Ghar Me Barkat Kaise Laye | Sukh Shanti Ke Gharelu Totke

Ghar Me Barkat Kaise Laye | Sukh Shanti Ke Gharelu Totke

Ghar Me Barkat Kaise Laye

Aap is article ka pahla part “Ghar me barkat kaise laye” padh rahe he. “Ghar ki barkat kaise badhaye” ye second part he.

Ghar Me Barkat Kaise Laye

Ghar main agar sabkuchh hasi khushi ho toh bahut accha lagta hain lekin wahi agar ghar main humesha daridrata chhaya rahe toh bilkul bhi accha nahi lagta. Har koi chahta hain ki uska ghar humesha hasi khushi rahe lekin kuchh gharo main kitna bhi income karne ke bawajud bhi barkat nahi aata hain. Kuchh log toh apne ghar main barkat lane ke liye jane kaun kaun se pandit aur sadhu ke paas jate hain. Usi chakkar main in logo ka kafi paise bhi kharach ho jate hain.

Kuch pandit toh ayese bhi hote hain jo paise lekar logo ko ulti sidhi patti padhate hain jiska koi fayda nahi hota. Ayese dhongi baba aur pandit toh paiso ke liye hi ayesa kaam karte hain. Ayese log logo ko jhuti muthi baat batakar bahut sare paise ayith lete hain. Iss tarah se bahut log apne ghar main barkat lane ke lobh se in sadhu aur pandito ko paise de dete hain lekin firbhi unke ghar main barkat nahi aata. Toh chaliye jante he Ghar Me Barkat Kaise Laye saath hi ghar me sukh shanti ke gharelu totke.

Ghar Me Barkat Kaise Laye – tarike

Totka 1

Aap agar apne ghar main barkat lana chahte hain toh aap humare lekh main diye gaye bahut se upay ko apna sakte hain. In main se ek ayisa hi upay hain. Aap kisi bhi Thursday ko jalkumbhi arrange karke laye aur uss jalkumbhi ko pile kapde main bandhkar ghar ke kisi kone main latka kar rakh de. Yaad rakhe ki aap logo main se koi bhi insan uss jalkumbhi ko na dekhe. Ek week ke baad yane next thursday ko aap uss jalkumbhi ko change kar dijiye.

Iss prakriya ko 7 Thursday tak karte hain. Lekin aap iss kaam ko jab bhi kariye usse puri nishtha ke sath kariye kyuki bina nishtha aur bhav ke koi bhi kaam agar hum karte hain toh woh kaam na karne ke barabar hi hota hain. Isiliye aap jo bhi kariye usse puri nishtha ke sath kariye. Ayesa karne se nishchit hi aapko fall ki prapti hogi aur aapke ke ghar main barkat zarur ayegi.

Totka 2

Aap thora sa kala til arrange kar le. Ab aap uss kale til ko aap ke parivaar main jitne bhi sadasya hain un sabke sir par se ussar kar uttar disha ki or fek de. Dhyan rakhe ki uss til ko koi aur disha ki or nahi balki uttar disha ki or he feke. Kale til ko ussar kar fek dene ke baad aapki parivaar par ya parivaar ke kisi sadasya par agar koi buri nazar lagi hogi toh woh dur ho jayegi aur aapke parivaar par se sari buri nazar dur ho jayegi tab aapke ghar main automatically barkat aur samriddhi ayegi.

Totka 3

Aap 21 friday ko acche se puja archana kariye aur puja karne ke baad 9 saal se kam umar ki 7 ya 9 kanyao ko bhojan karaiye. Aap iss puri vidhi ko puri sraddha ke sath kariye. Yakin maniye iss vidhi ko karna ek baar suru karne ke baad aapko iss kaam ko karna bojh nahi lagega aur yeh kaam karke aapko maza bhi aane lagega. Ek baar aap log iss vidhi ko karna start kar ke toh dekhiye trust me aap logo ko is main bahut maza ayega aur bahut zaldi aapke ghar main barkat aur samriddhi pravesh karegi.

