Free Recharge App

Danto Ki Care Kaise Kare | Danto Ki Suraksha Kaise Kare | Tips in Hindi


  • Free Recharge on Mobile - Download Now
Free Mobile Recharge Kaise Kare
Danto ki Care kaise kare - Danto Ki Suraksha Kaise Kare
Danto ki Care kaise kare – Suraksha Tips

Danto Ki Care Kaise Kare

Aaj ka humara title hain danto ki care kaise kare. Toh aap log bas iss post ko acchi tarah se read kariye aur apne danto ki acchi tarah se dekh-bhal kariye.

Danto Ki Care Kaise Kare – tips

Din bhar main kam se kam do baar brush kare

Din bhar main humare dato ko kam se kam do baar brush karna chahiye. Ek baar brush toh din bhar main har koi hi karta hain lekin kuchh log hi ayese honge jo din bhar main do baar brush karte honge. Lekin humare dato ko thik rakhne ke liye dato ko do baar brush karna chahiye. Jab hum raat ko khana kha lete hain tab sone se pahle hume ek baar brush kar lena chahiye. Raat ko brush na karne se humare dato main fansa hua khana bahar nahi nikal pata aur raat bhar humare dato main khana fansa hua rahne ke karna humare dato main bimaria hone lagti hain. Kuchh logo ke muh se badbu aata hain. Aur muh se badbu aane ke kai reason ho sakte hain. Ayese main agar raat ko khana khane ke baad brush karke sone jaye toh muh ki badbu se chhutkara paya ja sakta hain.

Namak aur tel ko mix karke masuro main lagaye

Agar aapke masure kamjor hain ya aapki dato main dard hota hain ya aapka muh se badbu aata hain toh aap iss upay ko ajmakar dekh sakte hain. Aap apni hatheli par thoda sa namak aur tel le lijiye. Aur fir uss mishran se apne masuro ko maliye. Lagatar kuchh dino tak ayesa karne se aapke masure mazbut ho jayenge aur aapke muh se badbu aana bhi bilkul band ho jayega. Aap apne dato ko brush karne ke baad jab bhi aapko samay mile tab namak aur tel se apne masuro ko ghis sakte hain. Aur namak aur tel ko apne masuro par lagane ke baad kuchh der tak kulla na kare. Aur iss dauran aapke muh main aa rahe lar ko nigle nahi balki bahar fek de. Agar aapko samay mile toh aap iss prakriya ko din bhar main do baar bhi kar sakte hain.

Amrudh ka apne danto se chabaye

Dosto! Agar aapko danto ki care kaise kare ye sawwal khaya ja raha he toh kya aap logo ko yeh pata hain ki amrudh ko apne dato se chabana bhi humare danto ke liye fayedemand hota hain? Agar ha toh koi baat nahi, lekin agar nahi toh aaj hum aap logo ko yeh bata de ki amrudh ko chabane se humare dant acche rahte hain. Agar kisiko payeria jaisi problem hain toh amrudh ko chabane se aram milta hain. Amrudh ko niyamit roop se khane se humare muh se badbu aana band ho jata hain aur danto main se jab tab blood aane ki samasya bhi khatam ho jati hain. Lekin amrudh ko sare danto se puri tarah se chabana hoga. Tabhi hume fayda hoga aur humari samasya ka samadhan hoga.

Amrudh ek bahut hi accha fruit hota hain jo asani se market main mil jate hain aur amrudh ki ek aur khas baat yeh hain ki iske daam bhi bahut kam hote hain, jiske wajah se ek garib se garib insan bhi isko base asani se afford kar sakta hain. Toh aap logo se humari yeh request hain ki agar aap logo ko bhi ayesi koi problem hain toh aap log iss upay ko apnakar zarur dekhe.

  • Free Recharge on Mobile - Download Now
Free Mobile Recharge Kaise Kare

Garam koi cheez khane ke turant baad pani na piye

Aksar hum log kya karte hain ki koi garam cheez jaise chay, coffee etc. pine ke turant baad hi pani pi lete hain. Lekin actually main ayesa karne se humare danto ko kafi nuksan pahunchta hain. Aap logo ne bhi iss baat ko notice kiya hoga ki jab bhi hum koi garam cheez khane ke turant baad pani pite hain toh humara danto main thodi der ke liye jhan-jhana-hat ya yu kahe ki thodi der ke liye halka halka dard mehsus hota hain.

Agar hum log lagatar iss tarah se garam cheez khane ke turant baad pani ya aur koi thandi cheez ka sewan karte rahe toh isse humara dant bahut zaldi kamjor ho jata hain. Aur sirf itna hi nahi, ayesa karne se kam umar main hi humare dant hilne lagte hain aur jharne bhi lagte hain. Isiliye hum aap logo se bas yahi kahenge ki agar aap logo ko apne danto se pyar hain aur aap log apne danto ko lambi umar dena chahte hain toh aap log kabhi bhi ayesi galti mat kariyega.

Ek accha sa toothpaste ka istemaal kare

Aaj kal market main nayi nayi tarah ke bahut zada toothpaste aa gaye hain, jiske wajah se hum jaise log confuse ho jate hain ki hum inn main se kaun se toothpaste ka chunav kare. Kabhi kabhi hum sahi toothbrush ka chunav karne main galti kar dete hain jiski saza humare danto ko bhugatna padta hain. Isiliye humare liye sahi toothpaste ka chunav karna bahut hi zaruri hain. Kuchh log toh saste ke chakkar main kisi ayese toothpaste ka chunav kar lete hain jo bilkul bhi accha nahi hota hain. Isiliye hum aap logo se bas yahi kahenge ki aap log apne toothpaste ka chunav karte waqt khas taur par dhyan rakhe aur sahi toothpaste ka chunav kare. Agar aap log ko sahi toothpaste ka chunav karne main mushkil ho raha ho toh aap log kisi dentist ki help le sakte hain.

Neem ke dantuan se danto ko saaf kare

Neem ka dantuan humare danto ke liye bahut hi fayedemand hota hain. Iss dantuan se danto ko saaf karne se humare danto main jitne bhi kitanu hain woh sare nasht ho jate hain aur humara dant ekdar saaf aur fresh ho jata hain. Agar roj sambhav na ho toh week main kam se kam ek baar danto ko neem ke dantuan se apne danto ko zarur saaf karna chahiye. Jin logo ke danto main payeria ki samasya hain, woh log agar apne danto ko neem ke dantuan se saaf kare toh kchh hi dino main unko pahle se kafi better feel hoga aur unke danto se khun (blood) aana bhi kuchh hi dino main bilkul band ho jayega.

Toh ab bas aap log Danto Ki Care Kaise Kare iss post ko acchi tarah se read kariye aur iss lekh main jo bhi tips diye gaye hain unn tips ko agar ho sake toh zarur follow kariye taki aap logo ke humesha saaf aur surakshit rah sake.

Pachan Kriya Kaise Sudhare?

What's Your Reaction?

Love It Love It
0
Love It
Like It Like It
0
Like It

Danto Ki Care Kaise Kare | Danto Ki Suraksha Kaise Kare | Tips in Hindi

log in

reset password

Back to
log in