Fashion Designing Mein Career Kaise Banaye – Jankari Hindi Me


Fashion Designing Mein Career Kaise Banaye

Fashion Designing Mein Career Kaise Banaye

Fashion Designing mein career banana ek bhaut accha vikalp hai. Aur Fashion designer bankar aap kafi paisa kama sakte hain. Fashion designer ka pramukh karya dresses mein naye naye design dena hai. Jisse ki log unhay kharidane ke liye prerit hon. Fashion designer jo kapde design karta hai woh vartman mein chal rahe fashion ke aadhar par hote hain. Aur woh vartman bazar mein logon ki pasand aur na pasand ke aadhar par hi kapde design karta hai. Isliye Fasion designing mein aane ke liye aapko bazar mein fashion ke bare mein pata hona chahiye. Aur kapdon, Kapdon ki silai, Kapdon ke rang aur design ka bhi gyan hona chahiye. To chaliye jane Fashion Designing Mein Career Kaise Banaye.

Fashion Designing Mein Career Kaise Banaye

Har koi apni life main bahut sare sapne dekhta hain aur har koi apni life main bahut kuchh karna chahta hain. Ayese hi kuchh logo ko fashion designing main bahut zada ruchi hota hain. Woh log apni life main bas fashion designing ka kaam karne ke liye bahut jada mad hote hain. Jo log fashion designing main apna carrier banana chahte hain woh log kisi bhi kimat par apne iss sapne ko pura karne ke liye taiyar hote hain. Aur kuchh lohg toh ayese bhi hote hain jo fashion designing main apna carrier banane ke liye bahut jada exited hote hain magar apne sapne ke liye itna mad hone ke bavajud bhi unn logo ko yeh pata hi nahi hota ki unhe apne fashion designing ke sapne ko pura karne ke liye kya karna hain.

Hum yeh nahi chahte ki aap logo ka koi bhi sapna sirf sahi jankari na hone ke wajah se hi adhura rah jaye. Isiliye aaj ke iss lekh main hum aap logo ke liye kuchh ayese tricks lekar aaye hain jinko padhne ke baad aap logo ko iss baat ka ek besic idea ho jayega ki aap logo ko apne fashion designing ke sapne ko pura karne ke liye kya kya karne ki zarurat hain. Toh aap logo se humari cmbas itni si request hain ki aap log humare lekh main diye gaye inn tricks ko dhyan se padhiye aur inn tricks ko follow karke aap log apne fashion designing ke sapne ko pura karne ke rashte par aage badhiye.

Fashion designing main career banane ke liye ajmane ke layak kuch tips

Dasvi (10th) ke baad se hi puri tarah se apne man ko pakka kar le

Agar aapko fashion designing ka kaam bahut accha lagta hain aur aap log fashion designing main apna career banana chahte hain toh aap log 10th ke baad hi yeh pakka kar le ki aapko ek fashion designer hi banna hain. Aur dasvi ke baad se hi aap andar hi andar iss baat ke liye khud ko puri tarah se prepared kar le ki aapko ek fashion designer hi banna hain.

Dasvi ke baad apne maksad ke hisaab se apne subjects aur stream ko chune

Agar aapko sanch main apne future main fashion designer ka kaam chahte hain toh pahle aapko yeh pata lagana hoga ki fashion designing ke kaam ke liye aapko kin kin subjects ke upar study karna hoga ya aapke maksad ke liye kya kya subjects anivarya hain. Aur fir aap unhi subjects ke upar aap study suru kare. Lekin aap jis bhi subject ke upar study kare unn subject ko pure dil se aur puri imandari ke sath read kare taki aap future main ek best fashion designer banne ke liye taiyar ho sake.

Kaise karen shuruat

Sabse pehle aap apni ruchi dekhen ki kya vastav mein aap fashion design kar sakte hain. Kyonki yeh ek creative field hai. Isliye ismay sikhna to zaroori hai hi saath hi is karya mein ruchi hona bhi bahut zaroori hai. Agar aapke dimag mein kapdon ke design dekhkar tarah-tarah ke vichar aate hon. App kisi kagaz mein un design ko dekhkar usay kuch alag banane ki koshish karte hon. Apko naye fashion ki jaankari ho aur aap fasion designing se sambandhit kitaben padhne ka shauk rakhte hon. To samjh lijiye ki aap fashion designer banane ke liye hi bane hain. Aur aap isay apne career ke roop mein le sakte hain.

