Facebook Video Ko Play Hone Se Kaise Roke – फ़ेसबुक वीडियो को प्ले होने से कैसे रोके


Facebook Video Ko Play Hone Se Kaise Roke

Facebook Video Facebook ka naya feature hai, Jante hai Facebook Video Ko Play Hone Se Kaise Roke. Aaj social media mein facebook sabse zyzda lokpriya ho chuki hai. Hum facebook par kai friends bana sakte hain, Facebbok pages like kar sakte hain aur ek minute mein hi apne sabhi friends ko ek saath apne bare mein bata sakte hain ki is samay hum kya kar rahe hain. Yani facebook apne doston, parichiton se judne ka sabse accha sadhan hai. Lekin kai baar humayen facebook par pareshani ho jaati hai jab hum facebook par post kisi video ko dekhna nahin chahte aur who apne aap run ho jaata hai. Chaliye jane Facebook Video Ko Play Hone Se Kaise Roke.

Facebook Video Ko Play Hone Se Kaise Roke

Facebook Video Ko Play Hone Se Kaise Roke

Pehle facebook par jab user video par play ka button dabate thay tab video chalta tha. Lekin Facebook dwara haal hi mein change kiya gaya hai jisme video apne aap hi chal jaata hai. Issy kai pareshaniyaan hoti hain.

Apne aap video chalne se kya hoti hai pareshaniyaan?

Pehli  Is tarah apne aap chal rahe video se hamara dhyan bant jaata hai aur hum sabse pehle us video ko band karte hain. Doosri pareshani yeh hai ki apne app chalte video se facebook app bina apki marzi ke bhi kabhi kabhi data download kar leta hai aur yeh apke data usage ko to badhata hi hai saath hi apke phone ki jagah bhi gherta hai. Agar aap limited data plan use kar rahe hain to apko data ke liye zyada paise dene pad jaate hain.

Isliye yeh sabse zaroori hai ki facebook par dale video apne aap nahi chalen. Aaiye jaane kya hai who upay jiske jariya hum videos ko apne aap chalne se rok sakte hain.

Computer par facebook mein video chalne se kaise roken

Facebook mein login karen aur uskay right corner par upar ki traf ek down arrow ka button hoga. Is button par left click karen to ek Box aayega.

Is box mein sabse niche ki taraf ek option hoga Settings. Is par left click kijiye ek naya page open ho jaayega.

Is page ko scroll karke iskay niche ki taraf jaayen. Left side mein sabse last mein ek option hoga Videos. Is par left click kijiye.

Naya page open ho jaayega. Ismay ek option hoga Auto-Play Videos. Iskay samne ek button hoga jis par ek baar left click kijiye. Ab Off ko selsect kar lijiye. Facebook par Video apne aap chalna band ho jaayega.

Android phone hone par kya karen

Facebook page ko app se open kijiye. Page ke right side par 3 aadi line hongi in par tap kijiye.

Iskay baad ek nayi window khul jaayegi. Ab aap us window ko scroll kar niche ki taraf jaayiye aur settings option par tap kijiye.

Ab jo window khulegi usay scroll kijiye aur Video Auto-play option par tap kijiye. Iskay baad disable option ko select kijiye.

Apple iPhone hone par kya karen

Apple iPhone par facebook app se facebook open karen. Is facebook page mein niche ki taraf ek button hoga jisme 3 aadi line hongi aur uskay pass more likha hoga is par tap karen.

Aisa karne par ek nayi window aayegi. Ismay ek box hoga jisme niche ki taraf jaane par ek option likha hoga Settings.

Is option par tap karenge to nayi window open hogi jisme ek option hoga Videos. Is option par tap karen. Ek nayi window aayegi jisme option hoga Video settings. Iskay niche Auto-play option ko off ke liye select karen. Ab iphone par facebook mein video apne aap chalna band ho jaayega.

Kewal wi-fi internet par hi auto video chale

Agar aap facebook par video internet ke data ke zyada usage ke karan nahin chalana chahte aur jab wi-fi internet ho tabhi chalana chahte hain to kya karen?

Agar apke paas apple ka iphone ya ipad hai to iskay setting option mein jayen. Setting screen ko scroll down karen aur facebook option par tap karen. Ab facebook option ke andar settings button par tap karen. Iskay baad Photo and video option par jaayen aur Auto-play videos on Wifi only option ko select karen.

Agar apke paas android phone hai to iskay facebook app par jayen. Iskay baad menu key se setting option par jaayen. Ab Auto-play videos on Wifi option only ko select karen.

Facebook Messenger App Kaise Use Kare.

Tags:
Easy Life Tricks
Sponsored Channel
Mr Hindi Indian Youtube Channel