Free Recharge App

Gehno Ki Safai Kaise Kare | Tarike and Tips Ki Jankari Hindi Me


  • Free Recharge on Mobile - Download Now
Free Mobile Recharge Kaise Kare
Gehno Ki Safai Kaise Kare | Tarike and Tips Ki Jankari Hindi Me
Gehno Ki Safai Kaise Kare

Gehno Ki Safai Kaise Kare

Dosto, aaj ke humare iss lekh ka topic hain Gehno Ki Safai Kaise Kare. Jaisa ki hum sabko yeh baat pata hain ki aurato ke liye unka gehna hi unka sabkuchh hota hain. Isiliye hume lagta hain ki aaj ka yeh post aurato ke liye kafi madadgar aur zaruri hain. Toh chaliye jante hain ki hum apne gehno ki safai kaise kar sakte hain.

Dish soap se kare apne gehno ki safai

Dosto! Kya aap logo ko yeh pata hain ki dish soap ke dwara apne gehno ko naya kiya ja sakta hain aur gehno ko khoyi hui chamak wapas layi ja sakti hain. Ji ha dosto yahi sanch hain. Iske liye aap ek katori main garam pani le lijiye. Ab uss pani main liquid dish detergent ki kuchh bunde daal dijiye. Lekin yaha par ek baat ka aap logo ko khayal rakhna hoga ki jis pani main aap liquid dish detergent daal rahe hain, woh pani sirf halka garam hona chahiye yane ki woh ubalta hua pani nahi hona chahiye. Ayesa iss liye hain kyun ki agar aapka pani jada garam hua toh ho sakta hain ki aapke gehno main darar par jaye. Khaskar agar aapke gehne jada nazuk aur kimti ratno se jade ho toh jada tapman ke karan unn bahumulya ratno par darar par sakti hain.

Pani ke sath liquid dish detergent ko mix karne ke baad aap log niche diye gaye tariko ko follow kariye.

Step 1

Agar aapke gehne sone ke hain toh karib 15 minute tak apne gehno ko uss mishran main daal kar chhod dijiye. Jab tak aapke gehne pani main rahenge tab tak garam detergent ka pani aapke gehno ke dararo main ghuskar waha ki jami gandagi ko saaf kar dega.

Step 2

Ab aap log apne gehno ko naram danto wale brush se dhoye. Lekin yaha par ek baat yaad rakhiye ki aap apne sare gehno ko ek sath na dhoye yane ki har ek gehne ko alag alag karke dhoye. Aur sath sath unn chhoti motti dararo par vishes dhyan de kyuki unn dararo main gandagi jami hoti hain aur brush ki madat se dheere dheere ghisne se woh gandagi nikal jayegi. Aapka brush jitna hi naram danto ka ho utna hi accha hain kyuki kare danto wale brush se aapke gehno ki satah par darare aa sakti hain.

Aapke gehno ko sone ka pani chadhakar banaya gaya hain matlab agar aapke gehne khade ya tthos ke nahi hain toh kade danto wale brush se aapke gehno par chadhaye sone ki parat puri tarah se gayab ho sakti hain. Wese toh inn kamo ke liye vishes brush aata hain aur unka prayog ki sabse behtar hain lekin agar aapke paas woh brush uplabhad nahi hain toh kaam chalane ke liye aap eye brow brush ka istemaal nishchint hokar kar sakte hain.

Step 3

Gehno ko brush ki madat se saaf karne ke baad aap bahte pani main unn sare gehno ko acchi tarah se dhoye. Ayesa karne se gehno par jitna bhi dheela pada mail hoga woh sab nikal jayega. Yaha par fir se aap log ek baat ka khayal rakhiye ki aap log jis pani se apne gehne ko dho rahe hain woh pani jada garam na ho.

  • Free Recharge on Mobile - Download Now
Free Mobile Recharge Kaise Kare

Step 4

Gehno ko pani se dhone ke baad aap apne gehno ko naram kapdo se ponchh kar sukha de. Gehno ko panchhne ke baad gehno ko tauliye par rakh kar khuli hawa par puri tarah se sukha le.

Chandi ke Gehno Ki Safai Kaise Kare – gharelu tricks

 Namak ke istemaal se

Ek bartan main 2 cup garam pani daale. Gehno ke hisaab se hi pani rakhe, agar gehne jada ho toh pani jada rakhe aur gehne agar kam ho toh pani thoda kam rakhe. Ab iss pani main ek bada chammach namak rakhe. Ab namak ko acchi tarah se pani main ghulne de. Jab namak pani main acchi tarah se ghul jaye tab aluminium foil ke kuchh tukre farkar uss katori main daal de. Ab apne sare abhushano ko uss mishran main daal de. Ab 5 minute tak ayese hi chhod de. 5 minute ke baad apne gehno ko uss pani main se nikal le. Agar aapki chani jada kali ho gayi hain toh iss prakriya ko dobara kare.

Gehno ko iss tarah se saaf karne ke baad apne gehno ko thande pani se dho le. Uske baad kisi mulayam kapde se unhe saaf kapde se ponchh le.

Upar humne aap logo ko chandi ke gehne saaf karne ke tricks ke bare main bataya hain. Dosto agar aap log inn tricks ko follow karenge toh aapke chandi ke gehno par jo daag dhabbe hain woh sare saaf ho jayenge lekin agar fir bhi saaf nahi hue toh aap log niche diye gaye tariko ko apnakar apne gehno par lage gandagi ko saaf kar sakte hain.

Polish ke dwara

Agar aap gehno ki safai kaise kare janana chahte he to sabse pahle aap log chandi ke gehno ko chamkane wali polish kharid le. Yeh aapko gehne ki dukano par badi asani se mil jayegi. Lekin ek baat ka dhyan rakhe ki aap jo polish kharid rahe hain uski quality acchi ho. Ab ek sponj ko chandi polish ke sath gila kar le aur usse chandi ke gehno par ragde. Ragadne ke liye sidhi line se ragde.

Kuchh der ke baad aap apne gehno ko chalte hue pani main dho le. Aur yaad rakhe ki gehne acchi tarah se dhul jane chahiye kyuki polish ka acchi tarah se nikalna behad hi zaruri hain. Baad main kisi mulayam kapde se sare gehno ko acchi tarah se ponchh le aur acchi tarah se gehno ko sukha le.

Dosto! Hum yeh toh jan gaye ki gehno ko saaf karne ki liye hum kin kin tariko ko apna sakte hain. Toh aaiye ab yeh jan lete hain ki gehno ko surakshit aur naya rakhne ke liye kya kya savdhania rakhni chahiye.

  1. Gehno ko niyamit antral ke baad baad saaf karte rahe.
  1. Gehno ko dhone ke liye dhatu ke bartano ka ya fir sink ka prayog na kare.
  1. Gehno ko sahej kar rakhe. Iss kaam ke liye aap kisi vishes bag ka istemaal kar sakte hain.

Ab to aap log samajh gaye he ki Gehno Ki Safai Kaise Kare. End main hum aap logo se bas yahi request karenge ki aap log ek baar iss lekh par aur hamare upar trust kariye aur inn tricks ko apnakar zarur dekhiye. Hume puri ummid hain ki inn tricks ko follow karke aap logo ko zarur fayeda hoga.

Chehre Se Daag Kaise Mitaye?

What's Your Reaction?

Love It Love It
0
Love It
Like It Like It
0
Like It

Gehno Ki Safai Kaise Kare | Tarike and Tips Ki Jankari Hindi Me

log in

reset password

Back to
log in