Kaun se course karen

Apko fashion designing mein career banane ke liye kisi acche aur manyta prapt sanstha se fasion designing mein degree ya certificate lena hoga. Iskay liye apko sabse pehle kam se kam 12 ki pariksha pass karni hogi. Yeh course aap full time ya part time mein kar sakte hain. Kuch pramukh Fashion design courses he. Jaise B.Design, BA (Hons) Fashion Design, Post Graduate Diploma in Fashion Design, BA (Hons) in Fashion and Life style Business Management. Fashion and Textile Design, Master of Business Administration in Fashion Technology, Master in Fashion Technology,  Diploma in Fashion Technology.

Kaun se Institute karvate hain Fashion Designing Course

Fashion Designing aaj kal lokpriya ho raha hai Isliye har jagah kisi na kisi University ya College mein Fasion designing ka course mil jata hai. Lekin phir bhi kuch sansthan aise hain jo Fasion Designing mein jaane pehchane hain. In sansthano ke naam hain United Institute of Design  Ahemdabad,  Indian Institute of Art and Design New Delhi. Pearl Academy Mumabi, Pearl Acadamy Jaipur, LISAA School of Design New Delhi, Government Polytechnic For Women Faridabad.  The Technological Institute of Textile and Science Bhiwani, Institute of Fashion Technology Bangalore.

Kitni fees hoti hai

Fashion designing ke alag-alag courses ki fees alag-alag hoti hai. Iskay saath hi fees Institute par bhi nirbhar karti hai. Par phir bhi Fashion designing ke course ko karne ke liye aapko lagbhag 50,000 Rupay prati varsh kharch karne pad sakte hain.

Kahan Job mil sakta hai

Fashion designing ke career mein kafi zyada job hain aur acche fashion designers ki bahut demand hai. Yadi aap mein talent hai aur aap mehanti hain to aap is career mein unchaiyaon tak pahunch akte hain. Ek fresher ke roop mein jab aap fashion designer ki job shuru karte hain to apko 15,000 se 20,000 rupay prati mahine ki job mil sakti hai. Tatha apke anubhav par apki salary badh jaati hai jo kuch varshon mein hi 50,000 rupay prati mahine tak pahunch sakti hai. Yai apka kam accha hai to doosri companies apko acchi job offer karne ke liye tayyar rahti hain.

Fashion Designer ko Job dene wali Companies

Woh Companies jo Fashion Designer ko job deti hain unmay se kuch ke naam is prakar hain. Arvind Mills, Bharti Welmart, Cairon, Design N Decore, Fabindia, GemPro. Indian Terrain, Just Linen Home Fashions, Karle International Pvt Ltd, Next Steps, Pal Fashions. Reliance Brands Ltd, Shree Bharat International, Tata International, Vishal Mega, Yebhi.com.

Aage Kya Scope hota hai

Fashion Designers ke liye aage scope badhta hi jaata hai. Woh companies mein to acchi salary ke saath top position paate hi hain. Aur agar chaahen to khud ka fashion designing ka business bhi shuru kar sakte hain. Anek Fashion deigners jaise Ritu Beri, Satya Paul, Tarun Thailani ne is shetra mein naam kamaya hai.

Upar diye gaye lekh ko padhkar aap logo ko yeh acchi tarah se samajh main aa gaya hoga ki hum apne fashion designing ke sapne ko pura karne ke liye kya kya tarika apna sakte hain. Yaad rakhiye friends hume life sirf ek hi baar milti hain aur iss kimti life main agar ek bhi sapna adhura rah jaye toh yeh bilkul bhi sahi nahi hain. Isiliye aap log bas humare iss lekh diye gaye kuchh tricks ko dhyan se padhiye aur ho sake toh follow bhi kariye taki aap logo ka yeh fashion designing ka sapna pura ho sake aur aap log apni life ko bina kisi guilt ke puri tarah se enjoy kar sake.

Beauty Parlour Shuru Karne Ke Tips**

Tags:
Mr Hindi Indian Youtube Channel