Computer Se Delete Files Ko Recover Kaise Kare

Computer Se Delete Files Ko Recover Kaise Kare – डिलीट फाइल्स को रिकवर कैसे करें

ComputerSe Delete Files Ko Recover Kaise Kare

Hello friends! Aaj ke iss lekh main aap logo ko yeh pata chalega ki Computer Se Delete Files Ko Recover Kaise Kare. Computer ek bahut hi zaruri cheez hota hain aur iske dwara hum bahut sare kaam karte hain. Hum apne computer main bahut si zaruri cheeze rakhte hain aur kabhi kabhi jab humara zaruri file etc. delete ho jata hain aur hume yeh pata nahi rahta ki uss file ko recover kaise kiya jata hain toh hum bahut zada tension main aa jate hain. Lekin aaj ke baad aap logo ko iss bare main zara bhi tension lene ki zarurat nahi hain kyuki aaj ke iss lekh main aap logo ko yeh pata chal jayega ki computer se delete files ko recover kaise kiya jata hain. Ek baar aap logo ko iss bare main jankari ho gayi fir aap log kisi bhi delete file ko recover kar payenge aur apne kaam ko bina kisi rukawat ke acchi tarah se kar payenge.

Computer Se Delete Files Ko Recover Kaise Kare

Computers, laptops is duniya me logo ki pahli jarurt ban gayi hai. Office se lekar ghar tak computers ka har jagah istemaal hone laga hai. Log apni important se important files hard disk me save karne lage hai. Iske fayda ye hai ki aap ko 50 copies me apna information maintain nahi karna padta. Aap apna data kisi computer ya laptop me me bade hi aasani ke sath rakh sakte hai. Lekin computer ya laptop me apne important information save karne ke kuch disadvantage bhi hai. Kabhi kabhi ham galti se ya jaldi jaldi me koi important file delete kar dete hai. Jo ki hamare liye badi musibat sabit ho sakti hai. Dosto hamara aaj ka article bhi iske bare me hai ki ham Computer Se Delete Files Ko Recover Kaise Kare, chaliye shuru karte hai.

Computer se deleted files ko recover karna jada muskil task nahi hai. Kabhi kabhi aaisa bhi hota hai ki file delete nahi hote to sab se pahle aap apne computer se us folder ko phir se dekhe jaha aap ne us file ko save kiya tha aur aagar aap ko vo file waha na mile to to aap hamare bataye gaye procedure ko follow kare. Iske liye aap ko bas ek software download karna hoga jiska naam hai recuva.

Backup Ke dwara aap log apne data wapas pa sakte hain

Aap backup ke dwara apne khoye hue data wapas pa sakte hain lekin yeh method tabhi work karta hain jab aapne pehle se apne computer ka backup bana rakha ho toh aap backup ki file ko access karke apna data recover kar sakte ho. Iss method main aap apne data ko wapas Palo aisa zaruri bhi nahi hota kyu ki ho sakta hain ki aapne backup banaya hi na ho. Toh ayese main  hume software ki zarurat padti hain. Lekin fir bhi hum iss bare main jankari de rahe hain kyuki har cheez ki jankari humare liye bahut zaruri hoti hain.

Recycle bin

Agar aap computer main expert hain aur computer ke bare main sabkuchh jante hain toh aap recyclebin ke bare main zarur jante honge aur aap ye bhi sonch rahe honge ki yeh kya method hain, yeh toh sabhi log jante hai lekin nahi dosto, agar aap iss ke bare main gyan rakhte hain toh iska matlab yeh nahi hain ki iss ko sabhi log jante honge. Aaj bhi bahut se ayese newbie(Naye readers) ho sakte hain jinhe yeh nahi pata hoga iss ke bare main aur woh apna data kisi galti se delete kar dalte hain, toh unhi ke help karne ke liye hum batana chahte hain ki jab hum koi data jaise, picture, video, movie, audio, document etc. galti se  delete kar dete hain tob woh sidhe humare recycle bin main pahunch jati hain aur waha jakar aap iss ko fir se recover kar sakte ho.

Aap agar yeh nahi jante hain ki recycle bin kaha rahta hain toh aap apne computer par recycle bin search kar sakte hain. Isko kuchh log kachde ka dibba bhi kahte hain. Lekin iss dabbe ki ek problem bhi hain aur woh problem yeh hain ki agar humne kisi item ko parmanently delete kar diya  ho shift+delete ki button daba kar, toh woh item humare recycle bin main nahi pahuchta hain.Toh ayese main hum apne data ko recycle bin ke madhyam se wapas nahi pa sakte aur ayese situation main hume zarurat padti hain koi achhe se software ki jo permanently delete huye data ko recover karne main humari help kar sake.

Recuva

Recuva basically ek data recovery software hai jo piriform ke dwara banaya gaya hai. Aap recuva ka upyog apne usb flash drive, memory card ke deleted data ko recover karne ke liye bhi kar sakte hai. Vnunet.com recuva ko effective tool kaha tha.

Computer Se Delete Files Ko Recover Kaise Kare

Chaliye jante hai aap recuva se Computer Se Delete Files Ko Recover Kaise Kare. Recuva se deleted files recover karne ke liye pahle toh aap ko recuva software download karna hoga, recuva software ka download link aap ko article ke end me mil jayenga. Aap waha se easily software ko download kar sakte hai.

Recuva se restore karne ke liye pahle recuva software launch kare phir aap ke screen pe ek box me (welcome to recuva wizard) likha hua show karega and us box ke bottom right side me next ka option hoga. Aap ko us next par click karna hai.

Next par click karte he aap ke samne aap ko file type ka option aayega jisme aap ko file type select karna hoga jaise pictures, music, document, email ya aur kuch aur phir next par click kar de.

Next page pe aap ko document ke location par click karna hoga and phir next par click kare. Agle page me aap ko “thank you, recuva is now ready to search for your files‘’ jaisa ek message milega aur page ke bottom me start ka option hoga waha pe aap ko click karna hoga. Jaise he ap start pe click karte hai recuva files ko recover karna start kar dega.

Jaise he procedure complete hoga aap ke samne pure deleted files ki ek list aajayegi. Phir aap ko bas deleted files ke samne diye gaye box me click karna hoga aagle step me aap ko bottom me diye recover ke option me click karna hoga jaise he aap recover ke option me click karenge aap ko ek option milega jisme aap ko file recovery ke liye location select karna hoga.

Jaha bhi aap us file ko restore karna chahte hai vo drive select kar de phir aap ok press kar de. Jaise he ap ok press karenge aap ki file restore ho jayegi and aap dekhenge ki aap ki file us location par vapas se save ho gayi hai.

Is tarah se bade he aasani he aap recuva se apne deleted files ko recover kar sakte hai. Recuva software ko download karne ke liye is link ko follow kare – http://www. Piriform.com/recuva, ye link directly aap ko piriform ke page pe le jayega aur aap bade he aasani se recuva ko download kar sakte hai.

Toh ab tak toh aap log yehsamajh chuke honge ki computer se delete files ko recover kaise kiya jata hain. Toh ab deri kaisi aur intezar kis baat ka bas aap log inn tricks ko acchi tarah se follow kariye aur bina kisiki help liye apni delete files aur data ko bindas recover kar lijiye.

Windows Files Hide / Show Kaise Kare?

Tags:
A project by AnalogFolk © 2017