Gehu Ki Kheti Kaise Kare – Jankari Hindi Me गेहूं की खेती कैसे करें


Gehu Ki Kheti Kaise Kare - Jankari Hindi Me

Gehu Ki Kheti Kaise Kare – Jankari Hindi Me

Gehu Ki Kheti Kaise Kare – गेहूं की खेती

Gehun bharat ka ek bahut hi mahtvapurna khadya anaaj hai aur gehun se bani roti hi bharat ke lakhon parivar ka bhojan hai.  Gehun ki kheti karne ki paristhiti pure bharatvarsh ke vibhinn rajyon mein alag alag hoti hai. Aaiye jaane ki gehu ki Gehu Ki Kheti Kaise Kare.

Gehun ke bone ka samay

Gehun ke bone ka samay alag alga rajyon mein unke mausam ke anusaar alag alag hota hai. Gehun rabi fasal mein aata hai jo sardi ki shuruaat mein boye jaati hai aur garmi ke prarambh mein kati jaati hain. Karnataka, Mahrashtra, Andhra pradesh, Madhya Pradesh aur Pashchim Bengal mein gehun Setember aur October ke mahine maein boye jaate hain. Bihar, Uttar Pradesh, Punjab, Haryana, aur Rajasthan mein gehun October aur November ke mahine mein boye jaate hain tatha Jammu kashmir aur Himachal Pradesh mein gehun November aur December ke mahine mein boye jaate hain.

Gehun ke beejon ka chunav aur unki matra

Gehun ke aise beej chune jo swasth hon, Unmen koi keeda nahin laga ho aur na hi woh halke se dabane par powder ban jaate hon. Woh gehun jo halka sa dabane par toot jaata hai aur powder ban jaata hai uske andar keeda hota hai aur usay bone par acchi fasal nahin hoti hai. Iske saath hi kitna gehun boo rahen hai uski matra ka bhi dhyan den. Prati 10 hajar varg feet ke khet par 2.5 kilogram gehun ko bona chahiye.

Khet ke miiti ki tayyari

Khet ki mitti ki acchi tarah khudai kar len aur usmy rasaynik kahd ke saath prakritik kahd bhi milayen. Keval rasaynik khad dalne se mitti ki upaj ki shamta kam hoti hai. Yadi khet 40 hajar varg feet faila hai to adha ton prakritik khad kafi hai. Rasaynik khad mitti ki jaanch karvane ke baad avashkta anusaar hi milayen. Iske atirikt khet mein di ammonium phosphte aur potash ki aavashyak matra bhi milani hogi. Yadi mitti mein nami ki matra thodi kam hai to gehun bone se pehle thodi sinchai karen jisse khet mein nami aa sake. Khet ko acchi tara se jooten jisse ki usmyn gehun ki fasal aasani se utpann ho sake.

Khet mein gehun bone ki vidhi

Khet min gehun bone ke lambi lambi pankityaan banaye aur unke doono aur mitti ki seema banayen jise med khate hain. Ab in panktiyon mein 8-8 inch ki doori par chaukor gadde khoden tatha pratyek gadde mein 2 se 4 tak gehun daalen. Gehun bone ke baad unhen dheelee mitti se dhak den.

Khet ki jaanch karen

Lagbhag ek saptah baad khet ki jaanch karen aur dekhen ki khet ke kis bhaag mein gehun ankurit nahin huye hain. Agar kisi bahag mein gehun ankurit nahin huye hain to kuch gehun geele kapde mein bandh kar rakh den. Do din mein hi woh ankurit ho jaayenge. Unhen khet mein us jagah dal den jahan ankuran nahin hua hai.

Khet ki Sinchai

Gehun bone ke 15 din baad khet ki pehli sinchai karen. Yeh ghun ke paudhon ki jadyen majboot karne ke liye bahut zaroori hai. Khet ki doosri baar sinchai gehun bone ke 25 din baad karen. Gehun ke bone ke 35 se 40 din baad khet ki teesre baar sinchai karen. Iskay baad gehun bone ke 60 ven din, 80 ven din aur 100 ven din sinchai kare.

Ghas Foos ko hatayen

Gehun bone ke 18 din baad khet mein gehun ke paudhon ke saath ug rahi ghaas phoos ko hata den jisse paudhon ko paryapt jagah mile. Isay haath se ukhad den ya kudali se dheer dheere ukhaden.  Iske 10 din baad ek baar phir khet ki ghaas phoos ko hatayen.

Gehun ki fasal

Ab gehun ki fasal mein hari hari baaliyan aayengi. Jab yeh baaliyan puri tarh se peele rang ki ho jaayen tab samjhiye ki gehun ki fasal tayyar ho gayi hai. Gehun ki katai Karnataka, Andhra Pradesh, M.P. aur Pashichi Bengal mein January aur February ke mahine mein, Punjab, Haryana, U.P. aur Rajasthan mein March aur April ke mahino mein, Himachal Pradesh aur Jammu Kashmir mein April aur May ke mahin mein ki jaati hai.

Kheti Karne Ke Tips In Hindi.

Mr Hindi Indian Youtube Channel