lene se aap sada jawan dikh sakteen hain.

Upar diye gaye lekh ko padhkar aap logo ko yeh samajh main aa gaya hoga ki ayese kya kya tricks hain jinko apnakar hum humesha jawan dikh sakte hain. Toh ab aap logo ko apne chehre ko ya twacha ko lekar zara bhi tension lene ki zarurat nahi hain kyuki ab aap logo ke paas hain humara yeh special lekh aur iss lekh main hain humara aap logo ke liye kuchh saral aur asan tips. Toh ab bas aap log humare iss lekh main diye gaye kuchh asan tricks ko follow kariye aur humesha apne jawan look se duniya ko impress kariye.

Apni Personality Kaise Rakhe | Best Attitude Tips

Tags: ,
Mr Hindi Indian Youtube Channel