Ghar Baithe Kaun Sa Business Kare – घर बैठे कौन सा बिजनेस करे – Business Tips


Business Tips in Hindi

Ghar Baithe Kaun Sa Business Kare

Ghar Baithe Kaun Sa Business Kare – बिज़नेस टिप्स

Aaj ke is mahangaye bhare jamane main hum paise ki importance ko kisi bhi surat main ignore nahi kar sakte. Aaj kal har jagah par paise ki zarurat padti hain. Aur har insaan reach toh hota nahi. Toh jiske paas paisa nahi hain un logo ke chote chote sapne toh adhure hi rah jayenge. Aise main har kisike dimag main bas ek hi sawal ata hain kya aisa koi tarika nahi hain jisse hum ghar baithe kuch paisa kama sake ya Ghar baithe kaun sa business kare aur apni chhoti moti zarurato ko pura kar sake?

Agar hum job bhi karna chahte toh uske liye bhi degrees chahiye. Qualifications ke bina toh job bhi koi nahi dega. Kuch log toh paise ke karan hi apna manchaha course nahi kar pate jiske karan unhe manchahi job nahi mill pati aur pura jivan suffer karna padta hain. Toh ho gayi na paise ke abhav ke karan hi puri life spoiled. Paisa aise zarurat hain jo baaki zarurato ko pura karti hain. Toh jo log paise ke abhav se junj rahe hain unhe ab chinta karne ki zarurat nahi hain. Kyuki aaj hum kuch aise business ke bare main batayenge jo aap log ghar baithe kar sakte hain. Aisa karne se aap logo ke baki kaam par bhi koi asar nahi padega aur asani se aap log is kaam ko kar sakte hain. Toh aiye aaj jan lete hain ki hum Ghar baithe kaun sa business kare aur kuch business tips.

Ghar me coaching center kholkar

Aaj kal ghar me coaching center kholkar paisa kamana ek bahut hi normal baat ban chuki hai. Jadatar log apni chhoti moti zarurato ko pura karne ke liye ghar me tuition karate hain. Aap bhi apne ghar me hi coaching center kholkar bina kisi investment ke achhi kamai kar sakte hain.

Boutique kholkar

Agar aap ka ghar road side par hain aur ghar me jagah available hain toh aap ghar me hi kisi bhi cheez ka boutique kholkar thode se invasment me hi kaphi achha paisa kama sakte hain.

Catering ka business karke

Aap ghar bathe catering ka business bhi kar sakte hain. Aise bahut sare log hain jo catering ka business karke kaphi achha paisa kama rahe hain. Is business me pahle pahle toh order milna thoda muskil hota hain lekin ek baar sabko jankari mill jane par asani se orders mill jate hain. Aap apne rishtedar, dost etc. ke jariye apne kaam ke bare main prachar kar sakte hain.

Computer center kholkar

Agar aapne computer ka course kiya hain aur computer ke bare me aapko achhi knowledge hain toh aap apne ghar par hi computer center kholkar achha paisa kama sakte hain.

Kapdo ka business kadke

App apne ghar par hi kapdo ka business suru kar sakte hain. Mujhe lagta hain is business main aapko kaphi fayda hoga kyuki amir ho ya garib kapde ki zarurat toh har kisiko padti hain aur agar ghar ke pas hi kapde mill jaye toh koi bazar se kyun lega?

Driving ki training dekar

Agar aapki driving aati hain toh aap logo ko driving sikhakar achha paisa kama sakte hain. Aur agar aapko driving nahi bhi aati toh bhi aap driving sikhkar fir apna business suru kar sakte hain.

Beauty parlor kholkar

Aaj kal ladkiya jitne paise apne khane aur kapde me nahi udati usse jada paise beauty parlor me de aati hain. Toh mujhe lagta hain ki yeh business aapke liye best hain. Aap pahle beauty parlor ka kaam sikh ke. Uske baad aap yeh business shuru kar sakte hain.

Achar, papar, namkin etc. Ka business karke

Aap log agar achar, papad, namkin ityadi banana jante hain toh achar, papad ka business karke bhi achha paisa kama sakte hain.

Upar humne ghar baithe paisa kamane ke kuch tariko ke bare me jana. Lekin yeh toh rahe offline business ke kuch tarike. Aiye ab yeh bhi jante hain ki Ghar baithe kaun sa business kare – online business karne ke kya kya upay hain.

Ghar Baithe Online business karne ke kuch tarike

Blogging karke

Agar aapko likhe me ruchi hain toh aapke liye yeh kaam bilkul perfect hain. Aap apna blog banaker usme apna opinion logo tak pahucha sakte hain. Dheere dheere aapke blog ke sath jada se jada log jadne lagenge aur kisi company ya organization ko agar aapki writing quality pasand aa gayi toh woh apni products ka prachar karne ke liye aapko blog likhne ko kahegi aur iske badle aapko achhi khasi rakam milegi.

Online saman bechkar

Aap ke paas bahut se aise cheeze hongi jo aap use nahi karte. Toh un cheezo ko aap online sale karke achha paisa kama sakte hain.

Data entry job karke

India me aisi bahut sari companies hain jo data entry ka job offer karti hain. Aap kisi bhi company me sath jud kar achha paisa kama sakte hain. Bas dhyan rakhe ki jis company ke sath aap jud rahe hain uski puri chhan bin kar le.

Online photo bechkar

Aapko agar photo khichne ka saukh he toh aap online photo bechkar bhi achhi kamai kar sakte hain. Aisi bahut sari website hain jo aapki photos kharid leti hain. Bas aapko apni khichi huyi photos unki website per upload karna hota hain aur deal ke mutabik aapko paise mill jate hain.

Online tuition padhakar

Aap kuchh students ko online tuition padhkar bhi kaphi paisa kama sakte hain.

Youtube par video uplode karke

Aapko agar videography ka hunar hain toh aap kuch video banakar un video’s ko youtube par upload karke bhi kaphi achhi kar sakte hain. Video jis cheez ka bhi ho bas yaad rahe ki video real hona chahiye.

Upar humne Ghar baithe kaun sa business kare – online aur offline dono tarike se paisa kamane ke tariko ke bare main aap logo ko bataya. Aap log apni suvidha ke hisab se in me se koi bhi business chun sakte hain aur ghar baithe unlimited income kar sakte hain.

Offline Business Ideas – Earn Money – Non Online Methods

Mr Hindi Indian Youtube Channel