Dar Ko Dur Kaise Bhagaye – Himmatvaan Bane डर को दूर कैसे भगाए


Dar Ko Dur Kaise Bhagaye Himmatvaan Bane

Dar Ko Dur Kaise Bhagaye

Aaj hum janenge Dar Ko Dur Kaise Bhagaye Himmatvaan Bane. Aap toh jante hi hai ki bina kisi kaam ko kia to apki na koi respect karta hai na apko kisi type ka maan samman milta hai. Lekin apko krna kya? Isi ke pashu pesh me aap ya toh galtiya karte hai ya us kaam ko karne se pahle hi haar maan lete hai ya aap dare dare se rahte hai. Apko usi dar ko nikalna hoga hamein na sirf khud ko bhaymukt karna hoga, balki dusro ko bhi bhay aur nider banana hoga.

Dar Ko Dur Kaise Bhagaye – हिम्मतवान कैसे बने

Aaj hum apne iss lekh main aap logo ko yeh batayenge ki dar ko kaise dur bhagaya ja sakta hain. Dar bahut logo ka ek problem hota hain. Ayese log jaha bhi jate hain jis kaam ke liye bhi aate hain, humesha darte rahte hain. Ayese logo ko chahiye woh log apne man se uss dar ko kaise bhi karke bahar nikal de. Lekin sawal toh yeh hain ki woh log apne man se dar ko bahar nikale toh nikale kaise. Aise halat main hum aap logo ki thodi si help karna chahte hain isiliye hum aaj ka yeh lekh lekar aap logo ke samne hazir hue hain taki iss lekh ko padhkar aap logo ko bhi yeh pata chal sake ki hum kaise apne man se dar ko bahar nikal sake.

Bharosha rakhiye inn tricks ko padhkar aap logo ko zarur help milega aur nishchit roop se aap log apne man se dar ko bahar nikalne main safal ho jayenge. Dusro ko bhaymukt karne ke liye pehle khud ko bhaymukt karna hoga kyun ki jo vyakti khud bhaybhit rehta hai, wo dusro ko bhaymukt kaise karega.

Dar ko kam karne ke kuchh asan aur saral tarike

Apne aap par humesha garv kare

Aap agar apne dar ko puri tarah se bhagana chahte hain toh aap jo bhi kare apne uss kaam ke upar trust rakhe aur apne aap par garv kare. Agar hume apne aap par ya apne kiye gaye kaam ke upar bharosha nahi rakhenge aur humesha apne aap par ya apne kiye gaye karyo ke upar doubt rakhte hain toh hum humesha dare dare aur sahme sahme rahte hain aur tab hum apne confident level ko jada develop karne main safal nahi ho pate hain.

Apne look ke upar dhyan de

Aap humesha apne liye koi ayesa dress choose kare jo sabse hatkar aur unique ho. Agar aap apne liye koi ayesa dress choose karenge jisko pahanne ke baad aap sabse hatkar aur unique dekhenge aur tab har koi aapko dekhkar thoda nahi toh thoda affected zarur hoga aur tab koi bhi insan aapke paas akar aapse baat karna chahega aur jitna jada aap logo se ghul – milenge aur jitna jada aap logo ke sath baat cheet karenge utna hi aapka dar dur bhagega aur utna hi aapke andar confident badhta chala jayega. Aur ayese karte karte ek waqt ayesa ayega jab aap aapke man ka dar puri tarah se gayab ho jayega.

Meditation kare

Meditation karna bhi dar ko dur bhagane ke liye bahut fayedemand hota hain. Agar aap log apne man se dar ko dur bhagana chahte hain toh aap log roj meditation karne ki adat daal lijiye. Meditation karne se aap logo ka confident level bahut jada aur bahut zaldi badh jayega aap logo ka dar humesha humesha ke liye khatam ho jayega aur aapka dar puri tarah se khatam ho jayega tab aap log apna har ek kaam full confident hokar kar payenge.

