Diwali Kaise Manate Hai Eco Friendly – दीवाली कैसे मनाते है


Diwali Kaise Manate Hai Eco Friendly - Jankari Hindi Me

Diwali Kaise Manate Hai

Diwali Kaise Manate Hai – Eco Friendly

Hello dosto ! Aaj main aap logo ke liye ek aisa topic lekar aayi hoon jiske naam se hum sabke chehre par ek ajib si khushi aa jati hain. Aaj ka humara topic hain Diwali Kaise Manate Hai. Hindu dharm wale logo ke jivan main diwali ka ek alag hi importance hain. Ek saal se hume is tyohar ka besabri se intejar rahta hain aur jis din yeh festival aata hain us din sabke ghar, angan aur shahar ke sath sabka man bhi raushan ho jata hain. Kaha jata hain ki diwali ke din hi bhagwan Ram ji apne 14 barsho ka vanvas khatam karke wapas Ayodhya nagri main laut aaye the. Ram ji aur Sita ji ke aane ke khushi main issi din pure Ayodhya nagri main deep jalaya gaya tha. Isiliye pratyek varsha is amavas ki ratri ko diye se rausan kar diya jata hain.

Diwali Ka Mehatva

Beshak, diwali khusiyon ka festival hai. Lekin khusi manane ke chakker main environment ko kitna nuksan pahuchta dete hain. Kabhi socha hai is bare main. Sajawat ke saman se lekar, diwali main jalaye jane wale patakhe bhi kudarat ke liye nuksandeh sabeet hote hain. Toh chaliye is baar manate hain asali diwali. Khusiyon se bharpoor eco friendly diwali. Yaani khusiyon par na lage pollution ki najar.

Diwali ka tyohar burai par acchai ki jeet ka pratik hain. Diwali ke din jalta hua har ek diya bas yahi sandesh deta hain ki chahe burai kitna bhi takatvar kyu na ho usse acchai ke samne sada jhukna hi padta hain. Wese toh yeh baat har koi janta hain ki diya jalakar diwali ka tyohar manaya jata hain lekin hum is tyohar ko manane ki vidhi ke bare main thoda detail main batana chahte hain. Toh aaiye jan lete hain ki diwali ka tyohar kaise manaya jata hain.

Diwali manane ke tarike

Lakshmi ji ki puja se kare diwali ki shuruat

Diwali ki shuruwat agar Lakshmi puja ke sath ho toh pure saal humare ghar main Lakshmi ji ka vaas rahta hain. Isiliye aap log bhi diwali ke din sabse pahle Lakshmi ji ki ek photo ya murti arrange kar lijiye. Ab us murti ya photo ke aage aap log ful, mala, prashad etc. arpan karke fir sacche man se Lakshmi ma ki aarti kariye. Lakshmi ma ki photo ya murti ke samne aap log diya jalana mat bhuliye. Lakshmi ma ke aage deep jalane ke baad aap log apne ghar, angan ke size ke hissab se bahut sare diya jala lijiye aur un diyo se apne ghar aur angan ko puri tarah se saza dijiye.

Aap log apne chhat par aur diwaro par market main milne wale chhote chhote bulbs lagakar apne ghar angan ko aur jada raushan kar sakte hain. Diwali main log phuljhadiya jalakar aur patakhe fodkar apni khushio ko badhate hain. Aap log bhi phuljhadiya jalakar apne khushi ko beshak dugna kariye lekin padake fodte waqt thoda savdhani rakhiye Khaskar chhote chhote baccho se inn patakho ko dur rakhiye. Aur pollution ko dhyan main rakhte hue aap log apne patakho ko thoda control main rahkar fodiye aur ho sake toh phuljhadio ko jalakar hi aap log apne diwali ke din ko enjoy kariye. Aap diwali ke din apne friends aur rishtedaro ko gifts dena mat bhuliye.

Sajawat main bhi rakhe environment ka khayal

Yad kijiye apna ghar sajane ke liye rangin kagaj aur rangoli ka use hota tha. Hand made paper se bani kandil aadi chije chato se tangi hui ghar ki shobha badhati thi. Lekin, bite kuch salo main ghar sajane main plastic ke saman ka use bahut badh gya hai. Diwali par ye ghar sajane ke kaam ate hain. Lekin kuch dino baad hi ye sadko aur galiyon main bikhare dekhe ja sakte hain. Ye naliyon toh jaam karte karte hi hain sath hi sath environment ko bhi nuksan pahuchate hain. Kyuki aap sabhi jante hain ki plastic galta nahi hai. Natijetan iske asar dushprabhavo ke bare main sochna chaiye.

Na dhoom na dhamaka, is baar no patakha

Patakhe environment ke liye bhut nuksandeh hai. Lekin, naki ‘charity bigins at home’ toh sabse pehle khud patakhe na jalane ka promise kare. Apne bachhe or friends ko bhi diwali par patakhe na jalane ke liye prerit kare.

Eco friendly patakhe bhi hain bajar main

Halaki is baar patakha bajar bhi pollution se nipatne ke liye tayyari kar maidan main utra hai. Is baar aap bajar jaye toh apko eco friendly patakhe mil jayenge. Inse awaz aur dhuaa bhi kam nikalta hai. Problem yeh hai ki log isko jyada pasand nahi kar rahe hain, jyadatar youngs ko jayda awaz wale patakhe hi pasand aate hain.

Roshan kare jaha

Diwali roshani ka festival hai. Is mauke par gharo ko roshan karne ke liye pehle mitti ke diye jalane ka riwaz tha, lekin ab inki jagah chamchmati lights ne le li hai. Isse current ki khapat badhti hai. Behtar hoga ki gharo ko mitti se bane diyon se roshan kiya jaye. In lights par nirbhar zara bhi kam rahe

Eco friendly ho gifts

Diwali par parijano or shubhchintako ko gift diya jate hain. In gifts main designers diye, mithaiya, kalatmak kretiyu aadi ka shamil kiya ja sakta hai.

Upar diye gaye lekh ko padhkar humne jana ki diwali ka tyohar kaise manaya jata hain. Aap log diwali ke iss din ko jitna ho sake utna khas banane ki koshish kariye kyun ki kya pata agle saal aapko yeh festival manane ka chance mile bhi ya na mile. Hum aisa isliye keh rahe he ki jo job karne wale log he unmese bahut si companies aisi he jo Diwali par bhi apne employees ko leave nahi deti. Isiliye jab bhi khushiya batane ka chance apko mile to use bilkul na gavayen. Aap logo se meri request hain ki aap log humare is lekh ko dhyan se padhiye and janiye ki diwali ke tyohar ko hum aur acche se kaise mana sakte hain taki aap log apne diwali ko aur jada khas and beautiful bana sake aur apne life main ek saal ke baad aaye is din ko aap log acche se enjoy kar sake.

BhaiDooj / Bhaubeej Ka Utsav Kaise Manaye.

Tags:
Mr Hindi Indian Youtube Channel