Totka 4

Jab koi bhi insan thoda amir ban jata hain toh uske upar bahut log apni nazar garakar rakhte hain. Ayese main koi bhi insan uss amir insan ke bhalai ke bare main nahi sonchta aur har koi uss insan ke viruddh chala jata hain. Jab humari halat thodi acchi ho jati hain toh humare charo or naye naye dushman paida hote rahte hain, jo ki swabhavik hain. Kabhi kabhi yeh chote chote pratidwandi hi humare liye kafi khatarnak sabit hote hain. Kabhi kabhi ayese log hi hume kafi hani pahucha jate hain. Isiliye ayese logo se khudko bachakar rakhna bhi bahut zaruri hota hain. Ayese hi logo ke dusprabhav se bachne ke liye hume hunuman ji ki aradhna karni chahiye.

Jaisa ki hum sab log jante hain ki hunuman ji ka din mangalvar hi hain aur mangalvar ko hi hanuman ji ki puja ki jati hain isiliye aap log har mangalvar ko subah naha kar kaam par jane se pahle sacche man se hanuman ji ki puja kariye. Hanuman ji ki puja karne se hanuman ji ki kripa humesha aap logo par bani rahegi aur jab aap logo ke sar par hanuman ji ka hath rahega toh aapka koi bhi dushman ya pratidwani aapko nuksan nahi pahucha payega.

Totka 5

Aap logo ko toh pata hi hain ki bhagwan hanuman ji sri ram ji ke kitne bare bhakt hain. Hanuman ji ko agar santushta karna hain toh hume bas ram nam japne ki zarurat hain. Agar aap log apne ghar main barkat lana chahte hain toh aap logo ko kucch ayesa hi karne ki zarurat hain. Iske liye aap logo ko jada kuch nahi karna hain bas aap log mangalvar ke din 21 pipal ke patte arrange kar lijiye. Ab un patto ko acchi tarah se dho lijiye.

Ab dhule hue in patto par 7 baar karke ram ram likhiye. Ab hanuman mandir jakar waha in patto se puja karke wahi in patto ko chhor aaiye. Lekin mandir main puja karne ke baad mandir ke bahar prashad batna bilkul bhi mat bhuliye. Agar aap prashad nahi batenge toh aapki puja adhuri rah jayegi aur aapki puri mehnat bekar ho jayegi.

Totka 6

Aap logo main se yeh baat toh sabko hi pata hogi ki dhan samaptti ke liye har koi lakshmi ma ko hi yaad karta hain. Dhan aur sampatti ki data hain humari lakshmi mata. Kaha jata hain ki jis ghar main lakshmi ji ka vas hota hain uss ghar main humasha dhan aur sampatti bhari rahti hain, uss ghar main kabhi kisi bhi cheez ki kami nahi hoti aur humesha uss ghar main barkat hoti hain. Agar aap log bhi apne ghar ko dhan sampatti se bhara hua dekhna chahte hain aur apne ghar main barkat lana chahte hain toh lakshmi ma ki sacche man se puja kariye.

Aap log ek lakshmi ji ka photo arrange kar lijiye. Ab uss photo ke aage phul, prashad, mala etc. Chadhakar uss photo ki puri nishtha ke sath aarti kariye. Ayesa karne se aapke ghar main barkat hogi aur dhan sampatti ki vriddhi hogi.

Aaj ke iss lekh ko padhkar humne jana ki Ghar Me Barkat Kaise Laye. Agar ghar ho aur uss ghar main barkat na ho toh woh ghar ghar nahi balki bas ek makan hota hain. Ghar chahe chhota ho ya bada log chahe amir ho ya garib uss ghar main barkat hona bahut zaruri hain. Lekin ghar main barkat lane ke liye yeh pata hona bhi toh bahut zaruri hain ki ghar main barkat kaise laya jata hain. Kabhi kabhi kuchh log ghar main barkat lane ke chakkar main dhongi baba aur pandito ke chakkar main aa jate hain aur apni kamayi ka ek bada hissa gawa dete hain.

Ghar Baithe Business Karne Ke Ideas

A project by AnalogFolk © 2017