Help ke liye tatpar rahe

Dusro ki raksha kar sakta hai. Jo khud fatehaal darpok hota hai. Wo dusro ko kya dega? Dusro ko nirbhay banane ki baat kahne wala agar khud darpok ho, toh uska kya result niklega, yeh toh aap clearly jante hi hain. Bhaymukt jiwan jina bhi ek kala se kam nhi hota. Jiska aasaan tarika ye hai ki aap dusro ki help karne ke liye hamesha tatpar rahe jisse aapko hosla milega.

Sakaratmak soche

Bhaymukt hona ek parkar ki sadhna hai. Khud ko bhaymukt karne ke liye apko hamesha abhyas karna hoga. Iske liye pehle din se abhay banne ka prayas karna hota hai. Ek raat mai abhay banne ka prayas karna padega. Ise is tarah samajh sakte hain ki pehle hum din mai kisi makaan main akele rahe ya kisi bhi work ko aap akele karne ka prayas kare fir raat ko us makaan ke brande mai rahe. Iske baad andar kamre mai akele rahe or fir samsaan main jakar din main ghumte rahe, fir usi samsaan main raat main rahe.

Jo insaan andhera gherte hi darne lagta ho wo dusro ko kaise bhaymukt ki roshni de sakta hai. Yeh jaruri nahi ki aap ise kare pehle aap un logo se mile jo poori tarah skaratmak vichar rakhte hain kyuki bhay or darr hamesha nakaratmak logo par jayda prabhav dalta hai.

Nidar rahe

Ye baat bhi yad rakhni chahiye ki jo insaan jitna bhaybhit hota hai, wo utna hi hinsak ho jata hai. Aisa insaan bhut khatarnaak hota hai. Wo kisi ki hatya kare ya nahin, sabse pehle apne aap ki hatya kar leta hai. Jo abhay, nidar banega wo kisi  ke prati ber-virodh ka vyavhaar nahi kar payega, balki auron ki help ke liye bhi aage aayega. Dar se mukt nirbhay insaan apne aap mai one man army ki tarah hota hai jo dar ki poori fauj ko maat de sakta hai. Na toh kisi anya ke prati na khud ke prati. Aisa insaan na kisi ko satata hai na kisi ko marta hai. Uske dimag mai ber-virodh ka bhaw peda nhi ho sakta. Wo insaan bhay or ber se mukt hokar apne target ki taraf badhta hai.

Dar Lagne wale kam pehle kare

Aapko chaiye ki aap un chizo ko un kaamo ko pehle karne ki koshish kare jisse apko dar lagta hai. Kyuki kuch kiye bina hi apko apki manjil nahi mil sakti manjil ko pane ke liye apko apne aap par vishwash karna hoga or dusro mai bhi vishwash jagana hoga. Apni sochne ki shakti mai sirf sakartamak ko janma dena hoga jisse aap dar bhay ko apne or dusro ke jiwan se koso dur bhaga sakte hain.

Aatmavishwas Badhaye

Aap ko koi nahi maar sakta kyuki aatma ajar-amar hoti hai or jis shakti ke izazat patta bhi ped se nahi tutta us shakti ke bina apko kya koi nuksan pahucha ya mar sakta hai. To fir bewjah ka dar kesa? Isliye friends jo bhi work kare pore aatmviswash aur natural ki shakti par bharosa rakh kar kare. Dar apka aatmavishvas dekh kar apse koso door bhagta jayega. Kyuki dar ke aage jeet hai.

Upar diye gaye lekh ko padhkar aap logo ko yeh pata chal chuka hoga ki hum kaise apne man aur mashtishka se dar ko bahar nikal kar rakh sakte hain aur apna har ek kaam full confident hokar kar sakte hain. Toh humari aap logo se bas yahi salah hain ki aap log zara bhi der mat kariye aur inn tricks ko acchi tarah se follow kariye taki aap logo ko kabhi bhi apne man ki dar ka samna na karna pare aur aap log har ek kaam ko confident hokar kar sake.

Respect and Samman Se Jine Ke Life Tips – Jarur Apnaye.

Mr Hindi Indian Youtube Channel