Green Tea Kaise Banaye Uske Fayde – Motapa – ग्रीन टी कैसे बनाए


Green Tea Kaise Banaye Aur Uske Fayde

Green Tea Kaise Banaye Aur Uske Fayde

Green Tea Kaise Banaye Uske Fayde – Motapa

Kya hai Green tea

Aaj hum sikhenge ki ghar par Green Tea Kaise Banaye. Iski vidhi share karenge jisse aap bhi ise aasani se banakar taiyar kar sake to aaiye aaj hum svadisht aur poushtik green tea banayenge. Green tea ka avishkaar china mein hua tha. Green tea ek tarah ki chai hoti hai jiska swad samanya chai se kuch alag hota hai. Ye jis paudhe se banai jaati hai uskee paatiyon mein anek mahtvapurna tatva hote hain. Isme caffine jaise padarth ki matra bhi samnya chai aur coffee ki tulna mein bahut kam hoti hai jisse hamare sharir par bura prabhav nahin padta hai. Is prakar green tea hamare swasth ko puri tarah se surakshit rakhti hai. Aiye jaane ki Green Tea Kaise Banaye detail me.

Green tea banane ki Samagri

  1. Green tea -1 chamach.
  2. Paani –aadha cup.
  3. Ilayachi powder -1-2 pinch.
  4. Chini ya sehad -1 chamch ya fir svad anusar.

Green Tea Kaise Banaye – vidhi

Green-tea ke liye sabse pehle ek pen me paani dalkar garam karne ke liye gas par rakhe. Jab paani me ubaal aa jaye tab ubalte huye paani me green-tea dalkar gas band kar de aur pen ko ek plate se dhak kar rakh de. Jisse green-tea powder flavour paani me acchi tarah se aa jaye. Kareeb 2 mint ke baad green-tea ko ek chani ki sahayat se ek cup me chankar nikal le aur ab is channi hui chaye me apne svad ke anusar chinni ya fir sehad aur ilayachi powder daalkar chammach se acchi tarah se mix kar le. Svadisht aur paushtik green-tea bankar taiyar hai. Aap green-tea ko halka gunguna ya fir thanda karke serving cup me nikalkar serve kar de. Green-tea anti oxidant ki tarah kaam karti hai.

Green teabag se chai banane ki vidhi – Ise banane ke liye 1 cup pani lijiye. Usmay 1 green teabag dal den. Isme hi 2 tulsi patti dalen. 1 Chammach shahad dalen aur aadha nibu ras dalen. Ab isay 3-4 minute ubalen. Apki chai tayyar hai.

Green tea powder se chai banane ki vidhi – 1 cup pani lijiye. Isme ½ chammach green tea powder daliye. 1 chammach shahad daliye aur aadha nibo ka ras daliye. Ab issye 3-4 minute ubalen. Apki chai tayyar hai. Chai ubalne ke baad aap 1 minute usay rakh dijiye. Uskay baad chai piyen. Yeh chai apke swasth ke liye sabse acchi hogi.

Green Tea ke adbhut fayde

Vajan kam karne mein – Green tea sharir ki rasaynik kriyaon ko badhati hai. Green tea mein paya jaane wala polyphenol tatwa vasa ke oxikaran ki prakriya ko badha deta hai jisse hamara bhojan jaldi hi urja mein parivartit ho jata hai aur vasa bankar jamta nahi hai. Is prakar sharir mein vasa ki matra kam ho jaati hai aur vajan kam hone lagta hai.

Pet ki bimari ko theek karne mein – Green tea peen se pet ki bimariyan jaise apach, kabz aadi door ho jaati hain. Iske saath hi green tea liver ki bimariyon ko bhi door karti hai. Green tea peene se hi acidity bhi theek ho jaati hai.

Hriday rog ko kam karne mein – Pratidin kam se kam 6 cup green tea lene se hriday rog hone ki sambhawana kam hoti hai. Green tea sharir ke cholesterol ko niyantrit karti hai. Cholesterol ke kam ho jaane se sharir mein rakt sancharan bahut acchi tarah se hota hai aur hriday rog theek ho jaata hai.

Uccha raktchap ko niyantrit karne mein – Yadi aap uccha raktchap yani high blood pressure ke mariz hain to roz do cup green tea peena apke raktchap ko niyantrit kar sakta hai. Green tea mein kuch aise tatva hote hain jo sharir mein uccha raktchap ki pravarti ko kam karte hain tatha apka raktchap niyantrit ho jaata hai. Is say apke dil ko majbooti milti hi.

Diabetes ko niyantrit karne mein – Green tea peene se sharir mein glucose ki matra bhi niyantrit hoti hai. Sharir mein glucose ki matra kam ho jaane se diabetes ke rogiyon ko laabh hota hia. Is prakar green tea diabetes mein bahut labhdayak hai.

Allergies ko door karne mein – Kai baar hum allergies ka shikar ho jaate hain aur kisi visheh cheez se humein allergy ho jati hai. Jaise dhool se, rasayan se ya dawai se allergy. Green tea peene se allergy ki bimari mein aaram milta hai. Green tea mein ek tatva epigallocatechin hota hai jo allergy se humari raksha karta hai.

Daanton aur masoodon ki raksha mein – Kai baar hamare daanton aur masoodon mein infection ho jaata hai jisse masoode phoolne lagte hain. Green tea peene se masoodon ke phoolne ki samasya door ho jaati hai. Green tea peene se ankhon ki roshni bhi badhti hai.

Sankramak rogon se raksha karti hai – Green tea humare pratirakshan tantra ko majboot kar sankramak rogon se hamari raksha karti hai. Green tea peene walon ko sardi, khaansi, jukham, flu nahi hota hai. Iske saath hi green tea peene se twacha sambandhit rogon se bhi chutkara milta hai.

Sfurti pradan karne mein – Green tea peene se dimag sfurti mahsoos karta hai. Green tea peene se tanav door ho jata hai. Sir dard jaisi samsya green tea peene se theek hoti hai. Green tea nevous system ko bhi majboot karti hai.

Exercise aur workout se bhi aapko lag raha hai ki aapka vajan kam nahi ho raha hai, to aap din me green-tea peena shuru kare. Green-tea me anti oxidant hone ki vajah se yeh body ke fat ko khatam kar deti hai. Ek study ke kathan ke anusaar, green-tea body ke vajan ko sthir rakhti hai. Green-tea se fat hi nahi balki metoblosim bhi strong rehta hai aur digestive system ki pareshaniya bhi khatam hojati hai. Yeh motapa kam karne ke liye kaafi laabh dayak sidh hota hai. Isliye green-tea ko rojana kam se kam ek baar apni dincharya me jarur shamil kar le.

Body ke liye svasthya vardhak

Fresh taiyar hari chaye sharir ke liye achchi tarah aur svasthya vardhak hoti hai hai. Aap ise ya to garm ya thanda kar ke pee sakte hai, lekin is baat ka yakin ho ki chaaye ek ghante se adhik samay ki purani na ho. Jyada kholti garam chay gale ko cancer ka nyota bhi de sakti hai. To behad garm chay na piye. Yadi aap chaye ko lambi samay ke liye store kar ke rakhenge to yeh apne vitamin aur anti oxidant kho degi. Isme mojud jeevanurodhi gun bhi samay ke saath kam ho jaate hai. Vastav me, agar chay jyada der ke liye rakhi ho to yeh bacteria ko sharan matlab jagah de deti hai. Isliye hamesha taaji green-tea hi piye.

Jane : Black Tea /Kali chay Kaise Banate He.

Easy Life Tricks
Sponsored Channel
Mr Hindi Indian Youtube Channel