Body Strong Kaise Kare – Fitness Tips Ki Jankari बॉडी स्ट्रॉंग कैसे करे


Body Strong Kaise Kare - Fitness Tips Ki Jankari Hindi Me

Body Strong Kaise Kare – Fitness Tips Ki Jankari Hindi Me

Body Strong Kaise Kare – Fitness Tips

Aaj sabhi chahte hain ki wah akarshak dikhen. Isliye har kisi ke mann mein ek sugathit sharir ki iccha rahti hai. Yadi aap bhi body banana chahte hain to zara dhyan dijiye. Body banane ke liye keval gym mein jana kafi nahi hai. Agar aapne bhi body banane ka mann bana liya hai to in batoon par gaur farmaiye. In baton se aap apni iccha anusaar body bana sakenge aur strong ban sakenge. Chaliye jane Body Strong Kaise Kare – Fitness Tips Ki Jankari Hindi Me.

Acche gym ka chayan kijiye

Body banane ke liye ati avashyak hai ki aap jis gym ka chayan kar rahe hain usme yeh batein zaroor ho. Gym apke ghar ya karyasthal ke pass hona chahiye warna aane-jaane mein apko tanav hoga. Gym mein kaam karne wale karamchari madadgaar ho aur unhe body banane ka pura gyan hona chahiye. Iske ssath hi dhyan raken ki gym ke toilets gande na ho warna aapko infection ho sakta hai. Aur ye bhi dhyan den ki gym mein body banane ke liya sahi tarah ki machine ho.

Vastvik lakshya banaye

Aise lakshya nirdharit karen jo aap prapt kar sakte ho. Dheemee shuruaat karen. Aap ek din mein bahut see mehnat karke body nahin bana sakte. Apne andar ki majbooti badhane par dhyan den. Yeh awashyak nahin hain ki aap kuch dinon ki exercise mein hi acche muscles prapt kar lenge. Yeh zaroori hai ki us vyayam se aapki androoni shakti badhe.

Sahi samay ka chayan kare

Gym jaane ke liye sahi samay chune. Aisa samay nahin chune jab aap pehle se hi thake ho warna aap theek dhang se vyayam nahin kar payenge. Aap ek dam subah ke samay ko bhi nahin len. Aisa isliye kyonki raat mein sone ke karan apkee rid ki haddi ka shetra taral padarth se bhara rehta hai aur is karan hi ek dam subah kasrat karne se usme zara si bhi laparvahi se jakham hone ki sambhavna rehtee hai.

Vyayam se pehle apne aapko josh mein layen

Is prakriya ko warm up karna kahte hian. Vyayam se pehle apne aap ko josh mein lana zaroori hota hai jisse ki gym mein karai gayi pratyek exercise ko aap acchi tarah se kar saken. Apne coach se is baare mein kahen.Iske baad aap saari exercises ko aasani se kar lenge.

Alag-alg tarah ki exercise kare

Apne coach se kahen ki woh aapko is prakar exercise karwaye ki pure saptah mein apke sharir ke sabhi bhag ki exercise ho jaaye. Yadi aap somvaar ko chaati aur kandhon ki exercise kar rahe hain to mangalwaar ko peeth aur bahon ki tahtha budhwaar ko pairon ki exercise karvane ke liye kahein. Isse aapke sharir ke sabhi bhagon ki kasrat hogi aur aapka sharir ek anupaat mein sugathit hoga.

Sankoch nahin kare

Gym mein aap apne coach se acchi tarah se exercise seekhen aur agar kuch samajh nahi aata hai ya apko kisi exercise mein pareshani ho rahi hai to coach se madad mangne mein sankoch nahin karen. Iske saath hi aap apne visheshagya se aahaar ki suchi mangen jinhe aapko vyayam karne par khana hoga.

Aahaar ka vishesh dhyan rakhen

Jab aap itni mehnat karenge to aapko acche aahar ki bahut zaroorat hogi. Muscle ko banane ke liye protein ki bahut zaroorat hoti hai. Protein ke liye aap doodh, egg, machali, sukhe meve, hari sabziyaan aur dal le sakte hai. Anek visheshagya protein ki matra badhane ke liye protein powder bhi dete hain jinhe aap dooh mein milakar pi sakte hain.

Nashe ka sevan nahin kare

Body banane ke liye aapko nashe ko alvida kehna hoga. Sharab, Cigarette, aur doosre kisi bhi tarah ke nashe ko aap band kar dijiye. Agar aap nasha karte rahenge to yeh nasha apko andar se kamzor bana dega aur aap sahi tarah se na to exercise kar payenge aur an hi aapki body bana payegi.

Aaram zaroor kare

Sharir ko aaram dena zaroori hota hai. Tabhi sharir doosre din exercise karne ke liye tayar ho pata hai. Is liye sharir ko aaram den. Raat mein jaldi so jayen jisse aap doosre din tarotaza hokar body banane ja saken.

In upayon ke saath body banaiye. Dekhiye aapki body kuch hi dinon mein nikhar aayegi.

30 Din Me Kaise Banaye Body ?

Mr Hindi Indian Youtube Channel