Haldi Ki Kheti Kaise Kare – Jankari Hindi Me हल्दी की खेती कैसे करें


Haldi Ki Kheti Kaise Kare - Jankari Hindi Me

Haldi Ki Kheti Kaise Kare – Jankari Hindi Me

Haldi Ki Kheti Kaise Kare – हल्दी की खेती

Haldi ek mahtvapurn vansapati hai. Haldi masalon ke kaam to aati hi hai saath hi iskay bahut se aushadiya gun bhi hain. Yeh anek rogon ko theek karne ka gun rakhti hai aur isliye hi anekon aushadhiyon mein daali jaati hai. Iskay saath hi haldi saundarya prasadhan ki cheezon jaise cream, tel aadi mein bhi prayukt hoti hai. Yahi karan hai ki haldi ki badi aavashkta hai aur haldi ki kheti karna ek fayde bhara karya hia. Aaiye jane Haldi Ki Kheti Kaise Kare.

Mitti aur Mausam kaisa ho

 Haldi adhiktar sabhi tarah ki mitti mein ug jaati hai lekin iskay liye baalo jaisi bhubhuri mitti sabse acchi hoti hai. Haldi ko ugane mein 30 degree celcius ke aas paas ka tapman sabse accha hota hai. Haldi ki fasal ke liye uski puri fasal ke dauraan 1200 se 1400 mm barish zaroori hoti hai.  Mitti ka pH maan 5.5 se 7.5 ho sakta hai. Haldi ki kheti mein dhyan rakhen ki khet mein pani jama nahi ho paaye aur niklta rahe. Haldi ki kheti mein jama hua paani nusaan dayak hota hai.

Khad kaise daalen

Khet ko jotte samay khet mein khad dalen. Khad ki matra 4 ton prati 10 hazar varg feet khet ki liye hona chahiye. Khad mein santulit matra mein nitrogen, phosphorus aur potassium ki matra hona chahiye.

Haldi ko kaise boyen

Haldi ki kheti ke liye bhurbhuri mitti acchi hoti hai isliye khet ko khod kar aur usmay khaad milakar mitti ko bhurbhura kar len. Ab khet me mitti ki 1 meter chaudi panktiyaan ya kayriyaan banayen jo ek doosre se 50 centimete ki doori par hon. Isay baad haldi ki gaanthen len jinhen raizom kehte hain. Dhyan rakhen pratek gaanth mein 2 se 3 aankhen honi chahiye arthath ghere daar woh baagh jahan se ankuran hoga.  Haldi ki gaanthon ko bone se pehle unhen 0.3% dithane M-45 aur 0.5 % Malathion ke ghol mein kam se kam 30 minute dubokar rakhen. Ab in kayriyon mein haldi ki gaanthon ko boyen jo ek doosre se 20 centimeter ki doori par hon. 10 hazar varg feet ke khet ke liye 2500 kg haldi ki ganthen yani rhizomes kafi hain.

Ghaas foos hatayen

Haldi ki khti ke dauran fasla ke saath ug rahi ghaas foos aur sadi uhi pattiyon ko hatate rahen kyonki yeh ghaas fhoos fasal ko failne se rokti hai aur sadi pattiyan fasal mein sankrman rog faila sakti hain.  Is parkriya ko teen baar karen  aur isay fasal bone ke 60, 120 aur 150 dinon baad kare.

Haldi ki fasal ko bimariyon se bachayen

Haldi ki fasal mein kai bimariyaan ho sakti hain. Shoot borar bimari mein haldi ke tano aur gaanthon mein ched ho jaate hain jisay phasphomidan  ke chidkaaw se door kiya jaa sakta hai. Softroot bimari se haldi ki gaanthen sadd jaati hai. Isay rokne ke liye 0.25 pratishat Indofil M-45 mitti par chidken.  Leaf spot bimari jisme haldi ke paudhon ki pattiyon par bhoore rang ke dhabbe pad jaate hain usay 1 pratisaht bordo ke mishran ko chidkkar door kiya jaata hai.

Haldi ki fasal ki khudai

Haldi ki fasal haldi bone ke 7 se 10 mahinon mein tayyar hoti hai. Jab haldi ke paudhon ki pattiyan peeli pad jaayen aur sukhana shuru kar den tab samjhna chahiye ki aapki haldi ki fasal tyyar ho gayi hai. Haldi ki fasal adhiktar january aur february ke mahinon mein tyyar hoti hai.

Haldi ki dekhbhal

Haldi ki gaanthon ko nikalne ke baad uskay upar ki mitti ko hata len. Iskay baad unhen choone ke garam pani mein 1 ghanta rakhen. Jab alag si mahak aane lage aur pani mein safed jhaag aa jaayen tab unhen bahar nikal len. Dekhen ki haldi ubalen ke baad mulaayam ho gayi hai ki nahin. Khudai ke do din baad hi haldi ko ubalen aur ubalen ke baad haldi ko 15 din dhoop mein sukhayen. Haldi jab sookh jaayegi tab iski satah ko samtal banane ke liya isay boriyon par ragda jaata hai aur phir kuch haldi powdre se ranga jaata hai jisse haldi par accha rang dikhai dene lagta hai.

Kheti Kaise Karte He – Kheti Ke Tips In Detail.

Easy Life Tricks
Sponsored Channel
Mr Hindi Indian Youtube Channel