Computer Ko Password Kaise Lagaye | Secure Lock Ki Jankari Hindi Me


Computer Ko Password Kaise Lagaye | Secure Lock Ki Jankari Hindi Me
Computer ko Password Kaise Lagaye PC Lock

Computer par password lagana koi mushkil kaam nahi hain. Lekin yeh kaam unhi logo ke liye easy aur saral hain jo log yeh jante hain ki Computer Ko Password Kaise Lagaye. Lekin jin logo ko iss bare main jankari nahi hain unke liye yeh jan kar rakhna bahut jada zaruri hain ki computer par password lagane ke liye hume kin kin tariko ko follow karna chahiye. Aaj ke iss lekh main hum aap logo ko iss bare main jankari denge. Jin jin logo ke pass computer hain unn logo ko yeh baat acchi tarah malum hoga ki computer main password lagakar rakhna kitna jada zaruri hota hain. Humare na maujudgi main koi bhi insan humare computer ko open na kar paye isiliye computer main password lagakar rakha jata hain. Toh bina ek bhi pal weste kiye aaiye jan lete hain ki humare computer main password lagakar rakhne ke kya kya fayde hain aur kya kya tarike hain.

Computer Ko Password Kaise Lagaye – कंप्यूटर को पासवर्ड कैसे लगाए

Kyun ki aaj kal har kisi ki jindagi itni personal ho gayi hai ki ab har koi apna data apna kaam sabse chupa ke rakhna chahta hai. Ab vo kaam chahe facebook pe chatting ka ho. Koi video download karne ka ho ya fir koi business ya job se judi kuch files ko surakshit rakhne ka ho. Ab har koi apni cheej kisi ke saath bhi share nahi karna chahta. Jaise ki aap mobile me password laga ke rakhte ho. Kisi anjan vyakti ke haath me apka mobile chala jaye aur use apki sari information mil jaye isliye aap password lagate ho aise hi ab computer ko bhi aap kisi anjan vyakti ke haath me barbad hone se bacha sakte ho.

Windows ko extra insaan se protect rakhne ke liye password ka use kiya jata hai. Password lagane par jab bhi aap computer ko ON karoge toh pehle password dalna hoga. Uske baad hi computer par kuch work kiya ja sakega.

  1. Sabse pehle aap computer ke start button par click kare.
  2. Uske baad vahan option khulega usme se control panel ko open kijiye.
  3. Vahan bahoot sare options me se ek option hoga user account. To user account ko kholiye.
  4. Fir next option create a password for your account par click kijiye.
  5. New password box main apna password likhiye.
  6. Confirm new password box main usi password ko dobara likhiye.
  7. Type a password hint main aap apne password ke liye koi hint likh sakte hai. (Hint tab kaam aata hai jab aap apne password ko bhul gaye ho. )
  8. Ab create password button par click kar dijiye.
  9. Apka computer password se protect ho chukka hai.

Computer main password lagane ke fayde

  1. Agar aap apne computer main password lagakar rakhenge toh koi bhi destructive person aapke computer main invalid entry nahi mar sakta.
  2. Aapke computer main aapne jo bhi data etc. rakhe hain, yeh aapke hath main hoga ki aap unn cheezo ko dusro ke sath share karna ya dusro ko dikhana chahte ho ya nahi.
  3. Bahut se log ayese hote hain jo kisi dusre ke computer ke data ko chura lete hain aur fir uska misuse karte hain. Toh agar humara computer password dwara surakshit rahega toh koi bhi humare computer ke data ko chura nahi payega.
  4. Kabhi kabhi ayesa hota hain ki hum apne computer, laptop main bahut zaruri cheez rakhte hain aur koi dusra insan ho sakta hain ki nadani se ya jan bujh kar bhi humare important data ko delete kar dete hain, jiske wajah se hume kafi pareshani ka samna karna padta hain. Isiliye agar hum apne computer ko password dwara lock karke rakhenge toh humare computer ke data safe rahenge aur hum secure rahenge.

Jab bhi aap apne computer main password lagaye ya apne computer ka password change kare toh aapko niche diye gaye baato ka khas taur par dhyan rakhna chahiye.

  1. Aap apne computer main jo bhi password daal rahe hain, yaad rahe ki woh password directly aapke kisi favorite person, favorite place, favorite cheez ya favorite number nahi hona chahiye.
  2. Aapne bhi ek baat follow kiya hoga ki aksar log apna password 123 ke form main daalte hain. Lekin kabhi bhi aap ayisi galti bilkul bhi na kare.
  3. Aapke password ka 1-2 letters capital letter (block letter) main hona chahiye. Issike sath aap kuchh symbols bhi daal sakte ho jaise ($¢€π√) etc. Main point yeh hain ki aap apne password ko jitna ho sake utna difficult rakhiye. Aapka password jitna hi difficult hoga utna hi koi aapke password ko tor nahi sakega.

Password ki length acchi honi chahiye

Aap log inn baato ka dhyan rakhte hue apne computer main start button ko click karke step by step apne computer main password laga sakte hain.

Toh, upar aap logo ne yeh dekha na ki apne computer main password lagane ke liye hume kin kin tariko ko follow karna chahiye toh bas aap log humare iss lekh main diye gaye kuchh tariko ko follow aur apne computer main password lagakar apne computer ke data aur baki details ko safe karke rakhiye.

Vaise ab har computer ke windows ka alag alag tarika ho gaya hai. Par jyadatar password lagane ke liye ye tarika hi ajmaya jata hai. To aap is tarike se apne computer ko kisi aur ke hathon kharab hone se bacha sakte ho. Agar apka computer protect hai to koi kuch bhi nahi kar sakta hai.

Drive Lock / Folder Loc Kaise Kare?**

What's Your Reaction?

Love It Love It
0
Love It
Like It Like It
0
Like It

Computer Ko Password Kaise Lagaye | Secure Lock Ki Jankari Hindi Me

log in

reset password

Back to
log in